[ALIGN=CENTER][TABLE1="width:95%;background-color:black;border:6px solid red;"][CELL="filter:;"][ALIGN=center]


ياقلب سامحني على كل زله

أخطيت في حقك كثير وتماديت

علمتك دروب الهوى والمذله

عليك ياقلبي قسيت وتجنيت

ياما نصحت وقلت من صد خلّه


لاشك ماطاوعت يومك تخلّيت


واليوم دمع الحزن عيني تهلّه

ياليتني طاوعت شورك وصديت

ياقلب أنا وياك نار ٍ ودلـّــــه

من حزنها تشرب وأنا قد تقهويت

اصبر على بلواك والجرح شلّه

أدري ترى ماجت على ماتمنيت

أعاهدك لهجر عناء الحب كلّه

وانسى سنين ماضيه يوم حبيت

وإن جاء مع الأيام طاريه قلّه

إني بعيد عنه من يوم قفيت

هاذي بدايتنا وهذا محلّه

ذكرى وأنا منها تعبت وتعنيت

ياقلب اصبر والصبر لاتملّه

الصبر مفتاح الفرج لو تأنيت

بس أنت سامحني على كل زلّه

ولا أنا في حقك أخطيت وأخطيت








نقره على هذا الشريط لعرض الصورة بالمقاس الحقيقي



[/ALIGN][/CELL][/TABLE1][/ALIGN]