حرااااااااااااااااااااااااااام عليكم 70 مشااااااااااااااااااااهدة ولا احد رد لا بنصيحه ولا بدعاء

حبيبتي الله يسعدكم ويسخركم لبعض ويبعد عنكم كل شر :

ياعمري هل السعاده بالسفر خارج البلاد لا والذي نفسي بيده السعاده في رضى ربك عليك ثم رضى زوجك هو جنتك ونارك .

حبيبتي لا تعتبرين كلامي فيه قسوه عليك لا بل لأني احب لك ما احب لنفسي ..

اختي مادام انه جاء وطلب رضاك ورجوعك خلاص انسي وحاولي تسعديه وتسعدي نفسك ..

حبيبتي من منا ما جاها جرح او مرت بتجربه جرحت فيها ومن اعز الناس لقلبها ولكن سددو وقاربوا نحاول ننسى ليس ضعف لا ولكن هي الحياه تبي جهاد وصبر

نحاول فيها نرضي ربنا ثم من نحب ..

من ناحيه راتبك انتي حره فيه بس ياعمري لا بد من المساعده ولو بالقليل لاتخلي امر مثل هذا يبعد بينكم لاتسلميه كل شي وفي نفس الوقت ساعديه

خاصه لو هو بحاجه ..جيبي له هديه ناقشيه بهدوء لماذا الرفض مو لازم خارج خليها داخليه مثل مكه فرصه للتقرب لله والدعاء وتقريب ما بينكم وانتم هناك في اطهر بقعه

يمكن خيره لك عدم السفر براا ماتدرين يمكن ربي ابعد عنك شر وانتي ماتعلمي قال تعالى {وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ}

الله يدبرك على احسن تدابيره ويوفقكم ويرزقكم راحه البال والسعاده .

مشكوووووورة الف شكر ع ردك والله يسعدك ويوفقك

غاليتي ميمي

والله نفسي انسى بس مو قادرة خصوصا اني اشعر بالانكسار امام الناس هذا الاحساس هو الي متعبني نفسيا واشعر انه لو وافق وسافرنا اني باكسر كل هالحواااجز اللي بيننا وانا مستعده بكل المصاريف بس هو راافض ولا في سبب يخليه يررفض وانا قررت ماعاد اقوله شي في هالموضوع بس من داخلي نفسي اغير جو واكسر كلام الناس

ياعمري استعيني بالله واكثري من الدعاء والإستغفار .

صدقيني لو بنسمع لكلام الناس بنتعب حتى لو سفرك وسوا لك كل شي تعتقدين بيسكتون الناس لا بل بيزيد عليك الكلام .

حبيبتي خليه فتره وارجعي حاوريه بشكل غير واسلوب غير ولاتذكريه باللي صار مره ثانيه عطيه الثقه بنفسه لاتعتقدين انه فرحان بما قد حدث لكما هو بعد يتالم مثلك

بس بينه وبين نفسه لابد انه يمارس عليه ضغوط وانتي ما تدرين .

اصبري فتره وسوي له مفاجأه هديه احتفاليه خاصه واثناء الحديث ناقشيه بس اسلوب وما تخفى عليك الحركات الحلوه وانتي وشطارتك فهمتي علي .لعل الله يهديه لك

ويسخره بس الله يرضى عليك لا تسيطر عليك حكايه الناس وكلامهم انتي تقدري تخليهم يسكتون لما تعطيهم ظهرك.