السلام عليكم أخواني أنا أبغي أفتح قلبي لكم في شي مضيقنيه وأبغيله حل الحمد لله زوجي إنسان طيب ودايما يقولي أهم شي عندي في حياتي عايلتي وأنا وزوجي مابأزواج بس أصدقاء دايما يفضفض لي وأنا بعد وبينا تفاهم الحمد لله قولو ماشاء الله المشكله فيني أنا من ثلاث سنوات بدأ يدرس في الجامعه بس هذا مابعمله الأساسي يدرس في الجامعه إذا إحتاجو له فقط طبعا يدرس طلاب وطالبات بس هذي السنه أحتاجوله جامعه كان عندهم نقص في شعبة الطالبات طبعا أنا واثقه من زوجي لو أني حسيت بغيره بس قلت عادي لازم أتحمل عشانه لأنه هو يحب يدرس بس على آخر العام الدراسي خبرتني وحده أعرفها قالتلي لاتخلين زوجك يدرس في هذي الجامعه البنات يتكلمون عن زوجك ويقولون أنه طيب وصغير وشرحه روعه وزينون قبل محاضرته وهي حضرتله طبعا تجسس ودقولي زوجك مايسوي سالفه لأحد ومحترم بس البنات يتكلمون وايد عن زوجك طبعا أنا جن جنوني أتصلت حق زوجي وأنا أصيح من القهر طبعازوجي قاليه كل الكلام إلي قالولي أياه هو مالاحظ شي على الطالبات بس قال هذي تبا تخرب في علاقتنا وقال عشانك أنا بعتذر عن الجامعه وقالي زوجي إذا قالوك أني أنا أأسوي حركات أو أنا مابزين من حقك إتغارين بس أنا ألقي المحاضره وأروح وبصراحه هو دايما يقولي إحضري عندي وشوفي كل شي طبعا زوجي إعتذر عشاني مع أنهم أتصلوله كم مره عشان يدرس في هذي الجامعه لان هذي الجامعه قوية وسمعتها وايد اوكي وانا احس زوجي يتمنى يتم في الجامعه بس ما يبغي يزعلني فكرة أقوله أرجع الجامعه بس يوم أذكر أنه بيدرس أموت من القهر زوجي يقولي الطالبات دايما يتكلمون عن الدكتور في الجامعه بهذي الطريقه بس اهم شي أخلاق الدكتور يقولي أنا مايهمني أحد غيرج وأنا أعرف أنه زوجي مايكذب علي مافيه غموض أبدا أعرف أصدقائه وأعرف وين يروح وهو أكثر وكته في البيت مايطلع كثير ويحب ياخذني معه
إذا كان عنده شغلات خفيفه أنا واثقه فيه بس الغيره الغيره أعوذ بالله منها أرجوكم ساعدوني :sa7l. (166):أخليه يدرس ولا لا هذي المره بيكون طلاب وطالبات بس هو اعتذر وأنا ضميري معذبنيه ساعدوني