مالها بداية قصتي ... بس أذكر إني بيوم .. كانت تخنقني عبرتي ..وعيني ما عاد تقوى البكا .. ياما سال دمعي وقال خدي كفى ...
المهم طلعت ادور أحد يمكن الآقي من يحظن همي ... ويسكن خوفي ...
جلست معاي أوراق وقلم ... قلت مالي إلا أطلع اللي بقلبي بهالورق .... أسطر حزني ولا أحد يحس فيني .. وأبكي للقلم وأشكي له .ثم أقوم أروح أضحك ماكني قبل شوي أحترق من الهم ...
لكن ما عرفت .... أول مرة ما أعرف أكتب .... وأنا جالسة أفكر ..... جـــــــا ...أحسبه طيف ويمر ......لكن ....
جلس .. وقال ليه الحزن ؟؟؟؟
حطيت عيني بعينه ولقيت نفسي أحكي ... مثل طفلة تشكي لبابا من أخوها اللي أخذ لعبتها ....
وهو حط يده على يدي ... حسيت بدفا حنانه ..وخفق قلبي لهمســـه يوم قال : ولا يهمك ...
نسيت ليه أنا كنت أبكي ؟؟.... ورحت أسمع منه.. وأعيش جوه ..ثم ودعني وشكرته لأنه مسح دمعي .....
واليوم الثاني ما انتبهت لنفسي إلا أنا بنفس المكان .......
ياترى ليه ؟؟معقوله ؟؟ أنا حبيته ؟؟ لا ما أظن لأنه راح ...............
لا هذا هو جــــــــــــــــــــــــا مرة ثانية ....ياترى ليه ؟؟ عشاني ؟؟...
ويوم عن يوم لقيت نفسي أحتريه ويمكن هو يحتريني .....يمكن حبيته وهو يحبني !!! بس أكيد ارتحت له وهو أكيد إرتاح لي ....
وكنا نحكي لبعض التفاصيل ..حتى التافهة ..ونحكي يوم كنا صغار .. ومالنا هموم ولا حتى نعرف نفكر ......
وعن قصص حب قديمة .. وبكيت له .. وشكى لي ... ونسيت معاه ليه أنا مهمومة .....
وصرت اجي للمكان واحتريه ولو ما جاني أمشي وأناظر وراي ... يمكن شوي ويجيني ...
حلو يوم تحكي اللي بخاطرك ولا تهتم ويكون أحد يسمعك وهو مهتم ...
لكن ..........
فيه يوم غير عن كل يوم ...قال ابرحل .........
لأني أحبك ..وأنا أدري لا الوقت ولا الظروف تخلينا نلتقي ............. زاد له إحترامي ....
وقمت أودعه .... وقلت له ودمعتي على خدي :: بأمان الله .. وهذا الحب مدفون في خفوقي يذكرني فيك قبره ...........
وقمت أدور أوراقي والقلم عشان أكتب لكم قصة موتــــــــــــــــــــــــ حبــــــــــــــي .............



ملاحظ :: القصة من خيالي ولا أسمح لأحد ينقلها ( واثقة إنها حلوة ههههه)
أتمنى كلمة رأي .........