فرق والله فرق - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة الدليل العام فرق والله فرق

عرض المزيد

فرق والله فرق

لا تغرك ضحكتي ..:: عضو مميز ::..

أيامنا كنا نستمتع بحلقات جريندايزر و دايزر و كوجي و هيتارو و الحين عيالنا قاموا يتابعون بوكيمون

أيامنا شحلاتها بالقهوة العربية و الحين عيالنا صاروا عيال موكا

آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو !!

أيامنا لي قالوا مسوين مموش يصير كفخ على الاكل ما تدري منو طقاق القنجه

والحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووون ياكلون !!!"

ويبطون جبدك يقولون ما نعرف مادري أمه أنجلينا جولي و أبوه براد بيت!!

أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحن عيالنا صارو عيال ماكدونالدز و ماك رويال مع مايونيز

قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماي وغوري كهربا!!

أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود

قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون و الحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة

قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين عيالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاته

الله يرحم ذيج الأيام

توقيع

يآ جآهل في عتيبة يستر الله علآك

الشمالية1 ..:: عضو مميز ::..

تسلللللللللللللللمي و مشكوووووووووووووووووووووره

الايناس ..:: كـــ vip ــــبار الشخصيات ::..

يسلمووووووووووووووووووووووووووووووو

توقيع

:220:بحبكم موووووووووووووت

- زهرة البنفسج - ..:: عضو مميز ::..

اياااام زماااان احيااانا تكون احلى من الحااااضر بكثير
يعطيك العااااااااااااافيه

فراشة برونزية كبار الشخصيات

زماااااااااان أول تحووول

الحين كل حاجة تغيرت لا وماصار لها طعم

ياحليل عبسي ههههههههه

الحين بن 10طايرين وراه هههههههههه

تسلمي عزيزتي والله يعطيك العافية

توقيع

والله, فرق

الموضوع التالي

قد يُعجبك ايضاً

والله والله اني محتاجه احد يرد عليا ويريحني في موضوعي والله اني ابكي من الكتر التفكير تعبت ردو علىا تكفون والله خايف قصتي مع الاستغفار والله والله حقيقيه اتمنى الدخخخخول للفائده { والله من الكماخة } والله العظيم ظلم ليش ليش ليش ........؟

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )