اختي الغاليه شخصيه مجهوله

كوله قالت كل اللي نفسي اقوله

الله انعم عليك صدقيني

عندك بنت تقدرين بالطناش تخلينها مع زوجك هم سعادتك وبس

لا تطلبين اكثر يمكن تندمين

المستقبل بيد رب العباد ومو عارفه وين الخير

وترى من ترك شيئا لله عوضه الله خير منه

افترضي ان العيب منك راح يسعدك انو يفكر يجيب غيرك وانتي طيبه معاه

ياختي انعمي بشبابك وخليك دائما رايقه بدون هم البزران وحوستهم وربي قادر يرزقكم بالثاني ما فيه شي مستحيل على الله

لكن انتي لا تفكرين تجرحين انسان معاك طيب وبنتك لا تحسسينها بالنقص انو ما عندها اخوان

فيه حريم ما رضوا يتركون ازواج من الاساس ما ينجبون

لكن لأنه عوضها عن الدنيا وما فيها

بزوج كان لها الكل اخو وولد واب وصديق

الله ييسر امرك ويفرج همك

انا بعد من رأي كوكو وغنوووو لا ياقلبي لا تتهورين وبكره تندمي يمكن يجيك واحد ما

يحبك ولا يقدرك ساعتها وش بتكون حالتك ..

اعرف وحده ما ينجب زوجها ابد يعني انتي عندك بنوته ولله الحمد ..وعجز زوجها يبيها

تتزوج ولكنها رفضت وقالت اخاااف بكره يجيني واحد ما يخاف الله فيني والله انها

عايشه من اسعد خلق الله تبارك الرحمن ..

بقولك جدتي وحيدها ابوي فقط كل ذريتها ماتوا وهم صغااار ولله الحمد طرح الله في

ذريه ابوي البركه من اولاد واحفاااااد يعني لا تخاااافي ربك كريم ..وهو المعافي والشافي

اكثري من الدعاء والأستغفار والصدقه الخفيه ..واذا ممكن زوجك يشرح لأهله وضعه حتى يتركوكم في حالكم.

واذا لابد استخيري مولاك والله يقدر لك اللي فيه الخير

حبيبتي دام زوجك طيب وعندك طفله وش تبين بعد؟؟؟
انتي لو ماعندك بنت كان قلنا صح من حقك روحي تزوجي احمدي ربك غيرك ماعندها شي وصابره عشان الحب والعشره الحلوه
وبعدين والله ثم والله ان بنت عمي تزوجت واحد كان متزوج قبلها 3 وانجب من الاولى بنت ومن بعدها جاه عقم وقالوله انت ماراح تجيب اطفال وتزوج الثانيه وماانجب وتزوج الثالثه وماانجب وصل عمره 40بعدها تزوج بنت عمي وكلنا كنا معارضين بس هي اصرت تاخذه وقعدت سنه وجابت بنت بعدين ولد وقبل شهر جابت الطفل الثالث لانها توكلت على الله والله انها قصه حقيقيه من واقعي

انا اقلك لاتخلينه هو اكيد قال كذا علشان مافيو م يحس بالذنب انتبتهي تخلينه والله تندمين طول عمرك انتي مثل ماقلتي صغيره يعني العمر قدام ملتدرين سبحان الله العلم يتطور كل يوم ومن جهه ثانيه انه انتي مكانه وخلاكي ايش شعورك الحمدلله عندك بنت في حريم عايشين وماعندهم اطفال واهله ماكانك تسمعين اهم شي انتي وياه متفقين ولا تقوليلهم السبب هو بالعكس اسكتي تكسبين الاجر هذي وجهه نضري وانتي كيفك واستخيري قبل كل شي واستغفر الله عن كل مسلم ومسلمه ومومن ومومنه الاحياء منهم والاموات