ميمي التميمي ..:: مراقبة عــامه ::..

السلام عليكم ورحمه الله وبركاته :



كل بنت تحلم بيوم زوآجها وتعيش معنى الأرتباط بشريك العمر
نبني آحلامنا الوردية وموآصفات نحلم فيها في حيآتنا المستقبلية والشريك المنتظر
موضوعي اليوم بيكون عن الآنثى ومرآحل حيآتها بآسلوب سلس ومحبب للنفس


الأنثى ما قبل الزواج

لاحظت آغلب البنآت مهملة نفسها ولما تنخطب تحوس يمين ويسآر
مابين خلطآت تبييض وموآقع العنآية والعطآرين والمرآكز الجمآلية
وهالشي غلط في غلط
لو كل بنت تهتم في نفسها لنفسها من بدآية شعورها كآنثى عليها العين
يعني ليش تهتمين بنفسك عشآن رجل . . ؟
ليش مايكون آهتمآمك لذآتك آنتي . .
مجرد آهتمآمك في نفسك بتكون لك ردآت آيجآبية لنفسك
بتزيد ثقتك في نفسك وبتعآلجين مشآكلك وبتكونين top على الدوآم . .
آهتمي بالترطيب لكل منآطقك الجآفة . .
زيت بيبي آويل وجسمك رطب بعد الشآآآور يخليك مثل بشرة البيبي . .
وزبدة الكرز الياباني بعد
دوم رطبي جسسمك ترى المنآطق الدآكنة تسود من الجفآف . .
آهتمي بآثآر الحبوب والهآلات السودآء
آهتمي بشعرك وريحته
منتي متزوجة ماورآك شي آهتمي فيه آي زيت ينآسبك مرة كل آسبوع . .
آهتمي بآسنآنك
مانبي مشآكل تسوس وحشوآت وتقويم
سوي كل آمورك من اللحين + التفريش بعد كل وجبة . .
كل شي في متنآول يدك جربيه . .
مآبي آتطرق للخلطآت كل وحدة تشوف وش ينآسبها مع نوع بشرتها وتجربه . .
جربيها لما تشوفين إذا آنتي محتآجة آستشآري آو لا . . ؟


بتمر الأيآم وبتنخطبين . .
وبينصب آهتمآمك على التجهيز لآنك كنتي مهتمة بحآلك من زمآن . .
يعني مرتآحة والحمدلله ياعروس . .
يعني بتنحصر عنآيتك الجمآلية على تبييض آو ليزر

بس بنسبة 80 % آنتي آختصرتي على نفسك درب طويل . .

التجهيز كل وحدة فينا لها ستآيلها وذوقها . .

لاتقلدين آحد آبداً
خلي لك كيآن ولوك مستقل
خلي لك مقلدون . .
آخذي مايتناسب مع جسمك ولون بشرتك ومجتمعك . .
لاتسمعين كلآم فلانة وعلانة آشتري ذا وخلي ذا . .
كلنا اللحين نمتلك نت ونتصفح المواقع . .
تصفحي لبس المشآهير وشوفي اللي يعجبك وآبتدي نسقي على حآلك . .
ماعلينا من هذا كله . . السوق والتجهيز آمر هين . .
كل شي نفسسك فيه سويه . .
قديم جديد سويه . .
ليلة عمرك ومارآح تكرر . .
كوشتك فستانك طرحتك زفتك كلل شي . .

لاتحرمين نفسك كآميرة الليلة والكل ينتظرها


وقفه لحياه جديده لكن هنا نبي وقفة طويلة . . !
آنتي مقبلة على حيآة جديدة . .
شريك حيآة بيقاسمك كل شي حتى جسمك . .
عآرفة شنو يعني بيقآسمك جسمك . . ؟ ؟
يعني لآزم تكونين 10 على 10 من دآخل ومن برى . .
تعلمي فن الحوآر ويكون كلآمك موزون . .
دلع على حيآء على تربية على شخصية لها كيآن . .
تكونين آنسآنة لها هدف في الحيآة . . تكون سوآلفك وكلآمك لها مستمعين . .
آنسآنة بشوشة لمجتمع جديد اللي هم آهل زوجك
حتى لو كآنو قرآيب ولد عمك آو ولد خآلك . .
آنتي كبنت عم غير آنك كزوجة ولدهم . . فهمتي ؟ ؟
بربرة عن حيآتك مانبي
سوآلف مرآهقة ومآضي مآنبي
تكونين مستمعه آكثر من ما متحدثة . .
لاتخلين آحد يمسك عليك شي . .
تعلمي فن الردود . . سرعه البديهة لو جتك كلة غبية . .
ممكن تكون ردة فعلك آغبى لو حآول آحد يستفزك . .
تعلمي فن الأبتسآمة
تعلمي كيف تتعآملين مع زوجك . . ؟ !
وهذي آهم نقطة آركز عليها . .
في كلمآت تعودي عليها بسيطة مثل | لبيه - سم - آبشر - من عيوني |
آنسي شي آسمه | آوكي - هاي - باي - ياي |
تعلمي من آمك الصبر وآحترآم الرجل . .

لكن خلي آسلوبك متوآفق مع جيلك .



مفاتيح الحياه الزوجيه
سمعتي عن مفاتيح الحياة الزوجية . . ؟ !
كل زوج له مفتآح يعني مو كل الآزوآج وآحد . .
لاتآخذين طريقة آي زوجة وتطبقينها في زوجك . .
آنتي مع العشرة بتعرفين مفتاحه
مرآت يكون مفتاح زوجك فيه
ومرات يكون مفتاح زوجك فيك آنتي
آو في عياله بعدين . .
والمفآتيح اللي آقصدها هي مدآخل تكسبين زوجك فيها . .
مو تستغلينها آنتبهي . .
آحفظي مفاتيحك قبل لاتصيرين زوجة . .

2- مفتاح اللمسة
المصافحه في اول لقاء
لمسه على الشعر
لمسه على الحاجبين > وهذي لها تأثير قوي
لمسه على الخدين
لمسه على اليدين
لمسة الأرجل عند الجلوس قريبآ
لمسات وقت الكلام

3- مفتاح حسن الأستماع
أستمعي لاتسمعين فقط
ضعي كل شي في يدك - أغلقي التلفاز - ضعي التلفون
أستمعي وتجاوبي
لاتقاطعي إلا لضروره وبرفق شديد
أستمعي ولو كان الأمر تاافه

4- مفتاح رقائق العين
نظرات الأعجاب
نظرات الحب
نظرات الدهشه
نظره العتاب اللطيف

5- مفتاح الرسالة
رسائل حب عند السفر
رسائل أثناء الخطبه
رسائل عند المرض
رسائل المناسبات

6- مفتاح العناق
عناق القدوم مع بسطة الوجه وحلو الكلام
عناق الوداع على أمل اللقا لحب جديد
عناق في البيت خاصة في غرفة النوم لإذكاء الحب

لو آمتلكتي كل هالمفاتيح وعرفتي تستخدمين كل مفتاح بوقته المنآسب


ممكن شوي انتبهي معاااي خليك لهلوبة في كل شي
في بيتك وحركتك وكلآمك وفرآشك . .
خليك بشوشة الوجه
وحطي في بآلك الحيآة الزوجية مو حلم وردي وبس
لما تمسكين شغلتين وتفركينهم في بعض يتآثرون صح ؟؟
كذا الزوجين لابد مايمر بينكم مشكلة آو سوء تفآهم . .
بالذآت آول الزوآج
بتكونين حسآسة حيل . . حتى مزح زوجك مآرآح تتحملينه
حتى لو كآن مايقصد . . لكن مع مرور الأيآم بتتعودين على طبعه . .
حطي في بآلك آن كلكم بشر مو ملآئكة
لابد ماكل وآحد فيكم له سلبيآت وأيجابيات
لما آحدنا يشد الثآني يرخي عشآن الحيآة تمشي . . وماتخسرون بعض . .
مشآكلك ماتطلع من بيتك إلا لما توصل كرآمتك ودينك . .
غيرها لايطلع آبد
آنتبهي تسولفين عن شي آبد
حلي آمورك بنفسك وحآفظي على مملكتك . .

