الله يجزاك خير اختي وكلامك على عيني وراسي ومقتنع فيه .... وفاهم معنى الزواج بس من حقي لما ادخل بيتي احس با استقرار سعاده احس هناك انسانه تنتظر جيتي تهتم فيني ... الزواج صبر وتحمل (( هل انى ملزوم اعاشر انسان لم يشعرني بوجودي وكل يوم وهو زعلان ومدة بوز )) اسمحي لي اختي لو وحده من صديقاتك بشخصيه منفره هل تبقين معها .. وتجيك وحده تقول لك تحملي والصحبه صبر وتضحيات ووو.... راح تصبرين فترة بسيطة وبعده !!! كيف استمر ع العطاء والي اعطيه مايعطيني !!

يشهد الله اني حنون وطيب وما امدح نفسي وعيبي اني عصبي وارضى بسرعه .. عجبتني جملتك مثل الي يربي طفل (( الطفل يتربى من الصفر قد شفتي شاب يتربى وعمره 20 )) البيئة او مجتمع الزوجه له دور ونصيحتي للكل قبل لا تخطب البنت اخطب امها

المهم انا بحاول اني اشبع زوجتي الجديدة من كل النواحي وراح اتغير او استمر وهي الي تحدد اسلوبي كيف بيكون معها بس البداية لن اقصر ... اهم ماعندي اطلع من الازمه ذي والله سبحانه كريم

وبالاخير كفيتي ووفيتي وربي يجزاك الجنه ويسهل امرك ويسعدك اين ماكنتي

لا اخفيكم سرا بعد ماكتبت الموضوع حسيت اني ارتحت جميل ان الانسان يفضفض وهذا شي لم اجده بالماضي او احاول اكابر كثير وما اشكي ... بس نصيحه للكل عندما تضيق بك اكتب مابداخلك بورقه وقبل ان تكتب اشكي لربك بسجودك


كل الشكر لمن رد على الموضوع ولكل من حس بما امر فيه ودعاء لي .... الله يجزاكم الخير جميعا والله لا يوريكم مكروووه يارب