مساء الخير على الجميع تحملوني اشوي بس مالي غير الله ثم انتم مشكلتي لي ثلاث سنوات متزوجه وعندي ولد وساكنه عند اهل زوجي( امه واخته) وابدا ماني اخذه راحتي بشي لابلبس ولا بطلعه ولابشي وام زوجي تدخل بكل شي وصارت مشاكل كثيره واخصوصا المطبخ تحاسب على كل صغيره وكبيره ولو بس اسمعت صوت طاحونه جت تركض تشوف وش اسوي وتقعد اتهاوش وش تطحنين والهيل مسرعه يخلص ومن هالكلام سببتلي رعب واذا جيت ابسوي العشاء اقعد على اعصابي لو بس احس انها بتدخل المطبخ اخذ كل الي على الطاوله وادسه بالدرج من الخوف ودايم تسبني واتهرج من وراي وتسئ الظن فيني كثير واذا جيت اشتكي لزوجي عطاني اظهره ونام ولاكأن اي شي صار حتى الموساه مايواسيني احس انه عديم احساس عشت بحاله مايعلم فيها غير الله وكتمت بصدري لين طفح الكيل عندي ام زوجي لها اعيال واجد وكلهم متزوجين واثنين منهم فوق بنفس البيت ودايم يمرون عليها بكل وقت بغرفتها وانا بصراحه انحشر احتاج شي من المطبخ مأقدر اروح واحد يجي العصر واحد يجي المغرب واحد باليل صح انهم مايجلسون غير ساعه بس انا ماني اخذه راحتي بشي وانا من حقي يكون عندي مطبخ اسوي الي اناابي من دون حسيب او رقيب ومن حقي البس واكشخ عند زوجي لبسي كله قمصان طلبت زوجي انه ينقل غرفتي للملحق فيه غرفتين جاهزه وحمام ويبنيلي مطبخ صغير بحيث اذا جم اخوانه ياخذون راحتهم وانا بعد اخذ راحتي مو انحشر بغرفتي اذا جم وزوجي رافض الفكره وام زوجي ماعندها مانع تقول اهم شي تكنون بنفس البيت ماتطلعون برى وهو رافض قلتله المطبخ انا اتكفل فيه قال انا قادر ولو بغيت طلعت بس مابي اطلع بالملحق والملحق قريب للبيت ولو بيبني مطبخ يكون جداره على جدار غرفة امه وعده ان يكون اكلنا عند امه واربع وعشرين ساعه عندهم بس اذا جم اخوانه انا اروح لشقتي واخوانه ياخذون راحتهم واذا جينا من برى ادخل اغرضي على طول لان الحين انخلي اغراضنا بالسياره للفجر عشان اندخلها ومحد يشوفهن عشان ماتهاوش ام زوجي والحين هو رافض يقول تبي اطلعيني من عند امي ومابي اسكن ملاحق وانا نفسيتي مندمره صح ان الايام هذي ام زوجي ماتدخل بالمطبخ بس جايني كره للمطبخ من يوم ادخله احس بضيقه وبكتمه بصدري وانا الحين على وشك الانفصال انا ابي مطبخ وهو رافض وانا بصراحه ماقدر اصبر اكثر من كذا ومن حقي الاستقلاليه ويكون لي مطبخ اخذ راحتي فيه واذا قلتله ماقدر اعيش على هالحال حطلي مطبخ يقولي بكيفك تعيشين معي على هالحال اهلا وسهلا ماتبين بكيفك وانا والله ضايقه فيني الدنيا مكأني متزوجه ابد ولو بقوم الصبح ماقدر اسويلي شي ولو بتشوفني بتفظحني وبتقول جيده لنفسك ورجالك ماتسويله خميس وجمعه والقهوه العصريه تكون بغرفة ام زوجي ويجونها اعيالها يتقهون معها وانا ماقدر اسويلي ان سويت قالت وشوله خراب تعالي تقهوي معنا وانا بصراحه استحي اجلس معهم واجلس بدون قهوه وحريم اخوانه الي فوق اخذات راحتهن بكل شي يسوون ويطبخون ويطلعون ماحد درى عنهم وانا اكلتها وللاسف زوجي مو حاس فيني ابد ومو قادره اصبر اكثر من كذا وانا من حقي الاستقلاليه واخذ راحتي بس هو يقول تحملي اصبر وماطبخ ماني حاط تكفون ابي رايكم لاطنشون لان مالي غير الله ثم انتم؟؟؟