[align=center]السلام عليكم ورحمة الله وبركاته

كيف الحال جميعا ...!





هذا تطبيقي لصينيه الرز بالدجاج والشعيريه نفس فكره وتطبيق اختي الغاليه ورد
http://0o5o0.com/vb/showthread.php?t=55960

لكن الاختلاف ببعض الخطوات والمقادير

المقادير الرئيسيه:

بصل مقطع اجنحه
جزر مقطع شرائح رفيعه او مبشور
بازاليا - حسب الرغبه -انا استغنيت عنها
كرات الشعيريه
رز <== اكيد خخخخخ
دجاج مقطع ارباع
صنوبر مقلي للزينه

الطريقه :

نبدأ اولا بخلطة الشعيريه :
-وهذي تقدرين تسوين منها كميه كبيره وتفرزنينها ومتى ما احتجتي طلعيها قبل بوقت وخليها تذوب
وارجعي احمسيها عالنار شوي وحطيها عالرز -
سخني شوي زيت بقدر وكسري عليه كور الشعيريه واحمسيهم حتى يحمرون
بعدين صبي عليهم مويه - بس لا تكثرين كلما احتجتي ماء زيدي -
واملحيهم واتركيهم حتى يستوون وتنشف المويه ..
احمسي البصل عالنار وبعدين اضيفي عليه الجزر والبزاليا وقلبيهم
وبعدها اضيفي الشعيريه والله الله بالبهارات لانه هي اللي تعطيها الطعم
والملح طبعا والفلفل الاسود وخليهم على نار هاديه يتسبكون سوا وخلصنا منهم ...
الدجـاج : بعد ماتقطعينه وتغسلينه اسلقيه بمويه وملح بعدين طلعيه من مويته
وصفيه بصينيه وتبليه بـ : صلصة طماطم + زيت + عصير ليمونه + ثوم + ملح + بهارات
وقصدريه ودخليه الفرن خليه يمكن نصف ساعه على حرارة 350 وبعدها حمريه من فوق وخلصنا منه ::
نجي للرز :: طريقتي المعتاده فيه واللي تخليه نثري وفيه لمعه وكل حبه لحالها
هو انه بعد ماتغسلينه وتنقعينه حطي زيت - ولو بتحطين معاه سمن بيكون ألذ -
في قدر وحطي عليه بهارات عدله مو مطحونه : فلفل اسود وقرنفل وقرفه وهيل
ولما يسخن الزيت وتطلع ريحة البهارات حطي عليه الرز واحمسيه بالزيت شوي
- بيلزق تحت بس مو مشكله -
بعدين صبي عليه موية الدجاج واملحيه - بس لاتنسين ان موية الدجاج اصلا مالحه -
واطبخيه زي الرز العادي ،،،
نجي الحين للصينيهـ ::
اول شي حطي فيها الرز وفوقه شوي من الشعيريه
بعدين صفي الدجاج فوقهم
وفوقها طبقة رز
واخر شي شعيريهـ ..
وقصدريها ودخليها الفرن ماراح تطول لانه كل شي مستوي بس حتى تتسبك مع بعضها وتتداخل النكهات
ووقت التقديم رشي عليها الصنوبر ،،
يمكن تحسونها عاديه بس طعمها خطير خاصه لانزل طعم الدجاج وحموضة تتبيلته عالرز والشعيريه يميييي




وبالعاااااافيه[/align] :msn-be3221344d: