صور قليله ادبـ...!

--------------------------------------------------------------------------------




هذي بعض الصور قليلة الادب اتمنى ان كل من يشوف نفسه في صورة منها يغير صورته للاحسن....









إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!






إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك






تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد!!!)








إن الواحد يضبط ساعته على الدوام بينما صلاة الفجر مايدري متى وقت أذانها !!! <<<كثيرة هالايام الله المستعاان






ان الواحد يقعد على التلفون ساعه ويقعد في صلاته دقيقه






اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني





قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه






قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر






قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك





لماتشوف واحد في الشارع وتستصغره ولا تسلم عليه




اذا شفت صديقك في ورطه ولاتساعده






اذا قدم لك صديقك خدمه وأنكرت فضله عليك







انك تحط سيارتك عند باب جارك ..وعندك مكان ابعد شوي..







لما تجلس بمكان عام تتقهوى انت وعيالك..وتقومون وزبايلكم وراكم.. مع ان صندوق الزباله حولك...





انك تكون مسئول عن عمل يتوقف اداؤه عليك..وتطنش وتتأخر ويتحمل الباقين مسئولية إهمالك






انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))





لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ ..وكنه من بقية اهلك







لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف







لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه







انك متعلم وحاصل على شهاداة عليه..وماتفقه اقل شي في دينك







أنه مانشوف القرآن إلا من رمضان الى رمضان






نسهرساعه على النت ولانصلي لو ركعة لله>>>