لاتتعلقين بالزوج وتنسين صدآآقآتك . .
لاتلصقين فيه . . خليه يعيش يومه وعيشي يومك . .
آنتي عآرفة ومقدرة فكرة تقابلين شخص 24 سآعه . .
والله تجيب الملل لك وله . .
الحب ماله علآقة بهالشي
خليه يروح بشكل وسطي لاتحبسينه لاتروح وينك وليه . . ؟
زوري صديقآتك . . آهلك . . مآرسي هوآيآتك . .
خلي اللحظآت اللي تجمعكم تجي عفوية وبشوق متجدد . .
خلي تصرفآتك تجذبه لك
لاتفرضين حآلك وتنتظرين كلمة ثنآء ومديح
تتبعي موآطن آنفه وعينه وسمعه . .
ريحتك عطور وآنتعآش
جمآلك نظآفة ومتجددة على الدوآم
كلآمك يدل على تربيتك . . خليك آنثى من جديد . .
الحياه الزوجيه تحتاج لفن في التعامل في كل شي.
في آمور ثآنية تربطكم . . مسؤلية بيت وعيآل وحيآة . .
مثل ماقلنا تعلمي التعامل مع الزوج
نبيك تعلمين النظآفة في بيتك . . تعلمي الطبخ وآخرآج الأكل بصورة حلوة . .
تعلمي يكون بيتك دوم فوآح عطور مثل جسمك . .
يعني تكونين نظيفة في نفسك وبيتك بوقت وآحد . .
لاتحسبين هـ الشي هين . . صدقيني يبي له تنظمين وقتك وتكونين دقيقة في كل شي
تعلمي في بيت آهلك لاتقولين لاتزوجت آسوي وآسوي . .
صدقيني مآرآح تعرفين تسوين شي . .
الممآرسة غير التعلم الشفهي . .

تعلمي الصبر في كل شي
ولاتنآظرين حيآة غيرك آبد . .
آقنعي فيما عندك وآرضي بقدرك . .
كثير بنآت بدو من الصفر مع آزوآجهم ونجحو مع مرور الحيآة . .
الصبر يبي له وقت مو يوم وليلة
خليك ظهر يستند عليه مع زوجك . .
وبنفس الوقت حسسيه آنه عزوتك بهالحيآة . .
وبنفس الوقت حسسيه آن ورآك آهل يهآب منهم . .
خليه يحترمك وآحترميه . .
لاتتعالين آبد وتكسرين رآسك
رآقبي الله فيه . . وخلي نيتك قبل لاتسوين شي قدآمك . .
عشآن ربي عآلم بنيتك وبيعطيك على قدهآ . .
كثير مهمة هـ النقطة . .
خلي رضآ ربي قدآم عيونك . . عشآن ربي يكون معآك
آكشخي لزوجك رضا لله آولا ورضا لزوجك ثآنيا . .
قولي لي كيف . . ؟ !
مثلاً :
زوجك على وصول ودخل وقت صلآة تصلين بسرعه عشآن تلحقين تكشخين له . .
لا لا لا
بتقولين برضي زوجي عشان ربي يرضى علي . . ؟
هنا مارضيتي ربك عشآن زوجك يرضى عليك . .
صلي بطمآنينة ونية خآلصة لله . . وبعدين تلحقين تكشخين له . .
الله الله بحسسن التعآمل مع زوجك وآهله . .
آبتسمي بوجه الكل
بوسي رآس الكبير . . تفآعلي وحبي النآس . .
لاتدخلين عليهم وكآنك داخلة حرب . .
لاتنسين آنك مصفية نيتك لرب العبآد . .
آنتبهي تكون نيتك لئيمة . .
وبتعيشين مرتآحة الضمير




