السلام عليكم ورحمة الله وبركاته

ببدا وبتكلم كل اللي بقلبي لان قلبي محروق وبقوه والظليمه شينه ويشهد علي ربي اني صاينته مثل ماصنت نفسي

اول شي انا تزوجت زواج تقليدي هو يقرب لي ومتربي معنا من كان صغير وابوي وامي يمونون عليه كثير الحمدالله مرت الخطوبه على خير وتزوجنا وكنا اسعد اثنين وصح الحياه الزوجيه ماتخلى من المشاكل بس كان يطوفها ويراضيني ومعيشني ملكه في بيته وكانت لي قيمه عنده ...

انا زوجي ولله الحمد مشهود بدلعه لي لدرجة الناس تتكلم تقول فلان مايصبر عن فلانه ولايقدر يتزوج عليها وخواته نظراتهم غيره وربي غيره يحاولون قدامه يشوهون صورتي بلبسي بتسريحة شعري مع العلم ما امدح نفسي انا جميله والحمدالله اخلاقي معهم زينه عمري مارديت الاساءه بالاساءه وخاصه مع خواته وخواته كان حيل معي وحنا صغتر بس من تزوجت اخوهم تغيرو وهو كان طاير فيني كلمة لا عمري ماسمعتها منه لابكيت ضمني ةينسجم مع كلامي ويضمني ويقول الله لايبين غلاك وانا ما استغني عنك ومن هالكلام

من قبل سبع شهور زوجي تغير مع العلم عندنا طفله وانا الحين حامل وعلى وشك ولاده بالطفل الثاني ..

ارجع للموضوع زوجي تغير من سبع شهور من يوم طلعنا ببيت لحالنا عن اهله والطلعه كانت برغبه مني ومنه لان بيت اهله صغير مع ان اهله متضايقين مو حب فينا لكن امه تقول عيالي مايطلعون عني المهم قدر الله وطلعنا وكنت ببداية حملي الثاني لاحظت زوجي تغير علي يصرخ علي يسهر عن اصدقائه للفجر وتغير معي بالعلاقه الحميمه تغير بكل شي لابكيت مايجي يضمني اقوله تعبانه قدر وضعي انا حامل وابوي جزاه الله خير جايب لي شغاله من فلوسه وباسم ابوي الشغاله يعني كانت تريحني جسديا لكن زوجي ماسكها علي يقولي تعبانه وانتي عند شغاله وشو متعبك غير النوم والاكل حتى بنتك ماتشوفينها والله اشوفها بس طالع طول اليوم واطفش لحالي واهلي بديره ثانيه عنا انا بالشرقيه واهلي بالرياض كنت اتقاضا عن زوجي واقول يمكن مضغوط ويمكن ويمكن لين زادت حالته واذا زرت اهله يتكلمون معي بنفسيه ماكني قريبتهم من لحمهم ودمهم وانا اقسم بالله عمري ماسويت لهم شي ولا اتكلم فيهم ولا اكدر خاطرهم المهم مره كنت ابي زوجي يوديني مشوار وكنت متضايقه منه لان اطبخ له ماياكل عندي بس مخلي البيت للنوم الزبده اتصلت فيه قلت له فلان حبيبي بروح لمشوار بشتري لبنتي ملابس ملابسها صغرت عليها وانت وعدتني على راتبك توديني قال انتي ماتعرفين وقتك انتي وربي مو صاحيه قلت ليه وش فيك عسى ماشر قال اقول لاتتصلين فيني ماني رايق لك وسكر بوجهي بعدها رجع الفجر انتظرته وفيني نوم وكنت خايفه عليه ان يمكن فيه شي يوم جا قلت شفيك شغلتني عليك قال هذا انتي سهر بالليل ونوم بالنهار قلت حرام عليك انتظرك متروعه عليك قال فكينا بنام ومع الايام اكتشفت انه يوم كنت طالبته يوديني كان مودي اخته للسوق لان هي دايم تقوله اخذتك منا زوجتك وخيرك لها وسكت عنه مازعلت نمت وصحيت معه ما افطر عندي وبعد هالسالفه صار متناقض مره رومنسي معي ومره قاسي كانه حجر الين مره اتصلت بامه تزورني وان مجهزه لها حلا وقهوه المهم ماقالت شي امه قالت بجي وفعلا جت وضرب الباب وقلت انا من ورا الباب مين قالت افتحي ياخيه عاد مين اللي بيجيك انتي بلعتها وفتحت الباب تقهوت وراحت بيتها ويوم جا زوجي كنت ابكي بشده قالي وش فيك علمته توقعته بيضمني مثل كل مره صدمني قالي انتي بس تقولين امك قالت اختك قالت وش تبين فيهم هاه انتي حاقده وكنت منخدع فيك قلت وربي عمري ماتكلمت فيهم قدامك انت سالتني وانا جاوبتك وزعلت من هالسالفه واكتشفت سبحان الله بوقتها مسج من صاحبته وتقول انها مشتاقه وراحت عليها نومه وماردت عليه انصدمت صدمت حياتي وكان بالحمام ويوم طلع واجهته وانكر قال يمكن غلطانه وشفت السجل السجل كان متصل كثير عليها وماردت قلت كيف غلطانه وانت متصل فيها قالي انتي مريضه وشكاكه هذا واحد من اصدقاي مسوي فيني مقلب قلت مقلب انا اعرف اسلوب البنت من الولد قال وش عرفك من غباي وحسن نيتي قلت كانو معنا بنات يكلمن بالمدرسه وكنت اعرف اسلوبهن وطريقتهن ماقال شي وانكر واخذت الرقم وتهاوشت واتصلت فيها وتهاوشت معها حيل وهي استفزتني قالت يبيني ومايستغنى عني وش تبين بينا انتي قلت انا زوجته قالت خير ياطير ماتهميني احبه ويحبني خنقتني العبره وسكرت بوجهي هي وتتميع وتتدلع وهي تكلمني وكلامها اقوى مني وكله ثقه حسيت نفسي صغيره عندها وما اقوى على كلامها وهي سكرته بوجهي مانمت مت حرقه وبكي وهو نايم ولا اهتم قمت جمعت اغراضي كلها وخليت الدولاب فاضي واتصلت بابوي وقلت له كل السالفه قال بتصل بابوه لانه هو ماينفع معه الطيب لان ابوي يعرف انه يكلم وانه يشوف افلام جنسيه وانا كنت اكذب نفسي اقول مايخون لو خان ماكان دلعني والحين عرفت اللي يدلع يكون يخون لان ضميره يأنبه ابوي اتصل بابوه وابوه كبير بالسن وصاحي من الفجر وقاله شف لولدك حل يايتسنع يايجيب بنتي لي معززه مكرمه ابوه قال ما اعرف بالموضوع ولا ادري عنه لكن يصير خير وصحا زوجي على الساعه 11 وشاف اغراضي سكت ماتكلم مع انه مايدري ان ابوي مكلم ابوه وطلع من غير لايكلمني وراح رجع وجلس يترجاني اجلس وما اروح لاهلي وكله كان مصلحه ولا انا ماهميته عشان ابوه قال روح لاتفضحنا ومانبي مشاكل مع ابوها المهم ابوه اتصل بابوي وقاله كذب ابشرك تراضو وبنتك عوبا وكذابه زعلانه لانه ماودها لمشوار وربي هم يكذبون وقلبو كل الموضوع ابوي سكت ماقال شي وهو بعد ماراضاني ورضيت نام بنفس الليله اللي رضيت فيها ثلاث ايام عند اهله مخليني بالبيت لحالي مع بنتي والشغاله وماعلمت احد بعدها باسبوعين قلت له بروح لرياض اغير جو عند اهلي نفسيتي تعبانه "" وكنت اقصد بنفسيتي من تعامله ومن صدمتي بانه يكلم "" قال مافي روحه وطلع بعدها رجع قالي امي بتروح تزور اهلك روحي معها "" امه تقرب لي"" قلت طيب رحت لاهلي على اساس متراضين وعلى اساس معطيني مصروف لبنته ورحت برضاه اول رفض بعدين قال امي بتروح روحي ورحت شهرين كاملين اتصل فيه مايرد شهرين كامل ماسال عن بنته كنت اتصل وارسل شفيك ومن هالكلام مايرد ابد واشوفه بالواتس اب اون لاين يعني مافيه الا العافيه وهو يدري اني احبه موت وكان مطنش امه جلست يومين ببيت اهلي ورجعت مع ولدها الثاني مع العلم اللي ودانا لاهلي اخوه مو هو وامه معنا وراحت امه بعد يومين وانا بطبعي ما احب ادخل اهله بينا لانهم دايم يوقفون معه والغلط يحطونه علي ومرت الايام وكل يوم اقول بيجي ياخذني الين مره جت امه مره ثانيه مع اخوه ومعها فلوس لبنتي قالت خوذي قلت وشو ذي قالت مصروف بنتك من رجالك قلت لامشكوره مو محتاجين ابوي ماقصر قالت مو لك لبنتك يقوله رجالك سكت وتخذتها وانقهرت وارسلت له مسج ياتتفاهم معي ليه نسوي كذا ياتطلقني وماحنا محتاجين فلوس قد ما احتجنا نعرف وش فيك ورد وكله شوق لي انا ابيك وابيك ومن هالكلام ولبيك تحسين فيني وتجلسين مع نفسك كذاب لو يبيني اجلس مع نفسي يرد يقولي مو يطنش شهرين المهم كان يكلمني باحترام وشوق وحنيه وكان يتكلم معي سكس وانا سامحته على طول قلت اهم شي رجعلي وقالي بجي اخذك بكره جهزي نفسك جا بكره جهزت نفسي وانتظرته كان بيجي للرياض وانتظرت واتصل قالي اع\ريني ماني جاي قلت ليه عسى ماشر قال ابووي حلف علي اسفر خواتي طفشانات ويبكون يبون مكه قلت ماعلي روح ودعواتك لي اقوم بالسلامه من الولاده قال انشاللهوراح وكان يكلمني لمدة اسبوع ورجع ومن بعد رجعته من السفره بيومين جا واخذني وكان مدلعني مره بقوهويقولي ابشري وكنت مبسوطه معه حيل ورجع زي اول حتى بالفراش واول مايدخل يشيلني ويصمني ويبوسني وانا ماقصرت معه البس له وادلعه وصار ياكل عندي وكانت جلستي عنده خمس ايام بس من رجعتي له يعني من بعد الشهرين خلاني خمس ايام عنده ورجعني لاهلي وكذب علي قالي عندي دوره بجده خوذي ملابس لك ولبنتك لمدة اسبوع وبرجع اخذكم صدقته قلت طيب وحنا بالطريق بالسياره طلع له جوال ثاني قدامي وهو كان يحلف ان ماعنده جوال ثاني انا انهبلت قلت وشو ذا قال جوال احط فيه شريحتي واكلم وجوالي الايفون شريت له شريحة بيانات انا انقهرت عارفه انه كذاب قلت له انا اغار عليك انا احبك وتعرف طريق الحرام وانا اخاف على نفسي وبناتي ان الله لايبتلينا كان ساكت مايرد علي كان مستمع ونزل للبقاله وجاب اكل لنا ووصلنا لاهلي قالي نزلي بنتك عندهم وامشي معي لمشوار توقعته بيطلعني مطعم اي شي لكن للاسف جلس يلف بالشوارع وقالي اسمعي انتي تقولين انت تكلم ومو من حقك تقولين لي مع العلم انا عارف انك تكلمين شباب قبل اتزوجك وسكت عنك وسترت عليك انا انصدمت وشو هالكلام قلت والله ماكنت اكلم قال لاتكذبين انا سامعك وانتي تقولين لاخواتي انا اكلم شباب الحين وانا بذمة اخوكم واخليهم يشحنون لي رصيد وجلست ابكي منهاره وقالي روحي اسالي اهلك كم مره مسكوك وانتي تكلمين قلت اهلي قال ايه وحتى انا مخترق لاب توبك وانتي تكلمين شباب وتسوين نفسك ولد وهو كذاب وربي وقالي يلا انزلي لاهلك الساعه 10 توصلك صورك وهذا دليل نزلت وانا منهاره رحت علمت امي امي كلمته رد عليها قالت انا حاطتك بحسبة اولادي واحبك زي ما احب ولدي الكبير كيف تقول عن زوجتك تكلم شباب جلس يصارخ على امي ويقولها اسمعي انا ماخليتها عندكم الا شهرين وانا خالص منها مابيها قالت امي اجل ليه اخذتها خمس ايام ورجعتها دامك ماتبيها قال حاجه كانت بنفسي واخذتها قالت امي وشو الحاجه ياولدي قال والله عاد حاجه وبس قالت امي اللي افهمه من كلامك بتطلاقها قال الله الله بطلاقها وقالت امي مع اخر الدنيا ياولدي مع السلامه وانا جلست اصرخ واقول له من ورا السماعه حسبي الله ونعم الوكيل عليك وعلمت ابوي ابوي ماقدرت يتمالك نفسه اتصل فيه وقاله انت كفو تتكلم عن بنتي وقاله انا اوريك وسكره بوجهه ابوي ورجع هو واتصل بابوي وابوي مارد عليه واتصل ابوي بابوه وهاوشه وقاله عن ولده ولابو كان بارد مره مو مهتم رجت انا ارسلت له وين الصور ارسلها جت الساعه 10 وينها حسبي الله ونعم الوكيل عليك رد علي بمسج وش بلاك انا سالتك ليه تسوين هالسالفه قلت انت ماسالت انت اتهمت قال ما اتهمتك سالتك ليه شاكه بنفسك وجلس يبرر انتي سمحتيلي اشك تقولين اعرف اسلوب البنات اللي يكلمن قلت انت قلت سمعتني اقول لخواتك قال لا لا انا سالت ما اتهمت قلت وين دليلك وين الصور قال اكذب عشان لو عندك شي تعترفين لي قلت بالله مو جواب مقنع قال بتصدقين صدقي منتي مصدقه بكيفك وابوي منعني اكلمه وحلف يطرده ان بغا يرجعني المهم صرت اكلمه من ورا ابوي ما استغنيت عنه كان يوم طيب معي ويوم اكلمه اسلوبه زفت وتامر وقالي الخدامه ذي ماتدخل بيتي وبعدها عيت قلت انا حامل وتعبانه رضا وسولف معي عادي جا من بكرا رجع يعصب ويصرخ وكنت متحمله ولين مره ارسل لي اسف وحقك علي انا غلطت عليك وغلطت على خالتي تاسفي منها وقوليلها مهما يصير انا ولدها وهي جدة بنتي واللي بيجي بالطريق قلت ماعليه انا مسامحتك وامي ماتشيل عليك ومر اليوم عاد جا من بكره كلمته قالي انا بجي اخذك واطلعيلي ماني مقابل ابوك انا ماغلطت على احد وانتي زوجتي وليه تتكلمين فيني مهما اسوي فيك وخدامه مافي قلت ما اقدر اطلع وابوي راقض قال لاوافق ابوك اتصلي وقوليلي وسكر بوجهي على فكره هو ماكان يتصل فيني بس انا اتصل وارسله ومره القاه طيب ومره قاسي وسكره بوجهي ماقلت شي جا من بكره مع انه غلطان اتصلت فيه مارد مرتين ارسلت له انو بكلمك بموضوع يخص بنتك رد على طول قال وش فيه قلت مافي شي مشتاقه لك قال ماني فاضي مشغول قلت اكلمك بعد ربع ساعه قال لا قلت طيب بالليل قال ماتفهمين انتي قلت لا وسكر بوجهي ومن بعدها ارسل له اني مشتاقه مايرد ارسل له وشو وضعنا علميني ياترجعني ياتطلقني مارد واشوفه اون لاين بالواتس اب اكلمه مايرد اتصل مايرد ابد وانا قربت ولادتي وبولد عند اهلي وبطاقة العايله عنده مو عندي وابوي حالف مايكلمه ولايتصل فيه وحالف بعد ما ارجع له وهو عارف ان ابوي حالف وقالي وش تبيني اسوي ابوس رجلك عشان ترضين لاقدرتي لابوك ارجعي مابيدي شي هذا كلامه قبل يطنشني وصرت ادق مايرد والحين ابوي مايدري اني ارسل له ولاشي وطلع كذاب لاراح جده ولاعنده دوره وجدتي تقول ان امه وابوه يبكون عنده يقولون رجع زوجتك انت فرقت بين العايله وهو يتعذر يقول مشغول عندي دوام بعدين بعدين وطبعا جدتي عرفت من ام زوجي انهم يترجونه ويتعذر وابوي حالف ولا احد من اهله يدخل بيتنا ولا احد فيهم جانا ولاكلم ابوي وخواته بالواتس اب يسبوني كاتبين يالرديه ومدري ايش .. بس هاذي كل سالفتي مدري وش اسوي مايرد ومطنش ويشوف كلامي بالواتس اب وانا ولادتي قربت ولاسال فينا وصح يوم وداني لاهلي ماعطاني مصروف اهلي يصرفون علي وابوي بيدفع لي الولاده وابوي عنده عزة نفس مايبي يكلمه ولا يطلب منه شيهو مو مهتم فينا ونسيت اقولكم خوات امه واقفات معاه يدعون علي وعلى ابوي ووقفات معاه ويقوونه علي .. ابي شوركم رياجيل وحريم مالي احد غيركم من بعد الله