السلام عليكم ورحمة الله

ابي ماساعدكم ولاتبخلون علي لو بدعوه .... وربي محتاجتها

السالفه يااخواني ... انا عمري 20 سنه ومتزوجه لي 4 شهور وزوجي عمره 27 ...

تزوجنا وسافرنا اسبوعين ... وكان اهو بوقت الملكه قمت الاخلاق والرومنسيه والكلام اللي انصدمت منه وقلت تونا بدري عليه ... وجلست احمد ربي انه رزقني هالشخص ...


ويااخواني واخواتي .. رجعنا بعد اسبوعين من الزواج وكنا ماشين بالاسبوع الثالث وانا قاعده بالصاله واهو نايم والابتوب حقه كان بجنبي واشوف شئ كل شوي يطن ويطلع صوت واقرب وااشوف الا نك نيم بنت كاتبه

(( اهلين ليش مانمت وزوجتك وينها نايمه .... وقمت تكلمت معاها على اني اهو اللي قاعد يتكلم .... واتضح لي انه يعرفها قبل الزواج وبينهم علاقه ولا تركها الى الحين وقد قابلهاا ....))

وانا جن جنوني وانصدمت وتضاايقت مره .... وخليته الين ماعاد قدرت وتكلمت معاه بكل هدوء وجلست اخذ واعطي معه ... وفهمت انه كان يكلمها اول وخطبها وامه رفضت ... قلت اوكي علاقه قديمه وابيها تنتهي وراح اعتبرها غلطه


وسكتنا عن الموضوع والمصيبه اجلس اسبوعين وارجع اكتشف وبالصدفه انه باقي يراسلها بالنت وانقهرت وسكت ..

واجلس اسبوع بعدهاا وكان جواله يدق بالليل حول الفجر قلت الله يستر من اللي يدق وقمت اشوف وسكت الجوال والا يجيه مسج بأسم ولد ورحت وفتحته الا فيه كلام مبهم خلاني احس انها بنت ... واخذت الرقم ودقيت من جوالي الا تطلع لي وحده وانهبل اكثر ... واشوف جواله والقى راسل لها رساله انو مايقدر يقابلها بكره دوامه رفضو خليها بعده

وقلت وصلت لكذا واتمشكل معاااه وجلس جااب اعذار وبحكم ان دوامه بمستشفى يقول يبي يساعدهاا وان ماصدقت لانو الشئ باين بس حبيت ابين اني مصدقه

واناا داخلي مقهوره ونفسيتي زفت وقلت مالي الا الدعااء

والحين مالي الا 4 شهور وقبل اسبوع شفته يدخل على موقع النت لوق حق التعارف الله لايبارك فيه من موقع ... وقلت له يافلان ادخل وتكلم مع البنات بس بحدود الادب لاني اشوفه متعلق بالنت والبنات كثير


واللي قتل فيني كل شئ حلو وحبي لبيتي ودمري لي نفسيتي

انو بالصدفه واهو قاعد جنبي فتحت النت ادور طبخه اسويها ع الغداء وتطلع لي صفحة الرسايل بالنت لوق واهو جنبي وافتحهاا الا اشوفها موزع رقمه والبي بي والايميل حقه وكلام غزل لكل وحده وربي كلام ماانقال لي ابد... وانهبلت جتني مثل الصدمه سكت يومين بعدين تكلمت ليه تسوي كذا انا وش سويت لك وبكيت مثل الطفله قدامه وقطع النت يومين ثم الى اللحظه هذي رجع يراسلهم وانواع الكلام الحلو


اخواني واخواتي اسفه للاطاله ... بس انا بهم وربي اللي يشوفوني ولا يسمع صوتي يقولو وشفيها مريضه .... من 3 اسبوع بزواجي وانا ابكي وماعاد انام واحس بضيقه ونفسي دايم ضايق وتوتر حتي ابكي وانا نايمه واصرخ دايم ..... ومو عارفه افكر وخايفه من مستقبلي معاه

الانسان اللي في الملكه صار شخص ثاني بعد الزواج
لااسمع كلام حلو ... وربي حتى مسكت يد مافيه قلت مايخالف يابنت صرت انا اللي ابادر بالشئ واستقبله اذا دخل من الدوام واذا جاء يطلع اودعه ارسل له مسجات حلوه واوقات عشان التغيير اكتب له رساله بورقه واحطها تحت جواله بالليل عشان اذا قام يقراهاا .. وصدمني وش يقول خلي عنك حركات المراهقين والمسلسلات .... رحت يوم وكتبت له بالكحل على المرايه كلمتين حلوه وفشلني تقربت منه بجميع الطرق يردني

ولما دروا اهلي واهله مع اني الى الحين ماحكيت لهم بشئ بس حسو من وضعي وصحتي ادهورت قلت انه جاف معااي قااام يتكلم كلام وربي كذب وماصار ابد وماحبيت اكذبه قدامهم ويطلع صغير وخليتهم يصدقون الكلام فيني .. بعدين قال انا لما اقرب منها احس بضيقه يمكن حسد

ورحنا قرينا عند شيخ .... بس احس الوضع مافيه حسد ولا شئ احسه يبي يطفشني واطلع
ماياخذ ويعطي معي بالكلام مايحترم يتلفظ بعبرات مع اني اتكلم معاه بأدب الا الفتره الاخيره صرت ارفع صوتي من القهر

وسالته يوم تحبني ولا تبيني عيا يرد ويوم اصريت قال مافيه بقلبي لا حب ولا كره وماادري ابيك ولا ماابيك انصدمت وماعاد ادري وش اسوي ولمين الجاء

مع اني في الملكه اسمع منه كلمة احبك بكثره مررررره ماتتخيلونها وكنت اقول ليش يقولها كثير

اناا الحين ماادري وش اسوي ابي مشورتكم ونصيحتكم لااختكم

هل اطلب الطلاق ؟؟ قبل مايجي اطفال واظلمهم ؟؟

ولا اصبر ومااخرب بيتي واحاول اصلحه مع اني ماعاد اقدر وربي قلب تعب هموم ومشاكل ... الزواج اللي يقولون حلو وشهر العسل ماحسيت فيه ابد كله بكااااء وهم

ابي حل يريحني ... وربي اكتب والعبره خانقتني

بأنتظار حلولكم ...