مافيه غيرك يفهـم الحـال يـا ليـل ,,, أخذت منك الصبـر رغـم المـراره
لأن المواقـف بالفـرح والتهـاويـل ,,, مسكانهـا وسطـك بليـا أسـتـاره
اصبر وأبحكي لـك بكـل التفاصيـل ,,, عن وآحدٍ بالحـزن صـدٌر قـراره
ما رآح يشكي حزن عنـد الرياجيـل ,,, ولا باح سـده عنـد نـاسٍ عيـاره
أخاف لا أصبـح هرجـة للمهابيـل ,,, تآخذ علـى بيـح الخوافـي تجـاره
العيـن ماتعـرف بيـاض المناديـل ,,, مـا انـي معودهـا تهـل بغـزاره
والصبر أخذته فـي يديـنٍ مكابيـل ,,, وأصبحت أمنـي ليلتـه فـي نهـاره
يا ليل جيتك فـي يدينـي مراسيـل ,,, وأبغاك تاخذ لابـن الاجـواد ثـاره
هموم يلفن في حظـورك مضاويـل ,,, وليا بغيتـك رحـت عنـي نعـاره
والصبح أمنٌـي خاطـري بالمقابيـل ,,, باقي أمـل نذكـر طـوارف ديـاره
أقـوم ثـم أطيـح وأقـوم وأشـيـل ,,, لـو شالـه المسكيـن قطـع أزراره
دنيـا تخفٌـي فالـدروب المحابيـل ,,, كم وآحد ن أعلـن سببهـا إنهيـاره
لا جيتها مترين رآحـت ميـة ميـل ,,, ما فاد فيهـا لا الذكـاء والشطـاره
ما عمرها جتني على الكيف والكيـل ,,, إليا اضحكت قمت اتحرى الشـراره
عجزت ماالقـى للخوافـي مداخيـل ,,, أشغلت فكري دون ما أجنـي ثمـاره
إليا أنكسرت أدرى من الكسر ما أعيل ,,, لي طيحـةٍ تفـرق عليهـا البشـاره
لا طحت مالقـى للخوافـي مداهيـل ,,, وغيري لا منه طاح يلقـى الجبـاره
أخذت درب الصبر وألقى التساهيـل ,,, دآم الكفـن مجـآن والقبـر غـاره
يالليل..خصمي أنت..وأنت الغرابيـل ,,, أنت الزمن أنت الشقى..ياخسـاره
بطلبك طلبه مـا بهـا أيـات تثٌقيـل ,,, وأبعتبرهـا منـك طيـب وجـداره
قدآم لا تهـدم بـي الحـال والحيـل ,,, الرووح خذهـا وأعتبرهـا شطـاره