تطبيقات منوعه للمعجنات ..ياهلا بكم - زوجــي و زوجتــي عالم الحياة الزوجية

الحصنيه ..:: كـــ vip ــــبار الشخصيات ::..

السلام عليكم ورحمة الله وبركاته

هذي مجموعه من تطبيقاتي استخدمت فيها عجينتين راح اذكرها بحول الله وقوته بالتسلسل مع الصور

اتمنى انها تنال اعجابكم ...

اولا ..عجينه الوالده الله يحفظها وهي اللي معتمدتها لا صرت رايقه وعندي وقت استخدمها لكل انواع الفطاير والمعجنات وكمان الحلويات زي الخليه او السينابون

العجينه عباره عن :4 اكواب طحين
5 او 6 ملاعق طعام حليب بودره
نص فنجان سكر _ذرة ملح
ملعقه طعام خميره
نص كوب زيت
كوب ونص ماء دافي
رشه حبه البركه ,,,اختياري للي يحب
تعجن مع بعض جيدا لمده 10 دقايق تقريبا للحصول على عجينه طريه ولينه ...

وتترك لتخمر بمكان دافي لمده ساعه ...

استخدمت العجينه لعمل فطيره الدجاج لذيييذه بكل معنى الكلمه ومطلوبه مني باستمرار
ناخذ جزء من العجينه ونفرده ونبطن فيها صينيه دائريه مع رفع العجين على الاطراف ونبططها بالشوكه

ونجهز الحشوه عباره عن :بصل نكشنه بشويه زيت حتى يذبل ونضع عليه الدجاج المسلوق والمقطع ونتبله بملح ورشة فلفل اسود خفيفه وكميه جيده من الكزبره الجافه وهذا سر النكهه ونقلبهم سوى ثم نوطي النار عليها وبالخلاط نضع قشطه وبيضه وفصين ثوم وشويه خل وفلفل اسود وقليل مويه او حليب تقريبا ربع كوب ((او ممكن نستبدل القشطه بجبن سايل وحليب او بقشطه خفق) ..ونضع الخليط فوق الدجاج ونقلب شوي ونطفي النار ونحط كزبره خضراء كميه لا باس فيها ,ونراعي ان الحشوة تكون سايله نوعا ما

ونضعه بالصينيه ثم ناخذ قطعه من العجين ونفردها ونغطي الفطيره ونحاول نقفلها كويس بعدين بسكينه حاده نسوي فتحات على شكل زائد عشان البخار يطلع وندهن الوحه بالبيض ويرش سمسم او حبه البركه ...

انا زدت مع الدجاج هذي المره مرتديلا دجاج لكن بالدجاج لوحده افضل كثيير ودهنت الوجه بحليب سايل بوني

واللي زاد من العجين سويت فيه سينابون يممي

العجينه الثانيه عجينه العشر دقايق واللي لها الف طريقه وطريقه
كوبين دقيق على جنب
بالخلاط:بيضه- وملعقه خل -ونص كوب زيت -ونص فنجان سكر -وذرة ملح -و6 ملاعق طعام حليب بودره -وملعقه طعام خميره -ونص ملعقه بيكنج بودر -كوب طحين _وكوب ونص مويه دافيه نتركها تخلط من 7الى 10 دقايق بعدين نعجنها مع كوبين الطحين ونعجن كويس ونستخدمها فورا

اولا سويت فطيره على شكل فطيره الخاتم السويدي والحشوة كانت عباره عن :بصل شرايح نكشنه بزيت وفلفل رومي شرايح وجزر شرايح وفطر طازج مقطع شرايح وجمبري انا استخدمت مثلج ..ونتبلهم بملح وفلفل اسود وفلفل احمر (حبحبر) ورشة خفيفه بهارات مانكثر لما يستوي الجمبري وتنشف مويته خلاص نطفي النار
نفرد العجين ونضع الحشوة وفوق الحشوة حطيت جبن تشيدر وموزاريلا ونلفها رول ونقفلها كويس وبعدين نلفها زي الحلقه ونقفلها مره ثانيه كويس وبعدين بسكينه حاده او قطاعه البيتزا نقطع ونترك جزء بسيط من فوق ..انا دهنت الوجه بصفار بيضه وشوي نسكافيه مذوب بمويه حاره على طريقه حوريه ..,ورشيت على الوجه حبه البركه

الفطيره الثانيه نفس العجينه ..
الحشوه عباره عن :بصل نكشنه بشويه زيت ونحط عليه صدور دجاج مقطعه ونشوحهم سوا بعدين فلفل رومي ملون وفطر طازج شرايح ونتبله بملح وفلفل اسود وفلفل احمر حتى يستوي نطفي النار

ونفرد العجينه ونضع الحشوه بالطرف وفوقها جبن موزاريلا وقشقوان انا حطيت تشيدر ..والطرف الاخر نعمل شقوق طوليه بالسكين لكن مانوصل للاخر.. وبعدين نطبقها على الحشوه ونقفلها كويس وندهنها بتغطيه البيض والنسكافيه ونخبزها