فن التعامل مع الزوج

تعلمي الدلع قبل زوآجك
تعلمي كل شي بس آنتبهي تقولين لزوجك آنا قريت كذا وكذا
متى ماحسيتي آنك تقدرين تطبقين طبقي حبة حبة . .
آول شي زوجك وحلآلك . .
خليك حآلية الريق وكلآآآمك يقوطر عسل
خلي ضمتك تخفيف هم . .
خلي بوستك تقدير وآعتراف بفضل . .
خلي لمستك حنآن وآمآن . .
خلي زوجك يحب مملكتك . . اللي هو بيتك وبيته . .
خليك الملآذ الدآفي له من عقبات الحيآة
بتقولين لي اللحين . . ليش بس آنا اللي آعطي . . ؟ !
يمكن يطلع مايستآهل . .
بقولك
كل شي تسوينه آرتجي ربك فيه مثل ماقلنا قبل شوي
كل شي تسوينه صدقيني بيكون له عطآء ورد جميل . .
بمجرد ماتروحين لآهلك زيآرة بيحس زوجك بفراغ كبير . .
حتى لو ماصآرحك . . تكفي لهفته لك لاجيتي . .

الخلافات ومشاكلك الزوجيه
مشآكلك خليك سريعه بديهة
لاترفعين صوتك حتى لو كآن غلطآن
لاتخلينه يمد يده بآستفزآزه . .
آنتبهي تجرحين رجولته وتهينينه
صآر سوء تفآهم نزلي رآسسك بمعنى لما نهدآ نتفاهم
لاتتصآدمين معآآه . .
عطيه مجآل يتكلم وآسمعيه وتكلمي
لاتبكين آبد قدامه . . لاترخصين دمعتك وقيمتك
خلي دمعتك غآآلية عليك . . ومو كل مشكلة تهلين الدمووع . .
الدموع عمرها ماحلت مشآكل . .
فكري بعقل وتمسكي بمملكتك . .
لما يعتذر منك قولي اللي بخآطرك بعدين سآمحيه
مو تخقين وتسآمحينه بدون مايعتذر . .
خليك قوية شخصية من بدآآية حيآتك . .
خلي تصرفآتك تفرض هيبتك
بلاش من الدلع المآصخ . . بكرة تصيرين مملة . .
لاتتصنعين شي آبد . . خليك عفوية . .
عفوية بريئة مو هبلة . .
يعني خليك وسطية بكل شي

وآخيراً وليس آخر |
صدقوني الدنيا كلها متآعب
مستحيل نحس بطعم الحلاوة الا بعد المرآرة . .
الله ماخلقنا عششآن يشقينا . .
الله يحبنا بس بيشوف صبر عبآده . .
بالصبر نلآقي الأجر بكل خطوة نخطيها . .
قوي علآقتك بربك وحبي حآلك وحبي النآس

آتمنى لكم حيآة سعيدة في كل مرآحل حيآتكم . .
رآقبي الله في كل تفآصيلك
خلي نوآيآك نظيفة عشآن آمورك تكون سليمة
م/ن
اتمنى لكن حياه زوجيه سعيده عامره بطاعة الله ورضاه.

توقيع
ج ـــلــنار ..:: نائبة المشرف العام ::..

موضوع قممة في الرووووعه
وهاام جداً ..
الله يسلم ايديك على طرحه
ولايحرمنا منك ومن فوائدك الراائعه والمميزه يارب
شكري وتقديري لك ياغاليه

توقيع
سبحان الله وبحمده
زوج مخلص ..:: عضو مميز ::..

موضوع جداً رؤؤؤؤعة وخاصة قبل الزواج وبعد الزواج معلومات قيمة

الله يسلم هالأنامل الذهبية

الزوجة الناجحة ..:: مشرفة دليل الترحيب والمحبة ::..


ربي لايحرمنا من هذا القلم الذهبي
يعطيك الف عافيه على الموضوع الرووعه
دمتودام قلمك

توقيع
ابو فياض ..:: عضو مميز ::..

افكار مفيده وموضوع قيم نتمنى للاخوات الاستفاده منه فى مقبل حياتهن

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية