مامليتوا من المبالغات ياحريم .....؟؟؟؟؟؟؟؟؟؟؟؟؟؟؟ - زوجــي و زوجتــي عالم الحياة الزوجية

زوزي مونى ..:: عضو ::..

:sa7l. (178):بدخل في الموضوع على طول

في بنات لما يجون يوصفون حركه رومنسيه مسوينها حق ازواجهم والله يبين انها تبالغ بس للتشويق ولفت الانظار
مثلا :
البسي كذا وحطي كذا وقولي كذا وبتشوفينه طيراااااااااان وراك >>>>> حتى لو انه سوبر مان ماطار بهالسرعه:

او مثلا :
سوي هالحركه بالسوق وبتلقينه بينفض جيوبه.. ويشتريلك كل اللي تبينه >> >>>>هذا اذا ماقاللها عذرك اللي يجيبك السوق مرة ثانيه

او

قلت لزوجي كذا وقاللي ااااااااااااااااااااااااسف ماعاد اعيدها >>>>>>> اوووووو ماي بيبي

او

اغمزيله بعينك ان ماطاح قدامك وماقدر يسند طوله >>>>>> اي اكيد يطيح لازم حاشه صاروخ من صواريخك

يبنات انا ما اقول هالاشياء والحركات ما تاثر في الزوج بالعكس لها مفعول السحر
بس بعض البنات الله يهديها تبااااااالغ وتعيش الدور وكانها في عالم غير اللي الواقع اللي نعيشه وتجي وحده وتسوي الحركه وماتلقى نفس الاستجابه
عاد ودها زوجها يطيح والا يركض مثل البزر وراها تبي تعيش نفس دور الاخت ولما ماتحصل اللي تبيه يصيبها احباط وتحرم تغري زوجها من الفشيله
كلنا نسوي حركات ونشوف ردات افعال ازواجنا ومحنا صغار مانعرف كيف يتصرف الزوج

انا بقوللكم بعض ردود افعال زوجي واعتقد في منها كثيييييير في ازواجكم والله اعلم
احيانا اكشخ والبس واتعطر ومكياج روووووعه وانتظر بس زوجي يدخل البيت ابي اشوف ردة فعله
ولما يدخل يسلم ويرن تلفونه ويقعد ربع ساعه يتكلم في التلفون يكون في هالوقت وصل لغرفة النوم وبدل ملابسه وهو يتكلم اكون انا في هالوقت حسيت اني لابسه روب قطن طويل باكمام وشعري مزيت ههههههههههههه
يعني مولازم كل مرة لااااااازم ينفجع بجمالك

ومرة من المرات سويت من حركات غرفة النوم الورود بالارض والشموع واحلى عطورات والناموسيه كلها تلمممممع وفيها ورود وقلوب رومنسيه انا حطيتها فوق السرير وكنت متكشخه لاخر درجه ومسكره الباب عشان يتفاجأ فيني و يشوف جو الغرفه مختلف تماما عن جو البيت وقمة الاغراء وظليت انتظر دخوله

وفعلا سمعت صوت الباب انفتح وتسكر وصوت مفاتيحه يحطهم على الطاوله وعدلت قعدتي استعدادا لدخوله
ومرت ثواني ودقايق ودقايق ثانيه وانا تعبت من نفس القعده من العصر وانا اتدرب على هالقعده

اعه
ومرت ربع ساعه بدووووووووووووووووووووون مبالغه والله حتى الشموع اغلبهم ذابوا خلاص بصراحه شاريتهم من بوريالين اللي بسرعه يذوبون

طلعت من الغرفه وانا في قمة العصبيه ومالقيت الرجال البيت هااااااااااااادي
وانادي فلااااان وينك

لامفاتيحه ولاغترته ولاعقاله ولا له اي اثر
دقيت على جواله ورد علي

انا: الووووو
هو : لازال يضحك مع ربعه وبصوت كبييييير

انا : وينك انت موتوك كنت في الشقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو: وانتي كيف عرفتي اني كنت بالشقه ليكون تراقبيني
انا : صمت مع

