الليلة اهداء خاص - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة دليل همس القوافـي الليلة اهداء خاص

عرض المزيد

الليلة اهداء خاص

السفير ماااجد ..:: مشرف دليل الوسائط ::..

الليلة

الليله اللي بدايتها قصيد وطرب
تكاشف ابروقها لاحنّت ارعودها

هيهات هيهات واللي مايطول العنب
يشره على شجر ِته لو طال عنقودها

والجادل اللي تفاخر بالحسب والنسب
وشلون ماتفتخر لاعدّت اجدودها

كنت احسِب الدم ياصل دونها للركب
إلين ساقتني الاقدار لحدودها

من صوتها العذب تطعني بليّا سبب
وانا ا تحمّل خناجرها وبارودها

الا على طاري الطعنات لبّى الهدب
لبيه لبيه لامن سلهمت سودها

قالت عشا قلت مستعجل وقالت شبب
هي فاهمتني وانا فاهم لمقصودها

دخلت في ربعةٍ فيها ادلال ومشب
وصبّت من الدله اللي فايح عودها

(لبى العرب) ياحليب الذود لبى العرب
من يوم قالت تعال وبهّلت ذودها

انا اشهد انها على ماقيل عز الطلب
واحترت مابين حِقتها ومفرودها

لاجيت اوصّف وش اوصّف ويا للعجب
الليل فجعودها والصبح فخدودها

والله ماكن فيها اعظام ولا عَصَب
عزاه لامن تثنّت وانثنى عودها

وانا انتحاري على الفطره واحب النشب
والبنت من جودها حصّلت ماجودها

لمحت فعيونها كلام كلّه عتب
سئلتها ليش لكن كان مردودها

قالت سلمنا ولكِنها سلامة عطب
والله يستر من العالم ومنقودها

ليله وعدت ولاادري كيف طاح الحطب
ان باحت اسدودها ماباحت اسدودها

والله لو قيل عدها واخذ وزنك ذهب
والله ماعودها والله ماعودها

م/ن

توقيع

الـ ع ـنود ..:: مراقبة عــامه ::..

مجودي
دعني أنحي قلمي قليلا
أقف احتراما لك
ولقلمك
وأشد على يديك لهذا الابداع
الذي هز أركان المكان
واضع لك باقة ورد لشخصك
تحياتي لك

توقيع

جوجو أحبك

انثى حالمة كبار الشخصيات

صح اللسان شاعر الابيات ..
وتستاهل سيدة الغيد الاهدااء ..
نشطة .. بصمتها واضحة بجنبات المكان ..
شكرا لك غاليي مجودي
والف مبروك الاشراف توني اشوف حلتك الجديدة باللون الاشرافي
تستاهل يالغلا ..
ومنها للاعلى ..
ودمت بتالقك وتميزك ..
احترامي ..