انا ام لبنتين 2-4سنوات
تزوجت قبل 5سنين كان عمري وقتها 14 سنه بس للاسف تزوجت شخص قاسي من اول يوم قضى علي وحطمني نام اول 3ايام وما كان يكلمني الا بالغصب مدري ليش؟؟؟
كان ياخذ تلفونه الجوال ويجلس ييسولف فيه الى 3ساعات وعلى فكره كان عمره وقتها 37سنه
المهم اني تعبت بس كملت وصبرت لاني بيني وبينكم حبيته وانا والله مو شينه بالعكس كنت اجمل بنات ديرتنا وجاني عرسان واجد وخطابي بدو يخطبوني من عمر 12سنه والله يشهد على هالكلام بس النصيب ما منه مفر
المهم انا وضعي اليوم مو احسن من زمان بس عالاقل صار عندي جوال بعد ثلاث سنين طلب وصار عني لاب توب جاني هديه من اختي يعني انا جالسه مع هالرجل بس عشان بناتي حتى مصروف ما يعطيني
كنت صغبرة ما افهم بس اليوم كبرت وصرت ابغى وبغى وابغى بس مافيه فلوس
حتى ملابس النوم اللي حرمني منها صرت اليوم ابي البسها مو حقه لا لا حق نفسي لاني اشوف نفسي حلوه وجسمي حلو بس ماعندي رجال يشوف اللي اشوفه ويشوفونه الناس عندي
ابي اصبغ شعري ابي لبس نظاره شمسيه وقبعه ابي البس عدسات ابي اصير مبسوطه نفس كل الزوجات وابي اجلس عند التلفزيون واشوف مسلسل لاتقولون حرام انا انسانه طفشت من العقيد واندفنت وانا حيه وانقهرت وانا بعمر الزهور انحرمت حتى من الكاكاو والبطاطس بحجة ان انتي صرتي وحده متزوجه وسكت وصدقت هالكلمه واليوم يوم فتحت عيني لقيت ان المتزوجات اكثر ناس يتمشون ويضحكون وينبسطون وياكلون بطاطس وكاكااوات و...و...الخ
انا مابي اقلد احد بس انا عن جد محتااااااجه لكل هذا
والمصيبه ان زوجي راتبه عالي 14الف ريال
تكفون ساعدوني وقولولي اش اسوي
ادري اني طولت عليكم بس اكسبو فيني اجر
قبل انتحر
العرض العادي