هو: انت وينك الحين ؟ انا مع الربع خلي اخوك يوصلك البيت لاني بتاخر شوي الليله
انا والعبرة تخنقني : طيب تاخر براحتك بس الشرهه علي اللي مسويه ليله رومنسيه لك
هو بصوت صغير : ليله رومنسيه وببيت اهلك ؟؟؟؟؟؟؟؟؟؟؟؟؟
انا : وبكللللللللللل عصبيه شنووووووووو بيت اهلي انا اليوم ماطلعت اصلا
هو : انا جيت البيت ولقيت البيت ظلام ومحد فيه قلت اروح اكمل السهرة مع الشباب
انا وبكل رققققققققه : طيب هذا انت عرفت اني انتظرك

لاتتاخر حبيبي

هو : لالالا تو حاطين العشا معليش راح اتاخر الليله
انا : لاحبيبي انا انتظرك اوكي

هو: لامعليش الشباب ملزمين علي وحالفين مايتعشون من غيري
انا قلت بسكت يمكن ينكسر خاطره ويقرا افكاري
هو يقول الو الو الو الو وانا ساكته ما ارد
توني بقول الو بصوت رقيق الا يقفل الخط
وانااااااااااااااااااااااااااا اا

قلت لنفسي يبنت لمي شموعك وورودك وكراكيبك ولاعاد تسوين هالحركات القرعه مرة ثانيه
وبعدين غيرت رايي
نمت وانا متعمده اترك كل شي على وضعه مابي تعبي يروح عالفاضي
على الاقل يحس شوي باللي سويته

والله يبنات هذي قصة وحده من مسلسل حياتي معاه
يعني تصير هالاشياء كثييييييييييييييير بس الدنيا ماتنتهي ولاتوقف لهذا الحد
لايأس مع الحياة

خجل... ..:: عضو مميز ::..

ههههه
ضحكتيني أختي ربي يسعدك
اسلوبك روووعة ...عارف انتي غلطتي بشووووو؟؟؟
المفروض تسويت له دعوة لليلة ذي عشان يفرغ نفسه وما يرتبط ويستعد نفسيا لها...رسالة او كرت او اي شي....
عارفة الحركات المفروض مثل ما قلتي ..ما تكون مبالغة فيها...المهم الجو الحلو بين الزوجين يكون دائما ....مو بس في ساعة ...
والمفروض الواحدة لمن تقرأ هذه الأشياء تاخذ اللي يناسبها هي وظرفها وطبيعة زوجها....
شاكرة لك اختي الموضوع الحلو ....
تقبلي تحياتي...

بسبوسهـ ..:: كـــ vip ــــبار الشخصيات ::..

ههههههههههههههه
والله قصه كتيييييييييير روعه .......... الله يكون بعونك هذه الليله ......... ولكن انتى اخطأتى
كان من المفروض انك تعرفيه بهالشئ لاجل لايتفاجئ وتضيع السهره هيك
الله يوفقك ويسعد ايامك......
تقبلى مرورى,,,,,,,,

توقيع

عاشقة الليل؟ ..:: عضو مميز ::..

شـكــ وبارك الله فيك ـــرا لك ... لك مني أجمل تحية .

ريح العود ..::: عضو متميز :::..

هههههههههههههههههههههههههه

شـكــ وبارك الله فيك ـــرا لك ... لك مني أجمل تحية .

مامليتوا, المبالغات, ياحريم, ؟؟؟؟؟؟؟؟؟؟؟؟؟؟؟

الموضوع التالي

قد يُعجبك ايضاً

الحقوني ياحريم ايش اعمل؟؟؟؟؟ لازم تشقرو على الموضوع ياحريم ابي مساعدتكم ياحريم قصة زيل البقرة لا توفتكم ياحريم

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )