بسم الله الرحمن الرحيم

السلااام عليكم


جاتني فكره الي هيا أجمع كل ما يخص الشاعر الاميرطلال الرشيد الله يرحمه

الفكره صحيح موجوده في منتديات كثيره بس والله من حبي للأمير الشاعر ودي أجمع قصايده

يعني كل يوم قصيده للشاعر الله يرحمه

والله يقدرني وأجمع لو جزء بسيط من إبداعات الشاعر

إن شاء الله تعجبكم فكرتي ..

طبعاً أول شي نبذه عن شاعرنا الكبير والنبذه راح تكون بسيطه لأن إهتمامي بشعره وإبدآآعه







الشاعر القتيل هو طلال العبدالعزيز السعود الرشيد من عائلة الرشيد المعروفة في منطقة حائل شمال السعودية, اشتهر بلقبه "الملتاع". وكان يُعد من أبرز شعراء النبط (الشعر الشعبي) في جزيرة العرب, وله شهرة واسعة على امتداد المنطقة. وهو صاحب ومؤسس مجلة "فواصل", أول مجلات الأدب الشعبي في الخليج العربي وأكثرها انتشاراً.

والرشيد من مواليد العام 1962. حاصل على درجة البكالوريوس في العلوم الإدارية من جامعة الملك سعود, وهو متزوج ولديه ولدان نواف (16 عاماً) كان يرافق والده في رحلة الصيد, وعبدالعزيز (9 أعوام).

وفي الجزائر, أفيد أن الشاعر السعودي قُتل في منطقة جبل بوخليل في بلدية مسعد في ولاية الجلفة (300 كلم جنوب العاصمة).

ومن قصائده




قال حاقد قلت ياجاهل هلي = كيف بطرف بأصبعي عيني واصيح
أنت مثل بليس حقرك اللولي = لا تسر ولا تريح وتستريح
من يصدق بي وانا الشمس عملي = ما يذريها عجاج جاب ريح
لو يطيعك بي غرير يجهلي = ماتطيعك روسهم بي يا كليح
هم هلي يا جاهل وهم منهلي = لو تضيق القى بهم كون فسيح
عودهم له طاعه واجب علي = شيخنا اللي ما يوفيه المديح
ماسفهت من العقول إلا الخلي = وما حقرت من الكلام إلا النبيح
الصباخي ما تربع بالولي = والردي لطيب جحاد شحيح
والعتم لا بد يوم ينجلي = واسود النيه يجي يوم ويطيح
الردى بعد السما عن مدهلي = ما تعلمت أجزي الطيب بقبيح
شمت عنك أبي المراجل منزلي = وفي ضلوعي شايب عيا يبيح
ما أعتلي بالشعر هو بي يعتلي = دام ميزاني بحسادي رجيح
لا تصدق في حصانك يا جملي = كنت انا ومازلت وابطي لك نصيح
ما عرفت الغي واخفيت أجهلي = علموني مستبيحين المريح
لو تبين قلت خلوا ذاك لي = بس دامك كالنسا مالي نطيح
قل مادام اني بكذبك مبتلي = كل كذب دام هو فيني صحيح
ما أخبر من الذنوب إلا هلي = ذنبي اللي يرفع الراس الفليح


//////////////////////////////////////////////////



زمان الذل



يازمان الذل..زل
مابقى في الناس شيمه
وما بقى للعدل خل
ومن كثر ماحنى صغرنا
صرنا حتى بدون ظل
صرنا مانملك محل
صرنا أمه تحتقرنا كل أرذال الأمم
لا تصدق ياعزيزي بالعروبه والقيم>
،،
يازمان الشيخ بوش
يكفي هزأت المبادئ
يكفي أحرجت العروش
الكرامه ياطويل العمر ماتكفي النعوش
،،
يازمان البيت الأبيض
أنتا مالك أمر يرفض
تبغى هذا الدين أطول
تبغى هذا الشرع أعرض
أنت أكتب وإحنا نحفظ
،،
مو غريب لو نحسب الخبث طيب
وموغريب نصرخ ولامن مجيب
ومو غريب لو يكثر أعداد الأرامل
في بلاد ماترضى الهوان
وحكومه ماتعرف تجامل
ومو غريب لو نحسب عصى الكهل العجوز أسلحه دمار شامل
،،
يازمان أمريكا شكرا
أنت زعت الأقنعه
أنت زلت الأقنعه
مانصدقهم خلاص
ومابقى من نسمعه
كل ذولا أمعه!
،،

بس أنتا خلك مستريح
الصحيح يوم هب الحقد من واشنطن ولندن كذب
بسم المسيح الكل فضل ينحني
وبغداد أختارت تطيح
يازمان الأزمنة خليك شاهد
،،
أحنا مو ناقصنا واحد
هم صلاح الدين!!
حنا ميت مليون واحد
هم صلاح الدين
حنا بس بعيب واحد
هو فساد الدين!!!
،،
يازمان الذل حل
قلت لك مالك محل
ألا في قلوب الأهل...@


////////////////////////////////////////////

اللقب


ياصغير مايكبرني لقب
ومايصغرني أذا أنكرني صغير
ماخذيناالصيت من جمع الذهب
ولانسابة شيخ أوقربه وزير
كاسبينه من هل سيف الحدب
الجناير كان ماجاك النذير
صيتهم نجم على راسه لهب
سمعوا الصقهان به وأجهرضرير
بالوفا تاريخ أبيض ينتصب
لاحكوا بالحق حيين الضمير
ضيغمين للسناعيس انتسب
لابه طلنا بها عرش كبير
عند حدك ياكثير الهرج تب
لاتمر بنار وثيابك حرير
كان لك عز بذلي فتعقب
والله إلاتبطي وحبلك قصير
أحسب أنك من صناديد العرب
وأثرك ساترتك عباتك ياغرير
ماحسب للسوس زراع القصب
والقراده مادرى عنها البعير
ولوحسبناللحسايف والتعب
مابذرنا للعصافير الشعير
عن هلك أبرا يالله وأحتسب
الرجال اللي مجاراهم عسير
من قريش المصطفى وبولهب
والدغالب ماغشت عذب الغدير
للرجال من الرجاجيل العتب
والزكاة تحل في حال الفقير
لعن أبو وقت غدينا به حطب
تحرقه نار يثورها أجير
ما ألومك وزمن سوى العجب
هو بقى غير الكرامه بالقفير...@
ما أذل وراسي يشم المهب
لو بقى من شمر طفل غرير
ما أهاب ولا يزلزلني غضب
الشجاعه ورث والعاقل غزير
يا صغير ما يكبر باللقب
غير من هو كان من دونه صغير
وباقي اكملكم باقي القصايد