ياعمري
والله حالك صعب
الله يهون عليكـ ويفرج ـ كربتكـ
ويكافي اللي خلاه يتزوج عليكـ ويفرق بين زوج وزوجته ويحرم اطفال من حضن امهم وابوهم

حسبي الله ونعم الوكيل

حبيبتي
انتظري رد مشرفين القسم اكيد ماراح يقصرون معاكـ

تحيـــــــــــــــــــآآتي /
ورد الحربي

مشكوره اختي ورد والله اني في كربه مايعلم فيها الا الله سبحانه

كثيرين لاموني على خروجي من بيتي وتركته للجديده بس والله مايحس بالنار الا واطيها

انسان يبيني عشان عياله بالله وين المعامله الزينه الي بشوفها قدام زوجته يكفي يسبني ويشتمني

وزوجته جنبه وانا على التلفون هددني بالطلاق كذا مره وانا ارد اقول الله يكتب الي فيه الخير

المشكله انه قادر ماديا انه يفتح بيتين وعنده ارض ثانيه ليش الظلم هذا الا تعالي اسكني معانا ولا

انتي فيك وفيك انا تعبت خليت عيالي عنده وانا ماودي بس الظروف اجبرتني ابي بيت لي

ابي استقرار ابي راحه حرمني من المصروف وانا هنا عند اهلي وزوجته يصرف عليها جوالي مفصول

ماسدده عقابا لي لاني مارجعت جاب لزوجته خدامه وانا ام العيال ماجاب لي شيء شفتو

الظلم يقول مايحق لي اعدل وانتي عند اهلك حسبي الله ونعم الوكيل

يارب ارحمني

ياحبيبتي

اسمعي كلام خيتكـ

انتي الحين سالفه الزواج عليكـ مأثرهـ عليكـ وهذا واضح من كلامكـ
بس لو فكرتي شوي بالموضوع
خلاااااااااص هوو سار وانتهى
ولا ينفع الكلام فيه
ادري انك مقهورهـ ومعصبه وحالتكـ صعبه
وربي انا اكلمك وحاطة نفسي مكانك
يعني شي يعور القلب
وفيه مضره لك ولعيالكـ
مهما كــآآآن انتي زوجته ومن حقه الشرعي يرجعك للبيت ولو بأمر من القاضي
يعني يرجعك لبيت الطاعه غصبن عنك
علشان ماا توصل الامور لهذا الحد بينكم
انتي راجعي بيتكـ واهتمى بعيالك تحت نظركـ
ولا تتركين عيالك عند اللي ماتتسماش ؟؟
ماتدرين وش ممكن تسوي فيهم
؟؟مهما كان هذي اسمهاا زوجة اب
يعني انتي حكمي عقلكـ وارجعي بيتكـ بنفس راضيه
وجربي الوضع على الاقل لمدة شهر . وشوفي
اذا مررررررررررهـ صعب انتي وياهـآ تتوافقون والله يا خيتي زوجك ملزووووووم يفتح لك بيت مثلك مثلهاا
وواجب عليه العدل بينكم لو ان شاءلله بفص تمرهـ
مو عاد بيت ؟؟

سالفه انه زوجك ظالمك ولا مهتم بمصروفكم
والله يا خيتي غصبن عن ام جابتة يصرف عليك . وعلى عيالكـ
والحين زوووجك ماخذ موقف منك،
لانكـ كسرتي كلامه وعصيتيه
وبعدين صدقيني هو الحين متأثر مثلكـ ولا تفكرين انه سعيد وفرحته كامله
والكلام اللي قاله لكـ ممكن بس يبغى يقهركـ ويستفزك به.
اليوم يا خيتي ابغاك تصلين اخر الليل وامسكي سجادتكـ وصلي لين تقوم صلاة الفجر وادعي ربك واستخييري الله على رجعتكـ لبيتك ,
وادعي ربي يرجع زوجك لكـ ويحننه عليكم انتي وعيالك
مهما كان ذولا اطفال وش ذنبهم يتفرقون عن حضن اهلهم
انا اقولكـ الكلام هذا لاني ما ابغاك تندمين . بكره << بعيد الشر

فكري في كلامي زين
انا انصحك ولا ابي خراب بيتكـ
ارجعي وشوفي الوضع كيف
<< وبيني وبينكــ لا تخلين لهاا الجو لحالهااا
<<< خذي زوجكـ منهااا بدهاء ومكر .
وخليهااا هي اللي تندم ..
مو انتي

اللله يكون بعونكـ يا اختي ويفرج همكـ

تحيـآتي /
ورد الحربي

ياقلبي والله بجد وضع صعب وشئ يقهر لكن مثل ماقالت ورد الزواج وصار ارجعي بيتك عشان عيالك مايتشتتون ولو تطلقتي بعيد الشر تراه أسوأ حال من زواجه بثانية
خليك طيبة بنت حلال وعاملي الثانية كأنها أختك ولا تعامليها بغلظة لأنها وش ذنبها ..؟ لأنه خطبها؟؟ اذا
كذا فمالها في السالفة.. ولا تتنازلين عن حقوقك ولاتجحدين مالها من حقوق.. وبعد كذا حاولي تعزلين الفيلا يصير دور لك ودور لها .. ولاتحتكين كثير فالاحتكاك يولد المشاكل..
وابعدي عن الشك في معاملتها لعيالك.. وأنا ضد اللي يقولون ان زوجة الأب شريرة.. والله بعضهم بمثابة الأم لأبناء زوجها
الله يكون بعونك ويسخر بينكم وتهدا الأمور باذن الله