مقادير العجينه:

3 أكواب طحين أبيض منخول
نص كاس سكر
4 ملاعق كبيره حليب بودره كامل الدسم
1 ونص ملعقه صغيره خميره
رشة ملح
رشة فانيلا
بيضه واحده
ربع كاس زبده ( او نص قالب زبده )
ماء للعجن

الحشوة: زبدة + قرفه + سكر ( ممكن اضافة مكسرات حسب الذوق ويفضل جوز أو لوز )

الصلصة : علبة قشطة + نص كاسة سكر + رشة فانيلا او علبة جبن كيري + نص كاسة سكر ناعم + رشة فانيلا

الطريقة:
تخلطين المقادير الجافه مع بعض بعدها تضيفي الزبده ومن ثم الماء الدافئ وتبدي بالعجن شوي شوي وتستمرين بالعجن اذا كان بالماكينة مدة 3 دقايق واذا بايدك مدة 5 دقايق ... الى ان تصير العجينه ناعمة ومتماسكة وشوية رخوه.

تنقلين العجينة الى قالب مدهون وتغطينها وتتركينها ترتاح مدة لا تقل عن ساعه

بعدها .. تفردين العجين على شكل مستطيل كبير ، تمسحين طبقه من الزبدة وترشين طبقة من القرفة والسكر
تلفينها مثل السويسرول وتقطعينها
تصفينها بصينية الفرن وتخليني مسافه 2 سم بين كل حبه والثانيه وتمسحين عليها شوية زبده
تغطينها وتتركينها ترتاح مدة 15 - 20 دقيقة
تدخلينها الفرن مدة 10 - 15 دقيقه

وبعد ما تطلعينها تصبين عليها صلصة التجميل اللي جهزتيها من قبل.


لعمل صلصة الكراميل : تحركين السكر والقشطه على النار وتستمرين بالتحريك حتى يتغير لونه الى كراميل
أو انك تخلطين الجبن والسكر حيييل بالخلاط حتى يصير مثل الكريمه وتحطينه بالثلاجه الى ان يجمد أكثر.

وتقدمينها بالعافيه :196: