ليه الدموع وليه كثر الونيني


ليه الغضب ليه العتب والمشاريه



ليه الكلام اللي يبيح كنيني


شي يزيد الام الايام مابيه



تكفين كفي دمعتك وارحميني


قلبي من اسبابك يكفيه مافيه



يكفيني اللي بثه الحزن فيني


بين الرجا والياس وقتي مقضيه



دربي حزين وحسرتي تكتسيني


وش عاد باقي في يديني واسويه



خليت لجلك كل قاسي يليني


وصادمت روس لجلك الموت تشريه



وان عاش راسي واسعفتني اسنيني


لروي ضما قلبي بقربك وهنيه



ولو يزرعون اللغام بينك وبيني


نذر علي لمشي الدرب واطويه



واشيل روحي فوق راحت يميني


وابيع عمري لجل شوفك واسخيه



واجيك لو دونك سياج متيني


دامك رجا قلب بعطفك غلبتيه




حبك زرعته وسط قلبي وعيني


واسقيته بدمعي ودمي يغذيه




مما راقى لي