السلام عليكم ورحمة الله وبركاته ملاذي الوحيد بعدالله سبحانه هو اللجوء للمنتدى لاسمع منكم
انا الان بين نارين بين التفكير في ا لطلاق وبين اطفالي في مواضيعي السابقة كنت تكلمت عن الفجوة بيني وبين زوجي من جميع النواحي الفكرية والمالية والاجتماعية ومن ناحية الشخصية بيننا فرق شاسع بتسالون ليه اخذتيه؟اصلا ماحد شاورني واخذ رايي وقلت في نفسي لعل الخيرة لي في هذا الزواج في البعد عن امي وقسوتها الشديدة وتعذيبها لي لانها كانت تعاملني كخادمة تماما لها ولبناتها وزوجها اما ابوي الله يرحمه تزوجت وبعد الزواج عرفت انه مايعرف القراءة وان رسايل الجوال الي ارسلها له كان يخلي حد يقراها له ويكتب لي الرد واكتشفت شخصيته المعدومة مع اهله لدرجة حتى الاثاث الي كان يشتريه ايام الخطوبة علشان ياثث فيه شقتنا كانو يستعملونه وماكانو يحترمونه ابدا ومن ناحية العلاقة الخاصة عجز يفض بكارتي واخذني الى طبيبة علشان تؤدي عنه المهمة وكل هذا وانا اتصبر لانه كان السبيل للخلاص من بيت اهلي وتعالج من الناحية الجنسية بس من وين اجيب له الشخصية والاحترام تعبت وانا اثقف فيه ووقفت معه بكل مااملك كل ماكن عندي من مال اعطيته وكانت تجيني وظايف على بند وكان كل راتبي اصرفه عليه وعلى البيت وعلى طفلي الاول المهم حملت في الثاني بدون تخطيط مني بس لان الاطباء منعوني من الموانع لان حالتي الصحية ماتسمح وتوحمت عليه كنت اكرهه بشدة لما يكون في البيت بس لما يطلع يكون عادي المهم فهمته الشي هذا وكان يتذمر ووعدته بعد الولادة ارجع احسن من اول المهم ولدت قيصري واحد من اهله زارني اوكلمني وهنا عاتبته فبدا يصرخ علي وانا في المستشفى وهنا عصبت وسبيته هو واهله وانا اعترف اني هنا غلطت بس لاني زعلت كيف يعاملني كذا وانا نفاس وكانت اصلا معي حمى نفاس المهم طبعا كل اغراض نفاسي وحاجياتي والبيبي اشتراها من صرفتي الي كانت موجودة معه ويقولي احمدي ربك انا اروح من مكان للثاني اشتري لك وانتي حاطه رجل على رجل في المستشفى؟وش رايكم؟المهم طلعت لبيت اهلي وهنااا اهملني تماما تعرف على احد الاشخاص شيعي وبدا يطلع معه وينام في بيته علما انه الشيعي هذا كانت قضيته مع زوجته في المحاكم للطلاق؟المهم نفسيتي تعبت جدا بديت الف في البيبي المستشفيات لانه تعب جدا جدا لدرجة ظنيت انه ماراح يعيش لي ماادري وش الي صار معه هل رضعته وانا زعلانه او بعضهم يقولي عين وحسد لانه كان جميل جدا (هذا سؤال للامهات علما اني لما كنت ارضعه كنت احس بمثل سكين تخترق صدري من عند الابط الى الحلمة ومو الم الرضاعة العادي انا خايفة انه كان معي التهاب وهذا الي سبب له المرض) المهم زادت بيننا المشاكل مااشوفه الا بعد مااتصل ولو اتصلت الصباح مايجيني الا في الليل واكتشفت انه صرافتي مافيها غير 20 ريال المهم بعد 18 يوم اتصل وقال روحي استلمي ورقة طلاقك وقفل جواله وماعاد يرد على احد المهم اهلي كلمو اهله قايل عيوب الدنيا كلها فيني لاهله وانه ماعاد يبيني طبعا امي وقفت معه وصدقته واناظليت نفاسي كله ابكي مو لاني ابيه بس على حال اولادي وعلى حالي لاني برجع لامي وجلست افكر ياربي وين اروح مالي احد؟بعدها اكتشفت انه وحده من اهله قالت له يطلقني وفي نفس اليوم اتصل يقول بيطلقني مافكر في اطفاله ولا في كل شي سويته له والله سويت له الي ماحد سواه من اهله اخذته حتى السيارة ماعنده وشريتها له وباسمه علمته طريق الماركات كنت شايلته ع كفوف الراحه وعلى قوله كنت مشبعته من ناحية العلاقة الخاصة الا في فترة وحامي وهذا غصب عني جحد كل هذا في لحظه واكتشفت انه كان ماخذ من اهلي مبالغ مالية وانا ماعندي خبر المهم الكل من اهله واهلي صار يتكلم فيني وفي العيوب الي قالها عني وصدقو حكيه وصرت حكاية لهم المهم رجع لي بس انا من اول مااحبه بس مو محسسته لكن الحين بداخلي جرح كيف في لحظة باعني وباع اطفاله بكلمه من اهله هنا عرفت انه مالي امان معه وانه بكلمه منهم يبيعني علشان كذا ماني قادرة اسامحه او اتقبله حتى خصوصا اني متحملة المسؤلية بالكامل مسؤلية البيت والاطفال ونفسي والايجار فهو ماله وجود .الان اصبحت علاقتي مع اهله رسمية جدا ازورهم من باب الواجب علشان اطفالي الي مخليتهم قدامي في كل شي اسويه وفي كل خطوة قبل اخطيها بس انا تعبت نفسيا اصبحت عصبية جدا وحالتي الصحية تعبت اصبح معي صداع مزمن بالاضافة الى البيبي تعبان والله لفيت فيه المستشفيات والمشايخ والطب الشعبي والكل يؤكد انه بسبب زعلي ايام النفاس يعني تسبب بمرضي ومرض طفلي حسبي الله ونعم الوكيل والان انا افكر في الطلاق جديا لكن اسئلة كثير تدور في ذهني ؟هل احرم من تربية اولادي ؟هل ينفع اعيش لوحدي لو ترك لي اطفالي علما انه عمري 27 وانا موظفة ؟لو استمريت معه خايفة على صحتي الي تدهورت جدا صداع وقولون ونزيف من القولون اخاف مااقدر اعيش واشوف عيالي يكبرون من كثر الهم وفي كل الاحوال انحرم منهم ؟ارشدوني ؟علما انه تراودني احلام غريبة جدا عني وعنه وعن البيبي؟كيف اعيش مع انسان باعني بكلمة