الكبة المقلية

المقادير :

-كيلو برغل ناعم .
-5بصلات وسط .
-نصف كيلو لحمة في ناس بتجيبها مفرومة (انا بفضل الواحد يجيبها قطعة واحدة وهو يفرمها على ايده اضمن و انظف . ) اللحمة افضل تكون موزات يعني من عضلة الكتف او الفخذ اطيب ..
الملح و الفلفل و البهارات بفضل تكون حسب الاذواق و ست البيت فيها هي تتذوق وتشوف شو بيناسبها هي و عيلتها ...

الحشوة :
-بصلة او بصلتين حسب الذوق
-300 او 400 غرام لحمة مفرومة لكن مو ناعمة كتير (نحنا منسميها مفرومة =لسان العصفور )
-جوز وصنوبر حسب الذوق كمان.
طريقة التحضير :

الكبة :

اولاً البرغل يغسل جيداً ويترك تقريباً نصف ساعة بماء حرارته عادية من حرارة الغرفة يعني بس مو اكتر ( اكيد ما لازم يضل البرغل اكتر من نصف ساعة حتى ما يصير متل العجين )
اولا تفرم البصلة في الفرامة
ثم البرغل ثم اللحمة و من ثم تخلط المكونات مع بعضها و حتى تمتزج جيداً ...
الحشوة :
بعد فرم البصل بشكل ناعم
تقلى مع زيت دوار الشمس (انا بفضل هل الاسم لان الاسم الثاني فيه حرمانية )
عند يتغير لون البصل و يفترب الى الاصفر تقريباً
يضاف اللوز و الجوز و تحرك قليلاً .
ثم يضاف اللحم و يترك حتى ينضج طبعاً يضاف البهارات والفلفل الوملح حسب الذوق ..

وهلاء الصور لطريقة التحضير و القلي
وكلها ملطوشة ههههههههههه :