اعشق متزوجه ..:: جديد ::..

السلام عليكم ورحمة الله وبركاته ,,,

أخوأني الاعزاء ... انا ابي رايكم بكل آمآنة بدون إي تحيزز أو عنصريه في موضوعي ,,
أنأ شاب ابلغ من العمر 25 سنة موظف ولله الحمد وأكمل للاخصائي الحاصل .. اني كنت افكر بالزواج من سنين واخطط ل هالشي وفي شهر 6 اللي راح من الله علي وملكت على فتاه عمرها 19 تدرس اول سنة تمريض مع اني كنت رافض اني ارتبط في وحده تخصصها صحي نفس تخصصي من اللي اشوفه من تبرج وقلة حياء .. االممهم قبل الملكة كان فيه شوفه شرعيه طبعا وبعد الشوفه صارت الملكه ولبسنا الدبل والخ .. الحاصل اني انصدمت انها ماتكلمني والى يومكم ذا ماقد سمعت صوتها ولأجلست معها غير خمس دقايق يوم الملكه وعذرها ايش اهلي رافضين وعلاقتنا وات واحسها بالمنه يعني يوم واسبوع شطف ... الحاصل ان هالبنت تروح للكويت كثير بحكم خوالها هناك ومن قبيلة ثانيه وانا كلمت ابوها ع اساس تكلمني ورفضض رفض جازم وقال مافيه مكالمات ولأشي ؟ يابن الناس زوجتي قال مافيه ... المهم اني منقهر ومنغبن كيف يخاف عليها من زوجها؟ اللي هو أنأ؟ وماسك علي شرط تكمل دراستها تمريض وتخالط الشباب انا بيني وبينكم افكر اطلقها مع ان العرس بيكون بشهر 11 القادم ان الله اراد ؟؟ انا صحيح وافقت ايام الملكه ع شرط الدراسه بس هي فاشلةة يعني نسبتها بالحضيض وداخله التمريض بواسطه مدري منحة .. وباقي لها ارربع سنين .وانا غيوورر مستحيل ارضى اشوفها بالمستشفى وانا عايش في هالبئيه الوسخه .. وش رايكم اقول لها من الحين ترا مابتكملين هالتخصص خصوصا انوه بكل الاحوال انا وراي ابتعاث بعد سنة او سنة ونص بالكثير انشاءالله .. والا اتزوج وأدخل عليها وبعدين اناقشها مع هالبنت عوباءءءءءءء اسلوبها معي لأيطاق ابد وكل هذا عشان امي متعلقه في ام البنت وتقولي لأ تفشلني مع اهلها .. والا اطلقها من الحين وارتاححح انا ماني معيوف الف بنت تبيني بس هي لما تكلمني احسس اني اتشحدها تعطيني وجهه وتهتم فيني ؟ لدرجة كننت ارسل مسجات ولأترد الا بمزأجها بعد اسبوع بعد كم يوم واعذارها اتفهه مما يكون .. يعني باختصار ؟ يابنات ياخواتي تكفون دلوني ؟؟ يعني تهقون بعد ماتزوجها وبعد الدخله وبالكلام الحلو ممكن تضحي في هالتخصص وارتاح نفسيا .. وألأ؟ بتهايط وتقول ليش توافق ومدري ايش .. قسم بالله اني كرهت نفسسي هقيت العرس اهتمام وحب وفله ..مو مشاكل وهواش وسواس لدرجة اني فكرت اتزوجها بس عشان خاطر اهلي واهلها لان ابوها رجأل كفو .. وينشرى وفكرت اخليها تحمل اذا الله اراد عششان يصير الحمل سبب ترك دراستها انا معندي مشكلة تدخل اي تخصص بس هي من النوع العنيد اللي متاثره بالتطور ولأهي عارفه هو كيف ؟ دلوني لأتبخلون علي بارائكم .. تكفون خواتي وامي يقولون انت رجال وتقدر تقنعها تترك التخصص ولأزم تثبت وجودك معها وانا اقول اني كرهت كل شي وحسيت اني فعلا تعجلت بالزواج مع اني ماخذ قرووض وديون والخ كل هذا لأني ابي العفه مابي الحررام ... خايف اتخسر وقاعه وشقه واثاث واخرتها طلاق ؟ مع ان الشرع ع حد علمي محرم الاختلاط والتمريض اوسخ قسم لأحد يقولي انت مو واثق والمتربيه متربيه ماقلنا شي بس كثر الدق يفك اللحام ومهما كان هذي ام عيالي كيف برضى محمد وتركي وفايز يناديها باسمها وعطيني وسوي لي ؟؟ اتكلم من الحين واعلمها !؟ وألأ اداري خاطر اهلها واهلي وامشي الفرحه وبعد العرس اصدمها بخبر ترك الدراسه ؟ وألأ اروح المحكمة بكرة واطلق !! تعببببببببببب نفسسي
في انتظاررررررررررررررررررررررركم

ماسه 5 قراط ..:: مميزه و فعاله ::..

