اقراص الكبه (كبة الاحساء ) كبة الهريس روعه بالصور - زوجــي و زوجتــي عالم الحياة الزوجية

بسم الله الرحمن الرحيم

السلام عليكم ورحمة الله وبركاته

اليوم حبيت اعرفكم بنوع كبه اعتقد ان الاغلبيه ما جربه اهي كبة الاحساء او كبة الهريس
مشهورة باسم الاحساء لانها اكله عريقة عندنا كنوع من المقبلات مثل كبة البرغل والسمبوسه من المقالي لذيذة وخفيفه
جربيها ومراح تندمي ابد
وتصلح تتفرزن وتقليها في الفطور وعندنا حتى في المقبلات في البوفيهات تلاقونها مع كبة البرغل والسمبوسه والكبب
مقاديرها سهلة وممكن تزيدين الكمية

2كوب حب هريس
نصف كوب دقيق
ربع ملعقة ملح او على حسب رغبتك

الحشوة :
بقل
بصل أبيض
بقدونس أو كزبرة
كركم
كمون حطيت قليل ماكثرت
جبن شيدر مبشور أنا بعضهم حطيت فيهم وبعضهم ماحطيت
بس بالجبن أحلى
ملح إذا ماراح تحطون جبن

الحين الطريقة :
ننقع الهريس ونتركه 6 ساعات تقريبا
بعدين نصفيه
نفرمه في فرامة اللحم
ونضع عليه الطحين والملح
ونعجنها

نعملها كور ونفرد كل كرة ممكن باليد مو شرط بالنشابة اهم شي قبل الفرد نثري طحين
ونضع الحشوة في وسطها ونكثر الحشوة أنا ماكثرت وتحسفت
ضاع طعم الحشو بس سويتها مرة ثانية ومليتها حشو خخخخخخخ

نقره على هذا الشريط لعرض الصورة بالمقاس الحقيقي

وبعدين نلمها ونفردها مرة ثانية بس مانخليها رقيقة خليها
تكون سميكة شوي
هذا بعد مافردتها ثانية

نقره على هذا الشريط لعرض الصورة بالمقاس الحقيقي

ونكون الحين مجهزين جدر فيه ماء وملح وشوية زيت
ونتركه لين يغلي
وإذا خلصنا من فرد العجينة رميناها في الماي ههه

نقره على هذا الشريط لعرض الصورة بالمقاس الحقيقي

ونتركها ثواني في الماء ونشوفها كأنها بترتفع نشيلها
بعدين نتركها تتصفى وتبرد

نقره على هذا الشريط لعرض الصورة بالمقاس الحقيقي

بعدين نغلفهم أنا أغلف كل وحدة لحالها علشان مايلتصقون
وبعدين اصفهم فوق بعض

نقره على هذا الشريط لعرض الصورة بالمقاس الحقيقي

نتركهم في الثلاجة او علشان تطول نفرزنهم بعدين متى مابغينا نقليهم

نقره على هذا الشريط لعرض الصورة بالمقاس الحقيقي

إن شاء الله يحوز على إعجابكم
دمتم بخير
م ن ق ول

توقيع