هلا فيك أخوي

وكل عام وانت بخير وصحه وعافيه

وألف مبروووووووك خطوبتك الله يوفقكم ويسخركم لبعض يارب

أخوي بالنسبه لأخوانك وكلامهم عنك أشوف ان ماله داعي تهتم له والا ترد عليهم

وأخوك اللي اكبر منك اذا مايبي يتزوج بسلامته انت مو مربوط فيه ولاملزوم تنتظره

اللي مقتدر الله يوفقه واللي مايقدر أو مايبي يتزوج الله يسهل له

انت ماغلطت ... تمم خطوبتك ولاتخلي مثل هالكلام يأثر عليك والله يوفقك يارب

بالنسبه لأهل خطيبتك فمن حقهم يسألون عنك اللي يبون .. ومادمت واثق من

نفسك فلا يهمك لو يسألون الجن الازرق ولايهمك لو تعرف الدنيا كلها .. المهم انك

ماشي صح

طبعاً طريقتهم نوعاًما غريبه لكن ماينلامون .. في هالزمن صار الواحد يخاف على

مستقبل بنته من كثر مايسمع من مشاكل وبلاوي حصلت لبعض البنات بسبب عدم

سؤال الأهل أوالانخداع في بعض الشباب .

اتمنى تآخذ الامور ببساطه ولاتهتم لبعض اللي يصير عشان ماتتعب

والله يوفقك ويتمم لك على خير ياارب

ينقل لقسم النقاش والسؤال والجواب

اولاً / الف مبروك يابعد روحي وربي يتمم لك علي خير

ثانياً / ون اقوله ون صادق اذا ناقصك شي ان حاضر الحمد الله الوضع المادي فوق الممتاز واذا كنت بالدمام امرني بس وابشر بعزك

ثالثاً / بنسبه لخوانك سواً من ابوك مدري من امك وحتى لو من ابوك وامك ماعليك منهم ياخوك محد دافع من جيبة شي اهم شي يكونو امك وابوك راضين علي الموضوع ، امام الباقي سيبك منهم ياسيدي

وبالتوفيق

اخوي اللي فوق سطحهم
كلام اميره بالضبط مثل ما بغيت اقول لك سواء من ناحية اخوانك او اخوان زوجتك

اخوانك من ابوك وصلهم العلم وردة فعلهم جدا عااااديه فلا تشيل هم ولا تفكر بس انت حدد ميزانيتك لكل الامور زين عشان ما يلاقوا عليك ثغره انك ما سمعت كلامهم

واخوان العروس والله ثم والله ما الومهم

الزمن صار مرعب بس الله يسترنا ويستر بناتنا بالرجال الصالحين واتوقع انك سألت عليهم انت بعد وان كنت ما سألت فأقول لك انت غلطان

الزواج شركه كبيره ما ينفع تبدا فيها خطوه قبل ما تدرس كل صغيره وكبيره فيها

لأن تقدر تشوف احصائيات الطلاق بعد فتره وجيزه من الزواج

واكيد هذا حصيلة الزواج المتسرع سواء من الشاب او الفتاه

امنياتي لك بالتوفيق اخوي الا جد متى العرس؟؟؟؟؟؟ ههههههه

اخي الف مبروووووووووووك

دوس على قلبك اذا بتعيش ودوس على كل واحد ياقف بوجهك