أختي والله حاس فيك وعارف انو صعبه عليك انو يناام بغرفه وانتي بغرفه
وانا ما ادافع عنه بلعكسس اقول هو غلطان بس هاذا طبعه ويبيله وقت لين يتغير

ومن ناحيه انو زعلان وانتي مو غلطانه وتروحين وتعتذرين له وتبوسين راسه
التصرف هاذا صح لو كنتي غلطانه بس انتي مو غلطانه وبيتعود على كذا
انو يغلط وتعتذرين لاتعتذرين الا اذا كنتي غلطااااانه
انتي ماغلطي ابدا وجميع تصرفاتك معه من البدااايه تدل على انك انسانه فاهمه وواعيه
وتتدرك وش معنى الحياه الزوجيه
بس زوجك غريب نوعاً ما ويبيله وقت لين يتعدل

وأ سئل الله الكريم ان يسعدك معاااه ويسعده معك ويوفقكم لما يحب ويرضى
وعليك بدعاء في جوف اليل وفي كل وقت

اللهم امييين الله يسمع منك اخوي ذيب نجد للآمانه ارتحت واجد بكلامك والله العظيم وصلت لمرحلة صرت احس اني انا الغلط وهو الصح بكلللللللللللللللللللل شئ
وانا مااعتذرت ضعف اعتذرت وانا ادري المفروض مااعتذر بس لانه بيقلبها زعله اكبر وهو مانام زيييين والتعب بوجهه وانا والله حنيت عليه وفي الاخير بيلبس ثوبه وبيطلع ومااحبه يطلع وهو مضايق والا مو براضي علي والله العظيم ادور الي يرضي الله ثم يرضيه بس الله يهديه ويهديني انا كمان
ولاتنساني من دعواتك وبااوافيك بالتطورات اول باأول اذا مايضايقك لاني شفت فيك الاخ الناصح وبصراحه احسك كأنك تقرأ افكار زوجي وبديت تفهمه
والف الف الف مليون شكر لتحملك لي واعتبرني اختك ومشكور مرة اخرى

الله يسعدك ويخليك اخوي ذيب نجد على كلامك الطيب ويعلم الله اني اكن لك كل الاحترام والتقدير عسى ربي يحفظك وانا دئما قاعدتي الاختلاف في الرأي لايفسد للود قضيه
وانا يشهد الله ماقلت لأختنا تعلمت انها تروح لبيت أهلها عشان اخرب عليها أو انو بسبب ان زوجها مايوديها مطعم أو مايخرجها او انو بيسافر بدونها .. لااااا وحاشالله اني أقصد كذا
اللي أقصده اسلوب النوم بغرفه وهي بغرفه .. بالذات انو توهم متزوجين
يعني حركته وبكل صراحه حركه غريبه جداً اشلون يسوي زي كذا
والله لو انه بدوي ساكن بخيمه يعني الحريم ينامون بالمحرم والرجال ينام بالشق على قولتهم في المسلسلات ..!!
وين احنا عايشين و بأي عصر ؟؟!!
مع احترامي وتقديري لأخوي ابو ساره .. الرجال اللي زي كذا يبيله فركة
اذن عشان يصحى ويترك عنه سماع كلام هذا وذاك اذا كان من اولها العالم تسرّح فيه وتروّح على كيفهم وعلى غير بصيره اجل وش تاليته ؟؟!!
الحياه الزوجيه مو تطبيق عقوبات وفرض سيطره ومين تمشي كلمته .. لأ.. الحياه الزوجيه حب وحنان وعطف وتفاهم واحساس البعض بالآخر .. وفي مثل حالة زوج اختي تعلمت مالها حل الا انها تبعد عنه عشان يصحى ويترك عنه هالخرابيط اللي مالها داعي .. الرجال قاعد يطبق كلام ناس عقولهم من العصر الجاهلي
وفي هالحاله الحرمه من حقها تصحيه وتعيش اجمل ايام عمرها زي باقي الناس
وانا قلت لها لا احد يعرف عشان ما احد يتدخل بينهم وتكبر السالفه وهي كمان يمديها تقوله ان محد يدري عن اللي بيني وبينك بس لو ما تغيرت وتركت اللي تسويه راح اتكلم
والقصد من هذا انو يصحى ويعرف حقوق زوجته عليه ومنها يهاب ان ورى حرمته اهل بينصفوها منه .. لأنها لو سكتت على هالوضع مستحيل يتعدل
هذا كان قصدي وربي الشاهد

ولكم مني كل الاحترام والتقدير

والله يفرج كربتك اختي الغاليه ويهدي لك زوجك ويسخره لك ياارب

سعدت بمرورك اختي اميرة الاحلام انا فاهمه كلامك وفاهمه كلام اخوي ذيب نجد وذا الي مخليني بحيره اني عاقلة وفاهمه كل شئ وعارفه انه هو الغلطان اول مره احس الي عاقله مو بزييييينه خخخخخخ امزح امزح
الي قصدت اقوله اني فاهمه كلامكم اثنينكم بس الي انا متأكده مني ان زوجي مسأله ان يجي يآخذني من بيت اهلي ومااروح معه بيآخذها عناد وممكن يخليني ولايفكر حتى يسأل
لكن انا اقوله الي مضايقني ومزعلني منه واروح البيت وبس ينقفل باب بيتنا انا شكلي الي ابتخذ اسلوب الصمت معه ابسوي الي يبيه بس وانا ساكته وانا اروح عنه مو بهو الي يخليني انا حاولت اني اعوده قلت يمكن مو بمتعود على الزوجه ونومتها جنبه ومع الوقت بيتعود بس الحين انه لا لازم يكون لي ردة فعل ماينفع اسلوب الكلام ولا الحوار معه انا اعرفه ماينفع ابد بس مدري وش الحل؟؟؟؟

مرااحب اختي..

والله انا مع اميرة الاحلام..لكن الافضل يكون في احد من الاهل..
عاااقل ومتفهم يتدخل بالموضوع..
عارفه ليش..لان زوجك اذا استمر على هذا الحال..
وانتوا لسى ببداية حياتكم..
راح تكونين طوول عمرك صفر ع الشماال..
ويصير هو بس تاابع لزملاه واصحاابه..
وهذي مو حيااه ابد..
اللي فهمته من كلامك ان زوجك مسكين على نياته..
ويسمع كلام أصحاابه أعتبار انهم افهم منه..!!
وهذا للاسف ضعف في شخصيته..
مع احترامي لكلامك ياا ذيب..لكن اسلووب التغافل..والمسايره ما تنفع معااه..
زوجك يبيله وقفه حااازمه..
لانه فااهم الزواج بالمقلووب..وياليت هذا تفكيره ..
مفهمينه غلط..
الافضل تخلين أحد تثقين فيه وتعرفين انه حكيم..
وتخلينه يتفااهم معااه..مثل ما اخذك بكراامه يعيشك..براحه..
مو حل انه يجلس بمكان وانتي بمكان..
كان تزوج مسياار وارتااح..ولا عذب بنات الناس معااه..
انتي لا ترضين على نفسك لان تصرفه غلط..وانتي صح مليوون بالميه..
وعدااك العيب..ووالله موتحريض لكن كل ما صبرتي كل ما تماادى معاك اكثر..
وسكوتك ما راح يحل..بالعكس..راح يزيد من تصرفاته سووء..
خصوصا انه من الحين بدا يقول بساافر..!!!
بكره وش بيصير؟؟!!

قبل ما يسافر ويروووح شوفيلك حل..معااه..

الله ييسرلك ياا اختي..