ليه ما في احد رد علي

يعطيك العافيه
بس مااقدر افيدك

اهلا اختي العزيزه
اولا /
الله يرزقك ويكتب لك الحمل في القريب العاجل .بأذن الله تعالى
للاسف انا من سكان الغربيه ... وماعرف الدكتور ..
بس ممكن ابحث لك في قوقل .. اشوف الردود اذا وجد منهاااا

وارجع انسخهااا لك


تحياتي /
ورد الحربي

بــآآك

انا جيت ومعاي كوووم ردود

اول وحده .. تقول /

بنسبه لي ارتحت على المستشفى الحكومه مع الاستشاري عبدالله الموسى الله يرزقناااا جميعااا

الثانيه /
انا بعد اتعالج عند د. عبدالله الموسى ومرتاحه منه وانصحك تحجزين عند د. عبدالله الموسى بمستشفى النساء والولاده

الثالثه /
السلام عليكم
حبيتي اذا تبغين تتعالجين تأخر الحمل الدكتور عبد الله الموسى الله يبارك فيه بس هو شوي كلامه يجرح
وما انصحك ابد ابد ابد تروحين لعادل سباق لأنو عصبي ويبدأ علاجاته بدون ما يتأكد من شيء والله بغيت اموت لولا رحمت ربي فيني لا وبعد عنده كل الدكاتره الثانيين خرابيط اهو وبس
استخيري وبعدين استشيري ويكفي في الدكتور عبدالله الموسى انو من ديرتك وان شاء ما يفكر يضرك وما عنده افكار ماديه
واذا كان ما عند صبر تنتضرين مواعيد الحكومة ترى هو موجود
من السبت إلى الاثنين بمستشفى الموسى مساء والصباح يداوم بالحرس 3أيام والولادة يومين وكأني سمعت انو يداوم في مستشفى الاحساء من الثلاثاء مساء والله يرزقنا بالحمل الثابت

الرابعه /

الدكتور عبدالله الموسى ممتاز جدا

الخامسه /

وعندج الاستشاري عبدالله الموسى في مستشفى الموسى بس يجي يومين في المستشفى لان مرتبط بمستشفى الاولاده الحكومه

السادسه /

الدكتور عبدالله من الكفاءات السعودية الشابة وهذا شي مشرف ولا سيما انه من ابناء الاحساء الطيبون واتمنى له مستقبل منير وتعجبني فيه روحه المرحة .... لاكن عندي عليه ملاحظة صغيرونة ؟؟؟
يفتقد الخبرة الكافية للمهنة الحساسة هذي بالاضافة انه صريح اكثر من اللازم في معاملته مع النساء المراجعات واللي يعانون من حالات نفسية شديدة جراء لتكرار الاسقاطات او لسبب العقم والمشكال الكثيرة اللي يعانون منها من الحمل .. الصراحة شي مطلوب ولاكن نصف العلاج بالنسبة للفئة هذي اهو نفسي اكثر من انه عضوي ..وهنا تأتي الدبلوماسية وفنون المهنة .. حيث كثير مواقف يفقد فيها الامل مع المريضة مع انه في مرحلة متقدمة من الفحوصات مع العلم المفروض انه مايبين للمريضة هذا الشي او مثلا لو شعر ان الجنين نبضه غير واضح تلاقينه ع طول الجنين مات !!!!!!!! حرام عليك هذا صدمة بالنسبة للاام انتظر شوية خليها تتقبل فكرة الاحتمال موجودة وخصوصا انها ماوصلت اليك الا انها عانت وعانت من حالتها وتصدمها بصراحتك اللي اراها مو منطقية ابدااااااا ..
شي اخر !! لكل منطقة في المملكة لها امراضها ومشاكلها .. المفروض انه يحاول الاستفادة من خبرات الاطباء في هالمجال وخصوصا انه الان يعمل مع فريق طيي عريق في مستشفى النساء والولادة مثل الدكتورة الكشي على مااعتقد والدكتورة التيسان وهولاء خبرة طويلة وهذا شي جيد بالنسبة له كمتخصص جديد يشق طريقه وبقوة للامام ..
اتمنى ان يأتي ذاك اليوم اللي نجد اسمه ضمن افضل الااستشاريين في المملكة ويشار لهم بالبنان ... اعرف يمكن الكثير بيتحامل علي وبيعتبرونها هجوم على الاخ الدكتور عبدالله ولاكن اعتبروها نقد بناء واتمنى من الدكتور عبدالله حفظه الله اذا يشوف كلامي يعتبره نصيحة من اخ يسعده بروز اسم ابن الاحساء ويفرحه واكثر الناجحين يتقبلون النقد ويعيدون تقييم انفسهم من خلال اصداء الناس والمراجعين ..وعلى فكرة انا اعرف الدكتور معرفة شخصية ويمكن اهو عرفني الله اعلم ..
انا كتجربة حقيقية بهالخصوص واعتبروها نصيحة
انصحكم في الدكتور عادل في مستوصف عزيز ماشاء الله عليه ثقة وخبرة وكثير نساء استفادو منه وطلعو بنتيجة رائعة وهذا استاذ في هالمجال واكثر الاخصائيين في النساء والولادة كانو تلاميذ عنده .. كثير من النساء تعبو وراحو للرياض والدمام ومستشفى ارامكو والحرس ووووووووووو وصدقوني استفادو في الااخير منه وهذا مو دعاية والله ولاكن اعرف ان هالنساء ليست بحقل تجارب وكل مرة يحدث الحمل والااسقاط فيعني اضافة الم وتكرار مأساة لها واعتقد ان الكثير يتفق معاي في هالنقطة
اخواتي الخبرة في هالمجال مطلوبة جدااااااااا والله يوفقكم وتنحل مشاكلكم ويرزقكم بالذرية الصالحة ان شاء الله ..




وبكذا انتهيت من جمع الردود ..

شووفي يا اختي الكريمه انا لاحضت الجميع يمدح فيه ...
ماشاءلله
انتي استخيري الله وربي يكتب لك الحمل ..

تحياتي /
ورد الحربي