الله يهدي سركم يارب ويفرج همك ان شاء الله

شوفي يالغاااليه لازم تحسسيني

لين سافر ورجع وكلمك يبغى ياخذك لاترووحين معه قولي لازم تتعدل اللي يصير بينا ما ينسكت عليه ابغاك تحس فيني وتتهم فيني مايصير انام بغرفه وانت بغرفه

و اللي يصير لك يا قلبي ماينسكت عليه وناادر رجاال يسوي كذا وهو توه معرس

يصير العكس

لازم تتحسسينه بطريقتك الخااصه علشان يحس فيك ويقدر وضعك كزوجه له مو يهملك

اهم شي لاحد يدري من اهلك ولا اهله خلي موضوعك بينك انتي ويااه

ولو ساافر قولي لاهلك انه مسافر تبع عمل او اي شي علشان مايستغربون ولا يحسون بس

الله يجعل لك من كل هم فرج ومن كل ضيق مخرج

اختي ترضين بالله انو واحد من اعيال عيمي زوجه يوم الخميس
نفس واخسسسس من تفكير زوجك لي الان كم شهر قاعد اقنعه يروح شهر عسل لو داااااخل المملكه ورافض
وقاعد اقنعه ياخذ أوتيل اول يومين ورااافض أمس دق علي يقول كنه بدى يقتنع ياخذ اوتيل
اتصدقين يعتبرني منيب رجااااال عشان لمى قلتله اتعشى مع زوجتي في مطعم
يقول انا مستحيل اسويهااا قلت ليه يقول مي من اعلوم الرجاجيل الي عندهم غيره على محاارمهم
اقول انت مو اموديهاا ويحلف بالله ماتدخل المطعم
قلت ياخي لازم اتغير جو قااال نجيب من المطعم ونتعشى بالبيت قلت الهدف مو الاكل تغير الجو قااااال نفرش افرااااش في السطح ونغير جو بااااالله عليك هاذا كيف اتغيرين قناعاته

وفي المقااابل رجال ونعم وكريم وشهم والله لو تبي منه مليوووون ريااال مايقو
ويحترم الزوجه ويصونهااا
بس صعب اتغيرين قنااعته يبيله وقت طووووووويل لين يتغير

ذكرت الموضوع هاذا للمقارنه وتعرفين وش اقصد

مشكووووور الله يعطيك العافية فهمت عليك ايه والله فهمت بس هم بعد مابيأس وبظل احاول لاني ماراح افقد الامل انا مابي اقارنه باأحد بس انت متخيل ان اقوله امي وابوي ف الخمسين الله يحفظهم ويروحون يتعشون برا يطالعني بنظرات غريبه ويحسسني اني جايه من كوكب غييييييييييييير

بس نصيحه أذا جا من السفر لاترفضين ترجعين بيتك
لانك لسا مافهمتيه وماتدرين وش راح تكون ردت فعله

مشكور اخوي وابرجع معه بس بالله عليك يمكن تفيدني بس سؤال انت شايفها سهله انه ينام بالمجلس لحاله وانا بالغرفه لحالي والله ماحلفتني بالله ولابحلف بالله كذب انه امس مانمت الا الصبح واول مره تصير اصحى الاقيه صاحي من 10 الصبح وانا مانمت الا 9 المهم صحيت ولانه اول مره يصحى قبلي طبعا اتضايق صحى قبلي ولا لقي لافطور ولا اي شئ والله العظيم انه على كلامه صحى وخرج من البيت 4 مرات اتخيل ولاطل علي بغرفتي ولا مره وحتى ولا استغرب اني تأخرت بالنوم انت متخيل انه لو صحى قبلي وبيصحيني تعرف وش يسوي والله مايجيني في الغرفه ولا يعني نفسه بس تدري وش يسوي يدق بالجوال لما اصحى واجيه ويوم اني جيته لقيته زعلان ومااااد البوز شبرين ليش نايمه لهالحين طيب اول مره تصير بالعاده اجهز كل شئ وانام هالمره غلبني النوم والتعب لان كنا معزومين ومارجعنا الا اخر الليل وزعل بزياااااده تخيل هذا اكثر شئ زعله انه دق على الجوال ولا رديت عليه يقولي انتي متعمده ماتردين وحلفت له اني ماادري يقولي انا اول ماصحيت شفت باب الغرفة مقفول وخرجت ورجعت لقيت الباب مردود يعني صحيتي ليش ماتجين يمي وتشوفيني وتجهزين لي الفطور واحلف له اني نايمه وقلت له لو انك لو نايم معي بنفس الغرفه كان دريت عني بس انت ماتدري وحاولت والا يطلعني غلطاااااااانه وفي الاخير لاني اعرفه مايحب كثر الجدال اعتذرت له وغلطت نفسي وحبيت على راسه بالله عليه اعتبرني اختك وتطلبك النصيحة لو غلطت فهمني