انا جيت اعشقك نبض ومشاعر مااعشقك تمثال...
انا جيت اسكنك واحياك وابقى فيك وابقى لك..
انا جيت بظمأعاشق تعب يطرد سراب اللال...
انا جيت استفز رضاك من فرقاك وابقى لك..
انا ما هنت لك عاقل اناكنت اعشقك بخبال..
انا ماكنت احبك حي انا كنت اعشقك هالك..
تخيل من كثر ما اخاف تلقى للزعل مدخال ..
اخاف اخطيء على طيفك وادوس برجلي اظلالك..
تبعتك والعرب تتبع رعود البارق الهمال..
وانا شفت المطر يتبعك في حلك وترحالك..
كأن اللي خلق حسنك خلقني مع جسدك ظلال..
وصرت اقرب جسد يمشي معك بقفاك وقبالك..
ابي قلبك يحس انك فقدت بمحبتك رجال...
ملكته من هدب عين وخسرت رضاه بهمالك..
صحيح ان الفراق اقسى ولكن الوصال محال..
انا صعب علي ارضي غرورك واضعف اقبالك..
بعد ماحققت عيني في بعدك للرقاد امال ..
اعودللسهر ياخوي فال الله ولا فالك...
ببدل نظرتك فيني واجي لك كل يوم بحال..
بكون اقرب من ثيابك عليك ولا اتهئ لك..
بلمك وانثرك واجمعك وارجع وانثرك بهمال..
بخونك وازعلك وارضيك وازعل منك وارضى لك..
ابي ارسم بالثرى وجهك وبدفن صورتك برمال ..
ابشكي للعرب فرقاك واضحك عند عذالك..
ابي اهديك الفراق وصال واهديك الوصال فراق..
بسوي مثل ما اشوفك تسوي وافعل افعالك..
عشان تعرف من فينا الزعول ومن وسيع البال..
ابيك تذوق فنجالي وانا بذوق فنجالك....
نصيحه مني واسمعها قصر معك الزمن او طال..
ابي تسمع كلامي زين وتحطه على بالك..
اذا حبك هبال اطفال لك عندي هبال اطفال..
لا وابشر بعد بهبال حب ماهو بهبالك..
واذا قصدك تهين اسمي عشان تشمت العذال..
حشى لا انت ولاغيرك ولا عشره من اشكالك...
قصيده تعجبني كثييييييير اتمنى تعجبكم
العرض العادي
