اخي العزيز الغالي الساهر
كلامك هذا جعل لك في قلوب جميع النساء المظلومات معزة وغلا ماراح تتصورها
كلامك سليم مية بالمية
والاخوان اللي انتقدوا كلامك مافهموا المقصد منه
مع انه مافيه اصلا بين السطور الكلام واضح وموجه صح
الهجر اللي انت اتكلمت عنه هو الجفاء والخشونة في المعاملة والتقصير في المشاعر مع الزوجة وهذي مشكلة اغلب النساء وانا على راس القائمة
اسالوا زوجي انا ايش احب وايش اكره
ماراح يعرف يجاوب لانه عمره ماتعب نفسه يسالني حتى
والخيانة الزوجية مو معناها انك تسحبي واحد لفراشك ، انتي ممكن تخوني من دون ما تقصدي عن طريق ابتسامة لشخص غريب ابدى اعجابه فيكي على سبيل المثال
ولو ان الزوج مشبع زوجته بالكلام الناعم والمديح والحب ماكانت ناظرت لراي هذا الشخص او حتى اعطته فرصة يقول كلمة
هذي فعلا مشكلة خطيرة وبدات تنتشر في عالمنا العربي عامة والخليجي خاصة
و احنا ما نعمم على الكل وما نقول ان المراة لازم تنحرف اذا زوجها هجرها
واخر حاجة تفكر فيها المراة فسيولوجيا هي الجنس الا اذا وجدت الشخص اللي يثيرها ويلمسها بالتحديد
واللي يسافر للعمل يتصل على زوجته ويسمعها ذاك الكلام اللي يخليها تنتظر اتصاله على احر من الجمر وتنتظره ما تقرب لغيره
انا هذا رايي ومؤيدة للساهر قلبا وقالبا
كل واحد يراجع نفسه من رجل او مراة هل انت او انتي مقصرين باي شي مهما كان بسيط للطرف الاخر
الحياة الزوجية مو مجرد خدمات متبادلة بل مشاعر ومواقف يوقف فيها كل واحد مع الاخر ويفداه بحياته
ماابي اطول اكثر لان بصراحة الردود كثير فاجاتني وعصبتني
الان انتوا اللي صار تفكيركم يتمحور حول الجنس مو كاتب الموضوع
تحياتي لك يالساهر ومشكور على هذا الطرح من صميم قلبي لان موضوعك مس الجروح العميقة
العرض العادي
