[align=center]بصراحه انا ودي اشارك بموضوع خاص وقع لي شخصيا ولكن الحمد لله على كل حال وان مع الصبر الفرج

كل اللي ابيه منكم ان كل واحد يقرأ موضوعي يقول موقفه بكل صراحة اذا حصلك مثل ماحصلي

اولا انا زواجي كان قبل ثلاث سنوات في 25/6/ 1426هـ بمدينة جدة
وتذكروا هذا التاريخ جيدا

ثانيا ابي اسرد عليكم القصة اللي صارت قبل الزواج واثناء الزواج وبعد الزواج وابي اختصر قدر استطاعتي وكل يحكم ويبدئ رايه

بسم الله ابدأ
اليوم الاول (قبل الزواج)
طبعا اليوم اللي قبل زواجي كنت استعد وكل متأهب لذلك الزواج فقد ذهب الوالد (حفظه الله) الى القاعة للتأكيد على الطباخ وتبييض وجهنا قدام المعازييم ... وهو داخل عند الطباخ ترك السيارة شغالة ودخل عند الطباخ المسافة قصيرة جدا من السيارة الى باب الطباخ في هذه الاثناء
اتى شخص وسرق السيارة اتصل عليه الوالد يا ... الحق السيارة انسرقت وطبعا انا جيت لم الوالد وانا في اثناء الطريق اشاهد سيارتي يركبها شخص اسود البشرة (واب الذين مشخص بالشماغ والعقال) ومالكم في الطويله .... والله واحجره في زاوية بس (!!!!!) سوااااق وطريدي انا وياه داخل الحواري بس والله انا خفت على نفسي قلت الحين يصدم واحد ويهرب وانا اروح فيها خلني ابلغ ويوم بلغت الدوريات قالوا لي رح المركز وبلغ ؟؟؟؟؟ اقولهم انا اشوف الحرامي قدامي ؟؟؟!!! قالوا رح بلغ المركز

الحمد لله على كل حال
تعوذت من ابليس وهديت الوضع وصليت المغرب والوالد كانت نفسيته منهاره بس هديت من وضعه وقلت جعل السيارة فدى رجليك
انتهى اليوم اللي قبل الزواج بخيره وشره


اليوم الثاني (يوم الزواج)
راح اخوي بعد الظهر عشان يودي شناطي للفندق (فندق ويستن) قالوا له مانقبل عقد النكاح لازم كرت العائلة (جريدة العائلة الحمد لله انهم صغروها مثل البطاقة) او يجيب ورقة من المباحث او الادلة الجنائية (مسوي جريمة، بس معاهم حق)
وللمعلومية والله يااخوان اني كنت ملازم (الحمد لله .. وانا لله وانا اليه راجعون)
رحت بعد العصر ادور على ادارة المباحث في جدة ووصلت لها وكل ماادخل من طريق اللقاه مسدود بالصبات، شوي دخلت من طريق ثاني من جهة مسجد التقوى بجاور الثانوية الخامسة عشر والا والقى مفاجأة
77
7
7
7
7
77
7
7
سيارتي واقفه عند بنشري (الحمد لله ماسرق منها الا عقد القاعة وخل لي الشماغ والعقال عشان اشخص فيه .... فيه الخير)
وفيه مثل يقولون (اقرب من الخوف تأمن) هذا هو وقف عند ادارة المباحث العامة
طبعا انا بدوري بلغت الدوريات وجات الدورية واستلموا السيارة وقالوا تلقاها في حجز بريمان (يبون يلهفون مبلغ)
انتهيت كذا على قريب المغرب عاد معي موعد مع الحلاق المغربي ومسوي زحمة ..... رحت للحلاق المغربي وكان بجيبي مبلغ وقدره 3615 ريال قال اعطيني المبلغ عشان احطه لك عند المحاسب وانا وقتها كنت ابي ادخل الحمام المغربي عشان انظف من عناء يومين شاقين ؟؟؟؟ مادريت ان الشقا باقي ماانتهى
سويت حمام مغربي وحلقت وتضبطت وانتهيت على صلاة العشاء جيب ابي اخذ دراهمي عشان اعطيه باقي الحساب يوم اعد الدراهم اللي هي ناقصه الفين ريال يعني اعطاني 1615 قلت باقي 2000 قال هذا اللي جاني من الحلاق (المتحدث معي المحاسب سوداني الجنسية) قلت دور يمكن هنا والا هناك حاول يدور مالقي شي جا الحلاق المغربي وصار نقاش واخذ وعطى وكلام داخله شد اتصلت على اخوي اللي اصغر مني وقلت له بالسالفه وجاني يحاول يهدي من الموضوع قلت الله مااروح من هنا الى مايجيب فلوسي حاولوا الناس يتدخلون مارضيت رحت واتصلت بالدوريات بعد العشاء جات الدوريه ( هذا واليوم زواجي ) حتى موظف الدورية يحاول يهديني وانا مشتط مارضيت والله وياخذ المغربي (المشكلة ان المغربي معه زبون يحلق له) رحنا مركز الشرطه والضيوف في القاعة والعريس في مركز الشرطه ويمر والوقت الساعة وصلت لعشر وانا بمركز الشرطة يوم حلص الضابط من موضوعة توجه لي (والله انه ابن اجواد) قال ايش عندك قلت السالفه كذا وكذا وكذا وانا اليوم زواجي ؟؟؟؟؟!!!! بصراحه انصدم الضابط قالت انت العريس ؟؟؟ قلت ايه انا العريس ؟؟؟ قال: اللحق على معازيمك واذا خلصت وارتحت بعد كم يوم تعال ... وتوجه للمغربي وقاله: رح جيب كفيلك والمحاسب وصاحب المحل
والله واروح ودمعتي فوووق خدي ماقدرت اقاوم
(والحمد لله على كل حال)
وصلت القاعة والمعازيم موجودين ينتظرون العريس (الله لا يبلى مسلم بما بلاني)
قلطنا المعازيم على العشاء كان متأخر شوي بس الشكو لله

انتهى اليوم بخيره وشره وماقدر اسوي شي مع زوجتي لاني منتهي الصلاحية من جميع النواحي



اليوم الثالث (بعد الزواج)
طبعا مانمت الا بعد صلاة الفجر وماقمت الا قبل صلاة العصر اول شي اتذكر اني سويته فتحت جوالي واول شي ناظرة في الجوال خبر
7777
77
7
7
7
7
7
تذكرتم التاريخ اللي فوق تاريخ يوم زواجي
777
77
7
7
7
طبعا ابي اختصر
777
77
7
7
يوم شفت الرسالة ضحكت وانا حزين
يوم وفاة خادم الحرمين الشريفين
الملك فهد بن عبدالعزيز
غفر الله له ورحمه رحمة واسعة
(طبعا ضحكت على حالي ,,, وحزنت على وفاة هذا الرجل العظيم)
الحمد لله على كل حال

طبعا مانتهت القصة ولكن هذا مجملها ولي معكم لقاء اخر بعد ما اشوف ردودكم[/align]