سأدلي بدلوي وأشارك إخواني وأخواتي الرأي وإن كنت مفلسا ولكن هي مشاركة أتمنى أن يكتب لها النجاح فأقول مستعينا بالله :

أولا :كوني أخيتي متمسكة بالصبر والاحتساب وهذا مفتاح الطريق للحل وللسعادة مع زوجك .

ثانيا :يكفي أنك مبسوطة معه ويرضيك في كثير من الأمور ومقدر لك ويطيعك ولايحتقرك او ينهرك إلا إذا كان كذلك فهذه مصيبة كبيرة .
ثالثا :ليتك تجلسي معه جلسة مصارحة بحوار مؤدب وبتودد وكلام جميل فتبيني له أن راتبه لايكفي للصرف عليك وعلى البيت وتشجعيه على البحث عن عمل آخر يجعله يزيد دخله الشهري .
رابعا :إياك وأن تفكري بالذهاب لبيت أهلك بسبب قلة المادة لأني لا أرى أنه حلا لأنه سيزيد الأمور تعقيدا،وإن يسر الله لي رجعة ،وشكرا للجميع .

اختي حبوبي
كوني بحرينية فانا اعلم بما تحسين به مما يعاني منه اكثر شباب البحرين من قلة الرواتب وغلاء الحياة المعيشية
عزيزتي انت قبلت به رغم علمك بفقره بل ان الكثير هناااا في البحرين ممن هم في مستوى زوجك ولكنهم صابرون على ازواجاهم راضين بما قسم الله لهم ولكنك تشكين بانه اتكالي فلربماا انت من خلقت فيه هذه الصفة فالرجل يا اختي على ما تعوديه وكما يقولون عندناااا في البحرين ابنك على ما تربيه وزوجك على ما تعوديه
ربما اقسو عليك ولكننا هنا من اجل ان نصلح الامور لا ان نعقدهاااا ونزيدها
نصيحتي اليك اوعك تتركي بيتك تحت أي ظرف بل قاومي وجاهدي من اجل ان توفري لك ولزوجك حياة سعيدة مستقرة وكونك جامعية فهذا امر حلو كثير بكرة تتخرجي ويكون لك راتبك الشخصي ولا تستعجلي على رزقك .
فبالاطلاع على ما ورد في مشكلتك مع زوجك، وما آلت إليه الأمور بينكما، يؤسفني أن أقول لك بأن ما وصلت إليه مع زوجك هو بسببك أنت .
اختي لا تزعلي مني فاناااا هنا لست من اجل مجاملتك بل لحل قضيتك والوصول معك فيها الى حل يرضيك

هلا بك حبووبي,,,

انا مع احب البدو بكلامها,,,

لاااااااا تفكري تقارني زوجك بغيره,,,

لأنك راح تتعبي,,, و حتتعبيه معك...

و يالغلا,, مدي رجولك على قد لحافك ,,,

لااااازم من التعب شوي بأول الزوااج خصوصآ و انتي عاارفه قدرته الماديه,,

لا تفكري تروحي لأهلك عشان الماده,,

دام انه مسكنك,, و مأكلك,,, وساترك,,,
اصبري

لا انتي بشارع و لا انتي عاريه,,

اختي,,, لا ترهقي عمرك بالمقاااارنات,,

و لا تنظري لمن هو اعلى منك,,, لوووتبي تعيشي براحه

و ينك عن حديث الرسول اللي حثنا فيه ان ننظر لمن هم دوننا,, و ليس اعلى منا,,,,

يالغلا...

عندك مكافأة الجامعه على مصروف زوجك و الله والله و الله انها خيييييير و بركه,,

و تصدقي عشان ر يطرح البركه حتى لو بدينار,,,

و راح تعرفي صدق كلامي,,

لا تخسري زوجك,, انتي تزوجتيه و عااارفه فقره,,, و ضيق حاله...

استغفري كثييييير,,,

و حتشوفي الفرق...

و لااااااا تعودي زوجك انك تمدي يدك لأهلك,,

انتي تقدري تتكيفي على وضعكم الجديد

غاليتي انا من وجهة نظر احب البدو صدقيني ما دمتي لاقيه سقف يحميك ولبس يسترك ولقمه تسد جوعك انت بخير الباقي كله كماليات لزوم المنظره والمنظره للناس يعني لو انهد بيتك ما واحد منهم راح يفيدك عزيزتي زوجك يحبك وانت تحبيه ادعي من الله يفرجها عليك واكثري من الاستغفار وفكري بعقل اكثر

يسلموا على الرد واتمنى من الباقي ايضا الرد ..
لمن قالوا ان لدي مكافاة جامعية (( ليس عندي مكافاة جامعية ))!!!
ثانيا اخاف اسكت وبعدين يتعود على سكوتي وعدم تطلبي منه ..
اني بنفسي مااعرف شفيني ..
خوفي من امه الي تبي ولدها يعطيها فلوس كل شهر مني على رغم قلة معاشه بس هي تضغط عليه وهو مو عارف يرد عليها وعارف انه اذا عطاها نهاية الشهر ماعندنه فلوس حق ناكل بعد !!
واخاف من تعوده على ان اهلي يعطوني مني
واخاف يظل على هالحال خصوصا بانه مثل ما قلتون اتكالي
كلما اقول له امبي اروح مني او مني يقول خلي اخوك او امك او ابوك يوديك حتى المستشفى !!! ما يوديني الا اذا اخوي ويانه ويتعذ بان يخاف يصيدني شي او اتعب او او او ..
اني نفسيتي تعبانة ..
امبيه يهتم باموري
هو الي يوديني ويجيبني مو اهلي ..
هو الي يصرف علي مو اهلي
هذا الي اتمناه ..
وكل بنت تتمناه ..
شسوي حق اعدل فيه هالصفات