من جديدي الشعري ( شوق وحنين ) - زوجــي و زوجتــي عالم الحياة الزوجية

الهاوِي موقوف مراجعة الإداره

يسرني أن أقدم لك هذه الكلمات االتي أتمنى أن تحوز على رضاكم وتعجبكم وأنتظر رأيكم فيها ،شاكرا للجميع ،وإلى الأبيات :

يحن لك قلبــــــي حنيــــــن الصغيّر
اللي فقد لأمه لـــــــه اشتــاق بالحيل
شوقن عظيمٍ وكل مابـــــــــــي تغيّر
باسباب بعدك يابعد كـــــــل هالجيل
أموت بك واشتقت أنــــــــا لك أسيّر
ألاقي الفرحـــة ولاقــــــي تعاليــــل
حبك ذبحني وصرت مثـــــل الغريّر
دايم دموعــــــه فوق خـــــده هماليل
من زود شوقي صار قلبــــــي مطيّر
وعاشق لدرب الحزن بالصبح والليل
أمــــــــوت بك ياللــــــي بحبك تحيّر
ياللــــي لك بقلب المتــــــــيم مداهيل
عبرت عـــــن مكنون قلبــي و أجيّر
كلامي اللــــــــي جبت نظمه تماثيل
لك ياملاك الــــروح فكـــري متخيّر
أحلى الكلام وشوقي اليـــوم لك حيل