خبز التميس ولا اطعم من كذا - زوجــي و زوجتــي عالم الحياة الزوجية

نوف 56 ..:: جديد ::..

السلام عليكم ورحمة الله وبركاته

اولا وقبل كل شيء آآآآآسف على انقطاعي المفاجىء لظروف خاصة

ثانيا وش اخباركم يالبريين >> واحشني اوي

اليوم جايب لكم طريقة تصليح خبز التميس من الالف إلى الياء وبإذن الله حتعجبكم

ماودي اطول عليكم نبدأ بسم الله ..

المقادير :
خمس كاسات طحين ابيض
ملعقه كبيرة خميرة
ملعقه كبيرة بيكمبودر
ثلاث ملاعق كبيرة حليب طبعا جاف
بيالة زيت
فنجان سكر
ملعقه صغيرة ملح
ماء للعجن

الطريقه :

في بادية بلاستيك اوقدر نخلط مايلي :
ملعقة الخميرة + ملعقة البيكمبودر + بيالة زيت
+ فنجان سكر + ملعقة الملح + ملاعق الحليب
ونضيف على الخلطة السابقه شوي ماء فاتر (يعني لابارد ولاحار متوسط )
وبعد مانخلط المقادير السابقه مع بعض نضيف عليهن كاسات الطحين

وبعدين سلمك الله ارفع كمومك وابد بالعجن اجعل عاليها سافلها
وتضيف شوي ماء اذا لزم الامر .. المهم ماتصير العجينه لينه بالحيل
او قاسيه .. تصير ازوينه
ثم تغطي العجينه وتخليها لمدة ساعه او لين تخمر ..

بعد ماتخمر العجينه تمثل بصحن كبير وتغطى بكيس
وتترك لمدة نصف ساعه

واذا انتهت النصف ساعة سلمك الله ابد بالمطرسه
وافرد العجينه طبعا كما تلاحظون في هذه الصورة
استخدمة ماء لفرد العجينه وكانت النتيجة جيدة مع رفع ضغطي
لان العجينه صارت لينه وعجزت اتحكم فيها

المهم بعد ماتفرد العجينه نضعها على فرن صغير خااص للخبز
الفرن هذا صرااحة ممتاز جدا وانهى معاناتي مع الخبز لان التعامل معه
بسيط وممتع ..
المهم بعد مانضعها على الفرن ننتظر لين تنتفخ العجينه

اذا انتفخت الخبزة نضعها بوسط الفرن لتحمير الجزء الاعلى من الخبزة

وهذي صورة الخبزة مقمرة على كيف كيفك مابقى إلا تجيب علبة فول وتسمي بالله ..

هذه الصورة نفس الطريقه السابقة ..
الاختلاف فيها تفرد العجينة بالزيت وليس بالماء
وكانت النتيجه ممتازة للغايه مع شهادة التفوق..

هذي صورة جماعيه لخبيزات التميس بعد الانتهاء من العمل>>خخخخخ