اسعد الله اوقاتكم جميعا ...
يمكن الكثير منكم يعرف باباروتي وجربها ...هي عباره عن معجنات او خبزة بنكهه القهوة والكراميل لها محل متخصص يحمل نفس الاسم له فروع كثير بكل مكان .. وفتح بالرياض :135:
هالمعجنات ماليزيه لكن نفس الخبز مكسيكي مدري كيف جت كذا خخخخخخ ...
طبعا هي عباره عن خبز يوضع عليه كريمه بعد الخبز تعطي قرمشه رهييييبه من الخارج ومن الداخل هش وقطن ولذييييييذ لذااااذه ماحصلتش ويمكن اللي ذاقها يعرف وش اقصد >>ميزتها انها حلو ومالح بنفس الوقت ممكن تنوكل مع القهوة او الكابتشينو او مع الشاهي او الحليب
المهم سويتها ونجحت الحمدلله وحبيت انزلها لكم " ان شاءالله تعجبكم وتقيموني والاهم تجربوها..
المقادير /كريمه التغطيه:
اصبع ز ب د ه لينه
3/4ك سكر بني
بيضه
فانيلا والافضل سائله
رشه قرفه
م ك نسكافيه مذابه بملعقه ماء حار
3/4 ك دقيق
نخفق الزبده والسكر اول حتى تكون مثل الكريمه بعدين نضيف البيضه وباقي المقادير ونضعها بكيس الحلويات وندخلها الثلاجه
الحشوة:زبده مقطعه مكعبات صغار ونجمدها بالفريزر ...او كيري ..او شكولاته ..نوتيلا ..فيلينق بلوبيري ...او مربى حسب الرغبه
انا حشيتها زبده على الطريقه الاصليه ولكم حريه الاختيار ...
العجينه:
4 ك دقيق
2 م ك حليب بودرة
4 م ك سكر
م ك خميره
م ص بيكنج بودر
بيضتين
3/4 اصبع زبده لينه
ك ماء دافي
تخلط وتعجن جيدا وتكون العجينه لينه لكن ماتلصق نحطها بصحن مدهون زبده وندهن وجه العجينه عشان ماتنشف ونتركها تختمر
بعد التخمير نقطع العجين ونكوره ونحشيه ونتركه يرتاح ويختمر مره ثانيه ونغطيه .. ضروري نقفل العجين كويس عشان ماينفتح بالحراره وتطلع الحشوة
بعد مايختمر مره ثانيه نضع كريمه التغطيه على الكور بشكل حلزوني وندخله الفرن محمى مسبقا على حراره 200-400 بالرف الوسط ونراقبه
الكريمه توضع بهالشكل
اممم ياسلام الريحه والشكل والقرمشه يااالهي :msn-2857f63144:
من جوه هشه وناعمه اممم
وبالعافيه ...
يآحي ياقيوم انصر اخوآننآ في " سوريآ "
نصصر عزيز مقتدر وثبت اقدامهم ياقوي ياجبار
لاتنسون الدعاء لهم الله يجزاكم خير
العرض العادي
©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com