إليكم قصتي الحزيييينة
قصة حصلت لزوجي في ولاية واشنطن الأمريكيه يوم كان يكمل دراسته (الطب)
انا كنت معاه
اخخخخ كل ماتذكر :'( اخ ياويل قلبي ياحسرتي
زوجي من ابتعثوه صار عصبي مع انه توه ابو 24 سنه مفروض يهدي من نفسه لاكبر وش بيسوي
كان يعلمني عن واحد في شلة اخوياه انه مغربي ويحب يتضارب معه وانه مطفشه .. ف قلت خلك منه لاتعطيه وجه .. قال هو ملزق فيني مادري وش يبي
المهم يوم من الأيام طلع زوجي مع خوياه وكنت انا نايمه ... طبعا انا حامل بذاك الوقت
حضنته زيييين قبل يطلع وادعته الله
قلت ياحبيبي لاتختلط في الناس البشعه اللي ماتخاف الله خلك بس مع الناس الكويسة
قالي طيب وطلع ورجعت نمت من التعب
كنت ماني مرتاحه احس قلبي ناغزنننني
المهم نمت لين الساعه 12 كذا ليل ! الباب والجرس يضرب والضرب عالباب بقوة
فزيت وجري اشوف مين ... طلع خوي زوجي ومعاه زوجي
يوم فتحت الباب :'( الله لايوريكم
الله لايوريكم
الله لايوريكم
شايله مثل الحمل الوديع ويقوطر دم وثوبه احمممر
طبعا انا حسبته ميت واشتغل الاسعاف اللي فيني وصرت اصرخ بالشارع
ومن الخرشة اللي خرشني خوي زوجي نسيت شي اسمه عبايه
طلعت جارتي وحده سعوديه
وجات بسرعه مسكتن وصارت تهزئ (سلمان ) خوي زوجي وبذيك الساعه زوجي يستقرغ دم
تقول الله لايوفقكم انتم اخوياه وش هالدمان الولد احمر و و و و و و
وحطه بالصاله وطلع بسرعه وهو يبكي ... قال تضارب مع واحد من الشباب وذاك طعنه مرتين
وكنا ماندري عن شي لكن من عرفنا علطول جينا شلناه وجبناه لك
قامت تهزئه تقول يالحمير ودوه المستشفى بيموت مو تجيبونه ههنا من وين لنا سيارة نوديه ! انا اسوق بسيارة زوجي بس مقدر مرة منهارة ودايخه ومفجوعه
ومشى وخلانا حسبي الله عليه عشأن مايبي يطيح بالتحقيق
دخلنا البيت وجت جارتي تجيب الموية والمنديل ونحاول نصحيه بس ابد موب حول الدنيا
وهي راحت تتصل بالاسعاف اصلا من اول
بس عبال ماجو انهيار جاني موب طبيعي
اتذكر كنت اشيله ويطيح من يدي كأنه منشفه موب انسان
يوم وصلو الاسعاف مدري وش جاني مابي احد يلمسه ! واصرخ اقول لا ماتخلين اصلا مافيك شي
وجارتي شالتني واخذوه وانا وجارتي وراهم وراهم
وصلنا االمستشفى وانا جري عندهم وصرت اسأل وش في
اعرف انه مطعون لكن مدري فين
قالو في بطنه طعنه و(خصاوينه) طعنه
وانا اصرخ وابكي وانهبلت ! قال الطبيب لاتبكين وانه اصلا مفروض يموت لإن مناطق حساسه وفقد دم كثير
لكن احمدي الرب هذي معجزة إلهيه
وش اللي مفروض يموت :'( وشو
ولا جهاز ماركبوه عليه ولا شي ماحطوه عليه
طبعا استقعدت لهم ماطلع من المستشفى تخلوني عند زوجي هاللي بيموت
قالو العنايه المركزة مايدخل الا اطباء
قعدت بالانتظار طول الليل ادعي وانا فيني تعب مايعلم به إلا الله
ويوم جا الصبح ترجيتهم لين خلوني اخش عنده
بالليالله وافقو
والله يابنات شفته ؟ احسبنه ميت ... ميت خالص. ولا نفس ولا حركه ولالولد مصفر
قعدت ابكي ... هذا اللي اقدر ااسويه
اناديه اتمنى يرد علي بس ابدن مافي أمل :'( اخ نزلت دموعي هالحين
ودعته الله وسميت عليه وخرجت .
صار فيني ألم موب طبيعي اسفل ظهري ! ويزداد بفضاعه والله اعاني طول الصبح اخر شي سقطت
خفت وبنفس الوقت تعبانه
صحيت بعد كذا لقيت نفسي في غرفة تنويم وعلي مغذي وبطني مفشوش :'( ياحرقة قلبي ياويلي
بعد إقامتي اربع ايام بالمستشفى طلعت وزوجي بقي شهر كامل !بعد الشهر طلع البيت وكان يحززززززن :'( كل شوي يتألم ولا يقدر يمشي ولا شي حسبي الله ونعم الوكيل
طبعا لاتسألوني وش صار بالتحقيق لإني شي يقلب علي المواجع
زوجي صار عنده فوبيا ... صار ماينام إلا بحضني مثل الطفل ويتفزز وحالته حاله !!!! طبعا الجامعه درجاته راحت فيها ولين يومكم ذا الولد موب طبيعي
صار يتفزز من كل شي ويتحسس من كل شي ونومته صارت خفييييفه
اصغر صوت يصحيه من نومته مفجوع
ياحبيبي :'( الله لايوفقني يوم وافقت عالبعثه ورحنا لهالبلاد اللي مافيها امان
اصلا خلقه زوجي تعبان ومصاب بالانيميا المنجليه ! والله إنه يصرخخخخ من الالم وتقدرون تشوفون معاناة مرضة المنجليه باليوتيوب
لكن
حبيت اشارككم قصتي اللي طعنت قلبي .... احتاج دعواتكم بكثرة
العرض العادي
