أختي سمر 33

من أهم الأشياء اللي تزعج الزوج وتغير نفسيتة وطباعة هي المادة

خاصتآ إذا كان خلي نقولها بالعامية ..مفلس.. ياويل ويلي وربي كل حاجة فيه تتغير

ومن الظروري على الحرمة إنها تقدر وضع زوجها بهذي المحنة من كل النواحي

ماهو شرط أختي العزيزة إذا انتي ماطلبتي منه شي لنفسك أو لأولادك على كذا تحسبين بيرتاح

انتي صح عليك والله يبارك فيك بس هو ياعزيزتي من غير ماتطلبين أو تتكلمين حاس بالتقصير والذنب

لأنه وضعه المادي تعبان شوي وعارف إنه مقصر

أما من ناحية الحرمة عكس الزوج وماتعمل زي مايعمل فهذا الوضع الطبيعي لكل حرمة

سبحان ربي عاطيها القدرة على تحمل كل شي مع إنها إنسانة ضعيفة جدآ جدآ

تحملي يالغلا ترا أغلبنا يمر بأوقات وظروف زي ظروفك بس نلجأ للدعاء لرب العباد بتفريج الهم والكربة

واسأل الله العظيم بأن يمدك بالصبر ويفرج هم زوجك وييسر حالة ياااارب

أختي أهم شي بوضعه الأن إنك تحسسيه بالحب والحنية والأهتمام ولاتحسسيه إنك متضايقة منو

لأن مباشرتآ راح يفكر لأن ماعنده قروش إنتي تغيرتي عليه يعني يفهم الوضع بالعكس تمااامآ

وربي يوفقك يااارب

ما قصرت فراشه الله يسعدها,,
كلامها رائع..
واكييد هم زوجك يكبر لانه من حبكم يهتم..؟؟
وما يبي يقصر عليكم حاجه نفسكم فيها..


الله ييسرلكم اموركم..ويفرجها قريب يااااارب

ماقدر اقول الا الله يفرج همكم عاااجلا غير اجلااا ياااارب

يا اختي الرجل يفكر بعقله انتو مسؤليته واي تقصير عليكم بأكلكم بعلاجكم بلباسكم بسكنكم

يمسه كرجل اما نجاح او فشل

على الاقل من وجهة نظره هو كرجل

انتي دورك تحاولين تقتصدين في اللي تقدرين عليه

الله ييسر امركم

طبيعي احنا ما نفكر لأننا متكلين عليهم في كل شغلاتنا

دايم كرري هالدعاء بس رجاء دعواتك لأم نواف وريما بصلاح عيالها وبالتوفيق في الدنيا والأخره هي اللي علمتني هالدعوه الله يسعدها وين ما كانت وما تتخيلين كيف تغيرت حياتي بهالدعاء

اللهم ان كان رزقنا في السماء فأنزله
وان كان رزقنا في الارض فأخرجه
وان كان رزقنا بعيدا فقربه
وان كان رزقنا قريبا فيسرة
وان كان رزقنا ميسرا فبارك لنا فيه

اللهم اغننا بحلالك عن حرامك وبفضلك عمن سواك

كذلك اذا شفتيه ضايق قوليله

ان ضاقت بك الدنيا لا تقل يا رب لي هم كبير

قل يا هم لي رب كبير

تصدقين قبل فتره صدمت سيارتنا وضاقت على زوجي الوسيعه

وقلتها له من ضيقته ما دقق او كذا توقعت

بس بعدها بيجي اسبوعين من زود الهم يقول وهو رايح لدوامه قالها الصبح يقول مو عارف كيف طلعت مني بس حسيتها خففت شي من اللي بنفسي

بعدها بنص ساعه يجيه اتصال من شخص كان ينتظر منه مبلغ من زمان بس ما طلبها منه

ويطلب منه يقابله عشان يعطيه

فلا تستسهلين بالدعاء والله ان الله احيانا يحرمنا لأنه يبغى يسمع اصواتنا سمعيه وتضرعي له هو اللي يقدر يفرجها

الله يفرجها عليكم وعلينا وعلى كل مسلم ويرزقكم ويرزقنا وكل مسلم

آمييييييييييين