لاضاق صدرك عالي الصوت جره
لو كان قلبك مــــا يطاوعك مســرور
دنياك لو تسوى من الحِــزن ذره
مــــــا كان تاليهــــــا توابيت وقـــبور
ومــــــا كان للكافر بعمـــره مسره
ومــا شفت فــــــي ملكه ملايين وقصور
العمـــــر يمضي بين حلوه ومره
والموت حق وقابض الـــروح مــأمور
دام الحيــــــــــاه الفــــانيه مستقره
ورزقك يجــــيك وبين الأجــواد مستور
لاتنشغل بالوقت ببـــــرده وحره
واحذر تصـــــــير بقســمة الناس مقهور
حكم القدر لاجاك خــــــيره وشره
أشكر عظــيم الشـــــان والذنب مغفور
والمجلس اللـــــي يزعجك لا تمره
خله تـــــراك بشــوفته منت مجــــبور
ساعات صمتٍ مـــا وراها مضره
تسوى الكلام اللـــــي به إذنوب وإشــرور
أطلق خيالك وأتــــرك النفس حره
وخـــــل الطبيعه فـــــــي حياتك لها دور
وبالليل لا بانت نجوم المجــــره
أذكــــر بديع الخلق با إحـساس وشعور
واسجد لرب الكون مــــــره ومره
وإحفظ لسانك وأترك الكذب والــــــــزور
وفــــــروض ربك خلها مستمــره
وطـــــاعتك لا يدخل بها نقص وقصور
مما راقي لي
.jpg)
العرض العادي
