السلام عليكم ورحمة الله وبركاته
احببت ان انقل لكم قصه كاتبها(ملك الاحساس)
الجزاء الاول
مرحبا
بداية الكتابة 14 -10 -1431 begin_of_the_skype_highlighting 14 -10 -1431 end_of_the_skype_highlighting begin_of_the_skype_highlighting 14 -10 -1431 begin_of_the_skype_highlighting 14 -10 -1431 end_of_the_skype_highlighting end_of_the_skype_highlighting
أحب أقدم لكم محاولتي الأولى لكاتبة قصه جميلة ترضي ذوق القاري
نبدأ القصة من الرياض من إحدى أشهر الإحياء فيها وهو العليا
في قصر من قصوره تسكن عائلة مكونة من خمسة إفراد أب و أم وابن وحيد وابنتين
بدر عمره 28 عام حاصل على بكالوريوس تجارة وبدور عمره 23 في أخر سنة جامعة
والبندري 18 سنة في الثانوية العامة
و في الصباح الباكر أبو بدر جالس على طاولة الطعام وحوله أم بدر و بدور والبندري
أبو بدر: وين بدر ما نزل يا فطر
بدور : نازل بس يكمل لبس تخبر ولدك المصون أحس انه كل يوم عريس من كثر ما يتكشخ
البندري: إيه وأنتي الصادقة
أم بدر : قولوا ما شاء الله بس لا تعينون ولدي
ابو بدر : ههههههههههههههههه ما فيه إلا العافية وبناتي بعدين عيونهن باردة
أم بدر : لا يا أبو بدر ما يحسد المال إلا أصحابه
بدر يطلع من الاصانصير المطل على صالة الطعام
بدر: أحس أنكم تحشون فيني
بدور :لا أمي بس تقول انك تقطع نفسك بالتكشخ ههههههههههههههههه
البندري : وانأ أقول قولي ما شاء الله ما يحسد المال إلا أصحابة
أم بدر مصدومة من كلام بناتها وعيونها طائرها فيهم
أبو بدر : هههههههههههههههههههههههههه هم صادقين حتى إنا اشهد
أم بدر: حرام عليكم
بدر يبوس أمه : ما عليك منهم يا لغالية قولي إلي تقولين إنا معجبني كلامك كيدي العاذل
أم بدر : تسلم ياعمري إنا من لي غيرك بها الدنيا
أبو بدر : احم احم
أم بدر : أنت الدنيا كلها بدونك ما تسوى يا أبو بدر
بدور : يا عيني على كلام الحب والغزل
البندري : يا ناس قدروا إن فيه ناس مراهقين وتأشر على بدور
بدور: إنا مراهقة يا طفله
أبو بدر : أقول بدون كثرة كلام افطرن عشان مدارسكم
بدور : يأبه إنا في الكلية
أبو بدر: طيب يا كلية عجلي افطري عشان تروحين لها
افطروا وراحوا أبو بدر ركب سيارته وراح لشركة نسيت أقول لكم إن أبو بدر يملك شركة
من اكبر الشركات للمقاولات والاستيراد والتصدير تقدر رأس مالها بالمليارات
نرجع لبدر و خواته بدر يوصل خواته مع انه عندهم سواقين للبيت
ومن غير سواقين الشركة بس بدر يحب يوصل خواته بنفسه
منها يتطمن عليهم ومنها يحب يرضي غروره لم يشوف البنات تطالع له
بنظرات الإعجاب.....
راح بدر لشركة وقف عند باب الشركة استقباله الحارس
الحارس : هلا بالعم بدر.... صباح الخير
بدر : صباح النور
نزل من السيارة
بدر : وقفها في البارك نق
الحارس : ابشر طال عمرك
طلع بدر لمكتبه ودخل المكتب ما حصل السكرتير
جلس خلف طاولته الفخمة التي يراه يعتقد انه وزير
ودخل عليه السكرتير
السكرتير : السلام عليكم ورحمة الله وبركاته
بدر : وعليكم السلام ورحمة الله وبركاته
السكرتير : صباح الخير طال عمرك
بدر : صباح النور وين كنت مخلي المكتب
السكرتير : كنت أجيب الجرائد
بدر : خلص بس ما احد اتصل ما جاء رد من الشركة الموردة
السكرتير : لا طال عمرك
بدر : اوكيه جب لي قهوة مع الجرائد
السكرتير : ابشر طال عمرك
في المكتب الأخر الذي لا يقل فخامة عن مكتب ابنه
أبو بدر : طلال شوف لي بدر جاء
السكرتير طلال : إيه طال عمرك إنا كلمت سكرتيره وقال انه وصل
أبو بدر : ما شاء الله عليك هذا إلي يعجبني فيك انك فأهمني وعارف وش أبي وتسويه قبل ما تكلم
طلال : تحت أمرك تبي شي
أبو بدر : خل بدر يجي لي
طلال : ابشر طال عمرك
طلع طلال واتصل على سكرتير بدر
طلال : احمد العم بدر فاضي
احمد : إيه
طلال : قله طويل العمر يبغاه ألان
بلغ السكرتير بدر وراح لوالده
بدر : هلا طال عمرك
أبو بدر : وش سويت بموضوع الشركة الموردة
بدر : ما جاء ردهم
أبو بدر : إذا ما ردوا هاليومين أبيك تروح لهم بالأردن
بدر : إنشاء الله يجي الرد
أبو بدر : إنا ما ني متطمن لها الشركة احسهم لعابين
بدر : عرضهم أفضل من الشركة الأولى
أبو بدر : إيه أفضل بس ما ندري أخاف فيها تلاعب
بدر : بين شرط جزائي
أبو بدر : الله يكتب إلي فيه الخير
بدر قام : تبي شي طال عمرك انا ابي اروح لمكتبي عندي شغل
ابوبدر : لا تفضل روح الله يوفقك
ننقلكم لمدينة أخرى وعائلة أخرى في تبوك
عائلة مكونة من ستة إفراد أب وأم وابنين بنتان
الأب يعمل عسكري وضعه المادي يعتبر عادي
الابن الأكبر اسمه بندر عمره 28 يدرس الماجستير في الأردن
الابن الأخر اسمه هاني عمره 16 يدرس بالثانوية
البنات
مها عمرها 24 مخطوبة وتدرس بالكلية
وضحه عمرها 20 وتدرس بالكلية
وضحه : الحمد الله بكرة خميس يعني برتاح يومين و بشوف اخوي الغالي
مها : أمانه هو يجي بكره
وضحه : هي أنتي هو يجي اليوم ناسيه عمان قريبه
مها : إيه صح
أم بندر : يا بنات تعالوا رتبن البيت وبخرنها واهم شي غرفة الغالي
وضحه ومها : ابشري يمه
أبو بندر جاء من الدوام زعلان لنهم أحالوه لتقاعد
دخل البيت ودخلت على غرفته على طول
أم بندر : بنات أبوكم ايش فيه
البنات : ما ندري
مها : يمه شكله متضايق
وضحه : مو من عادتها أنها ما يسلم ويبوسنا
أم بندر راحت لغرفتها حركت الباب حصلته مسكر
أم بندر : أبو بندر افتح
أبو بندر : بعدين أبي أنام
أم بندر: أشفيك يا نظر عيني
أبو بندر : ما فيني شي
أم بندر : إلا فيك شي بندر فيه شي قل لي
أبو بندر فتح الباب : فال الله ولا فالك بندر ما فيه شي
أم بندر : اجل وش فيك
أبو بندر : إنا تقاعدت
أم بندر : اشوي احسب صاير لك شي
الصمت
العرض العادي