لا حول ولا قوه إلا بالله

و ضح إنك داخل في جدار لان كلام شوي في شرق و التاني في الغرب

قصدي ملخبط لخبطه شينه

اول شئ الصلاه و السلام على سيد الخلق اللهم صلي و سلم عليه


أهدء و إستهدي بالرحمن

تاني شئ موضوع زواجك

يا إبن الناس مادام إنت عقلك مش متقبل زوجتك في هذا التخصص و هذا المجال و صار عقلك يوصل لفكرة الطلاق لرفضك الدراسه و العمل

معناها تعال و إجلس مع البنت و أهل البنت و اهلك و تكلم بالعربي و خليك واضح وضوح الشمس و قول انا زوجتي ماأبيها في التمريض و كمان الدراسه مطوله كتير و انا أبي أتزوج حتى اعف نفسي و قول أنا مابي زوجتي تشتغل لأنها تشتغل في مكان مختلط

و خليك واضح ويلي يعجبه يعحبه و يلي مو عاحبه هو حر

لو وافقو على شرط ترك الدراسه أو تغير القسم كان بيها و طبعا عدم العمل لو قالو لا يا اخي الله الغني يرزق كلا من سعته

نجي للموضوع التاني و هو العلاقه بينكم هذي شئ في علم الغيب أقول إستخير و أكتر من صلاة الإستخاره و أكتر من الصدقه بنية النجاء من بلاء عضيم و إن شاء الله يخيرك للخير

و أخيرا يا أستاذي وكل امرك لله و إستخير في كل أعمالك وخصوصي في الأشياء يلي ماحد يعرف علمها غير الله و خلي نيتك صادقه و إن شاء الله خير

ماسه 5 قراط ..:: مميزه و فعاله ::..

و عندي إستفسار بسيط إسمك أعشق متزوجه هل هيا زوجتك أو زوجة غيرك؟؟؟

ج ـــلــنار ..:: نائبة المشرف العام ::..

وعليكم السلام ورحمة الله وبركاته
أخوي بالنسبه انها ماتكلمك أو اهلها رافضين المكالمات فهذي مانقدر نقول فيها شيء لان العادات والتقاليد تختلف وتحكم بعض الاوقات ..!
وكمان البنات طبعهم يختلف عن بعض , يعني ممكن تلاقي بنت رومانسيه وناعمه أوكثيرة هرج وعلى النقيض تلاقي أختها عكسها تماماً ...
فلا تبني على شيء ولاتحكم عليها من خلال فتره بسيطه ..يمكن البنت تخجل يمكن تكون قليلة كلام بطبعها يمكن ويمكن ويمكن
يعني نعطيها اكثر من عذر في هالامر .
أما الدراسه والوظيفه فإذا كان شرطهم في العقد انها تكمل أو تتوظف وانت وافقت فمالك أي حق بالاعتراض عليه الآن لأن هذا شرط غصباً عنك يتنفذ بحكم موافقتك عليه وقت العقد ..!!
الا ان تتفق انت وخطيبتك على انها ماتتوظف وهي توافق هذا شيء ثاني ,, لكن لو اصرت على الوظيفه فمالك الا التزام الصمت والرضوخ للأمر الواقع
أو انك تتركها اذا كنت لاترغب بالزواج من موظفه في هذا المجال ..رغم اني أقول لانحكم على الكل بالسؤ
صحيح ان الاختلاط رأس الفساد لكن برضو مانحكم على أحد انه فاسد أو راح يكون فاسد , الله اللي يزكي الانفس وهو اعلم بخوافيها وبمستقبلها
اذا انت رافض هالتخصص ارفضه من الحين ولاتقول اذا تزوجنا بأقنعها . انت مشروط عليك ووافقت ع الشرط من البدايه , اذا هي مقتنعه وحاطه ببالها الوظيفه ماراح تقدر تسوي شيء بعدين وغصبا عليك شرعاً راح تتوظف ولو انت عارضت بعدها ممكن لاقدر الله توصل للطلاق
لكن الاسوأ من الطلاق ان تفترقون وبينكم طفل او أطفال ..!!
أخوي احسم أمورك من الحين ولاتسوّف السالفه مافيها يمكن ولعل وعسى .. ياتقنعها ياتقنعك وتنهي هالمعمعه !
بالنسبه انك تمشي الأمر وتربط نفسك فيها وانت مو مقتنع أو متردد عشان امك متعلقه بأم البنت فهذا مو من العقل ولا الانصاف ولا البر ..
الزواج حياة وعشره طويله وشراكه مدى العمر مو لعبه أو تسليه ولا فيه مجال للتجربه .. أمك ع العين والراس لكن انت اللي بتتزوج البنت وتعيش معها مو أمك ..!!
أخوي , ياتنوي الاستقرار وتبدأ حياة صحيحه تكون انت ربانها وقائدها بالعقل والحكمه , يا لاتلعب ببنات الناس وتضيع حياتك ووقتك على زواج انت تشوف انه ممكن يكون مشروع فاشل من البدايه .. الزواج اللي مو عن قناعه كافيه استمراره مستحيل أو ممكن يستمر لكن راح يكون فيه طرف مظلوم او حقوقه ضايعه ومهضومه
استخير الله اكثر من مره مثلما تفضلت اختي ماسه واستشير رجال ثقات وأهل دين وحكمه وعقل راشد وان شاء الله ماتخيب
الله يوفقك ويختار لك الصالح يارب



توقيع
سبحان الله وبحمده
ميمي التميمي ..:: مراقبة عــامه ::..

انا مع اخواتي ماسه وجوجو

الله يوفقك ويسهل امرك .

توقيع
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية