البنات أزهار محتاجة مطر‎ - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة دليل همس القوافـي البنات أزهار محتاجة مطر‎

بنك الحب ..:: ذهبي ::..

أبدي بذكر الولي رب الأنام
الإله الواحد اللي ما ينام
عز شانه لا يضيم ولا يضام
عالم غيب الليالي المقبلات

أسألك يا رب تصلح بالنا
نخلص النية بكل أعمالنا
واتهدي للحق كل عيالنا
نحفظ القرآن وفروض الصلاة

هات يا هاجوس واكتب يا قلم
قصة تحكي من الواقع ألم
من عواقبها قليل اللي سلم
قصة التحنان بقلوب البنات

البنات أزهار محتاجة مطر
لأرتوت بالحب من عذب القطر
فاح من وجدانها أغلى عطر
روضة يزهر بها زين النبات

بس والله مشكلة بعض الأسر
في تعاملها فضاضة مع عسر
يكسرون قليب ها الدرّة كسر
كن ما للبنت حق مطالبات

إن بغت حاجة مَحَد لبالها
حتى لو إن الغرض من مالها
مالقت منهو يجيب أشغالها
حتى لو جابوا بعضها ناقصات

يعني لو حبّت تروح المكتبة
قالوا إن البنت هذي متعِبة
وحلفوا لا لا تعدين اعتبة
مالها داعي تروح المكتبات

وإن بغت ها السوق والله مشكلة
معضلة يا كبرها من معضلة
من يوديها يحل المسألة
الخبير اللي يحل المشكلات

لو تبي تزور البنات أصحابها
أو تبي تَعزم بنات أقرابها
كان يكثر لومها واعتابها
والحقوق تضيع في ودي وهات

لو تبي تعزَم على حفلة عرس
جاوبوا ممنوع باسلوب شرس
توك صغيرة وجاهل يا فرس
عيب ما يصلح تروحي مناسبات

يعني لو كانه تعكر صفوها
مالقت منهو يغير جوّها
لا أبوها لا أخوها لا امها
كلهم لاهين عنها في الحياة

مشكلة لا ما لقت صدر حنون
العطوف اللي على قلبه تمون
تشتكي له عن هواجيس وظنون
تقضي الأوقات في هم وشتات

يقعد الشيطان يلعب لعبته
يدري الملعون هذي فرصته
لين يغويها وتسمع كلمته
تتبعه وتصير ضمن الغاويات

والبدايل عندها يا كثرها
ما تميز خيرها من شرها
والرقيبة غافل ما مَرّها
تارك أبواب الدخول مشرعات

الفضا والنت والهاتف بعد
عندها الشيطان للحلوة قعد
يعطي الكذاب للفرحة وعد
لين تغرقها بحور الأمنيات

بنت محتاجة تبي صدر رحيب
ودها تلقى لها قلب حبيب
يمكن تلاقي لضيقتها طبيب
راحت تدور بكل أربع جهات

جرهاالمركب على بحر الهوى
وأبحرت بالحب والقلب انكوى
والحبيب اللي لصيدتهانوى
افترسها فاالوعود الكاذبات

لأنها بنية وتملك عاطفة
عاطفتها في المحبة جارفة
تدخل الساحة ولاهي خايفة
ثم تاكلها الذياب الجايعات

كل هذا من سبب تهميشها
والحياة اللي جحود تعيشها
وردةٍ ذَبلت سبب تعطيشها
لين هزتها رياح المغريات

بعدهذااسمعوا يااهل العقول
كلمة مني ولا ابغاها تطول
علها فقلوبكم تلقى قبول
الله الله يا هلي بالمترفات

احفظوا للبنت كل حقوقها
واحتووها واسمعوا منطوقها
واكسبوا كل الثقة في ذوقها
عاتبوها بالحروف اللينات

والنصيحة يا بيوت المسلمين
اعتنوا بالتربية دنيا ودين
بالبنات اخشوا إله العالمين
كان تبغون البنات الصالحات

تمت وصلوا على الهادي البشير
السراج اللي على الأمة ينير
النبي اللي على هديه نسير
عِد آيات الكتاب البينات

حكمتي بسكاتــي ..:: مراقبة عــامه ::..

قمه قمه قمه في الرووووووووووعه

والله اللحين البنت كل شي يتلبى لهاا ويتنفذ عكس بنات اول
اللحين فيه تماادي كثثثير الله المستعان
وكل هذا مافيه تربيه صحيحه

الله يهدي بنوتي ويصلحهاا

رااااااااااااااق لي ماطرحت

مليوون عاافيه

3hd ..:: مشرفة دليل الترحيب والمحبة ::..

لن أقول كلمة رووووعة أو إبداااااااااع ”.
فتلك صفات حروفك و كلماتك الرائعه”.
بل الروعة ذاااتهااا تخضع تحت قدميك”.
خطواتك ثاابته إلى قمم الأبداع و الشموخ”.
كلمات صادقة تدخل قلوبنا و لا نشعر بها”.
تتسلل بهدووووووء ... كــ نسااااااائم الربيع”.
احسااااس صااااادق و عااااااطفة جيااااااشه”.
استمتعت كثيرا بعطر حروووفك و حضورك

محتاجة, أزهار, أطرف, البنات

الموضوع التالي

قد يُعجبك ايضاً

أطرف تعليقات المصريين حول لقب ' الأفضل ' في عام الثورة محتاجة مشورة محتاجة اجابة محتاجة لك حبيبي أزهار بينكم

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )