أبي أسولف لك عــــن الحــال يازيــن="=وأحكي لك أشجان الليالـــــي والأيام
أكتب لك الماضـــي واخــــطّه ببيتيــن="= أنــــــــــفّس لقلـــــبٍ معذّب ومنضـــام
أحكي لك الأحزان واللـــــــي مجزين="= فـــي دنيتي يانور عينــــــــي والأحلام
أكتب لك الذكــــــرى ورود ورياحيـــــن="= فقدتها في دنيتــــي وعطــــر الأنسام
أيـــــــام راحـــت منّـــــــها شفت للبين="=الحظ فيها طــــــــــــايح اليــــوم ما قام
فيها القمـــــــــر غايب ولاعــــــاد بيبين="=وشمس الضحى مختفيةٍ ذالها عــــــام
وحتى الشفق ماعـــاد ينشاف والعين="= ماشافت الأنوار فــــــــي كـــــل الأيام
سهر وآهــــــــــــــات وهمــــومٍ ملايين="= منها تردت حالتـــــــي وشفت الأسقام
تايه ولاأدري ويـــــــــن قلبــــي يودين="= ماادري لأمـــــل موجود وإلا للاوهام؟!
أساير الدنيا ولـــــــــو خاطري شيـــن ="= وكلــــــــــي أمــــل بالنور والسعد قدّام
باسباب بعدك يـــــــــــا زعيم المحبين ="= ومـــــــــن فارق الخلان مـــــاهو بمنلام
ولاشك بعدك نـــــــــار بالحرّ تكويـــــن="= ومـــــــن غيبتك قليل بالليل مــــــــا أنام
عايش علـى ذكراك ياحلــــو ويجيـــــن="= لك شــــــــوق مايحدد بكيفٍ ولاأرقــــام
ودي بشوفك ينجلي الـــهم ويزيــــــن="=وقتي قبل ما ألف فـــــــي خرقة الخام
وهذي أماني بعــــــــام عشره وألفين="=خطيتها يـــــــاصاحبـــــــــي بحبر الأقلام
العرض العادي
