يا جو الجنوب تكفى أمااانه .. تحت أمرك ابو باسل - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة الدليل العام يا جو الجنوب تكفى أمااانه .. تحت أمرك ابو باسل

يا جو الجنوب تكفى أمااانه .. تحت أمرك ابو باسل

أغ ـــانيج ..:: كبار الاداريين ::..

موضوعي اليوم عن الجنوب ابها والخميس
طبعا بعد ما تدلل علينا ابو باسل وطلب موضوع عن ابها والخميس
اتمنى تستمتعوا معي برحلتي المصوره مني شخصيا لمسقط رأسي

قصيده للشاعر خالد القرني

الغروب الي كسا لونه شحوب
لوع قليب المعنى وابهره
جمع همومي علي من كل صوب
منظره هم عسى الله يقهره
لا ذكرت ديارنا يم الجنوب
ومنظر جباله وطعسه وزهره
ومنظر الغيم الذي يسبي القلوب
يسعد المهوم شوفة منظره
لاتزبر بالمطر قبل الغروب
لين تسمع له دوي وزمجره
ثم قضى ليله وهماله صبوب
لين تشرق ما يهكر بمطره
لاختلط ريح المطر وياالهبوب
وارتوته به كل نفس مقفره
همك الي بالحشا غصب يذوب
وايتلاشى وايتبعثر بعثره
اشهد ان جو التماشي بالجنوب
يطرد اكبرهم ويجيب اخبره

هذي صور من منتزه سحاااب في اقصى جبال السوده
منتزه جدا جدا رااائع بس الوصول له يبي له قلب جامد وقوي
لأنه مكان مرتفع والوصول له عبر طريق جبلي من مسارين بس .. وكان ودي فيه صور بس بجد اخاااف وقت الطلوع لكن المناظر وقت الطلوع خرافيه خضار وغيوم وضباب لكن في هذي المره كانت عواصف وبرد وما صدقت اننا نوصل بالسلامه

هذي صوره وانا بالسياره قبل دخول المنتزه

لكن بس توصل تنسى اي مكان بالعالم بالذات لو كان الجو بدون امطار عشان ما تشيل هم الرجعه طبعا هالمنتزه يعتبر عندي من اهم الاماكن اللي لازم ازورها كل صيف لأنها تستاهل وانتو شوفو الصور واحكموا طبعا عندي صور كثيره بس اغلبها واجملها عائليه فاعذروني الجود من الموجود..

بالله شوفو هالمنظر

ولا هذا

شوفو الخضره بوسط الحجر سبحانه من ابدع هذا الجماال

هنا اصور وانا خاااااااااايفه لأن الجسر اللي واقفه عليه زي الالمنيوم كل ماحد مشى عليه يطلع صوووت يعني كم صوره خذيتها هنا وبعدين حذفتها لأنها تتحرك

وهذي بعد على نفس الجسر

هذا وانا على احد ممرات الجسور بين الجبااال

حتى الاحجار لها جمال بس في الجنوب

هنا صار موقف باااايخ طاحت نعال الله يكرمكم وحده من المجموعه لسا عرووسه في هالمكان واختاروا بنتي ينزلونها بيدها تجيبها عشانها نعاال عروووس طبعا استحيت اني ارفض بس استودعها الله في نفسي ومغمضه عيوني لين رجعت لي بنتي الحين احس اني مو صاااحيه يوم سكت ..!!!

هنا جلسه سويناها ببيت عمي الله يخليه فيه بيت شعر وبرميل مندي نطلع فيها من قبل العصر الى آخر الليل اذا ما فيه ضيوف او طلعه برا فيه هنا تصوير للشاي والقهوه على الجمر

يالبيه ياريحة الشبه

ما قدرت اوريكم الشكل النهائي لأن العموم موجودين بالصوووره

طبعا الجنوب كله على بعضه حلو من ابها الى الخميس الى نجران وجيزان كلها كلها على بعضها حلو بس انا اموت بابها والخميس بس بجد معلوماتي فيها قليله من ناحية السكن لأن فيه منزل العايله يكفينا هم الاجار اسواقها متطوره وفيها جميع الماركات المعروفه الناس فيها يتميزون بطيبتهم العفويه وحبهم لاكرام الضيف
وبجد انا مااحب الاخيره لأني اكره المواجيب والعزايم احبها فللله وطلعات وكشتات ما احب الرسميه

فيه منتزهات ثانيه تصويري فيها عائلي عشان كذا ما حطيت صور لها مثل منتزه الفرعا ومنتزه الامير سلطااان وهذا لحاله حكااايه ويبيله موضوع خااااااااص السوده والحبله طبعا كنت اقدر اجيب الصور من قوقل لكن انا وعدتكم الصور حصريه وهذا اللي صار

في الأخير اخترت هذا البيت للمبدع حامد زيد لأختم به موضوعي

يكفيني اني كل ما هبت على صدري هبوب

تحن عيني للجنوب وتلتفت بلحالها

اتمنى موضوعي على حوسته يعجبكم
انا اكتب ومستعجله بس اوعدكم اذا الله اراد صيفية هالسنه تصويري لعيونكم :msn-9ef96af442:

توقيع

الحب دعاااااء

فمن يحمل في قلبه حبا لي ...

فليذكرني بدعوه ,,

يعلم الله كم احتاجها :111:

سامحوني على الغياب

ظروفي لا تسمح لي بدخول المنتدى هذه الفتره

وسامحوني ان طاال هذا الغياب ولم اعد