ثلاث سنين انا اخطط لهذا اليوم يابو سعــــــود****تيسر حالي وجاهز اوفي وعدي بوقتـــــــــه
وفجئه جتني تتعذر تقول اتأخرت الوعــــــــود****وانا مستغرب واسمع كأني وعدها خنتـــــــه
حسبت انها تمازحني وتتصنع جفا وصـــــــدود****ضحكت بوجهها من قلب مع انها بايخه النكته
وقالت ارضى بالواقع قلبي ماهو المعهـــــــود****تغير كل شي صوبي نصيي ماظن انتـــــــــه
كنت في يوم محبوبي ولكن ماظن نـــعـــــــود****وصل من قبل ماتوصل وانا ذاك الصبر عفتـــه
ولكن تكفا صدقني ويشهد ربي المعبــــــــــود****ترى ماخنتك بغفله ولا كلمته وشفتـــــــــــــه
صراحه اهلي قالولي انه ولد اصل وجـــــــــود****وجتني امه بالصوره وكلمات المدح اختـــــــه
سكت وقلت هي فرصه مدام الجود بالموجـــــود****وقالو كل من حولي علامات الرضا سكتــــــه
وانا فكرت دام امه واخته ماعليــــــــــــهم زود****اكيد اني براضيهم اذا وافقت واخترتـــــــــــه
وراضي اهلي واخواني مدام ان الفرح مقصـــود****عطيت الناس انا كلمه ومعاهم وقتي حددتـــه
ولا اقدر اغيرها ترى عند العرب منقـــــــــــود****اوافق واعتذر باكر واقول الراي غيرتــــــــه
تبي تشرحلي المنقود تصدق عاد يابو سعــــود****تبيني اقتبع وارضى بحال عمري ماعشتــــه
انا ماني بقايلها عسى يفرش ثراهـــــــــا ورود****بعد ماحطمت قلبي وطعم الموت جربتــــــــــه
عسى بفستانها اشواك وفي ثوبه عقارب سود****ونار تحرق الكوشه وتحرق بيتهم حتـــــــــــه
وموت بليله الدخله يبرد حرتي ياكــــــــــــود****ولا احس انها بحظنه يلامس خد لامستـــــــــه
علي اهون اذا ماتو ولا بنفس السرير رقــــــود****ترى صعب علي اتخيل الي ماتخيلتـــــــــــــه
عسى قاع الثرى يقسى ويتحول صخر جلمـــود****وحفار القبر يرفض يسوي فوق مقدرتـــــــــه
ترى دفنت عديم الذات تلوع حتى كبــــــد الدود****ومن خان العهود ومات تعافه حتى مقبرتـــــه
عسى ربي يجازيهم بحبل من مسد ممـــــــــدود****يعلقهم من اطرافه وفوقه نار وتحتــــــــــــــه
انا ماني حقود وشين ولاني من نسل نمــــــرود****ومن حط نفسه بوضعي بيقول الي انا قلتــــه
مدام الفعل له رده فعل ولا ابشري بــــــــــردود****بدعي دامني حي وبغرس للدعى نبتــــــــــــه
وبسقيها نزيف القلب ودمع مارحم لخـــــــــــدود****وتكبر والثمر ثاري من الي خانني وصنتــــــه
انا نذر علي اكتب وافجر هالقصيد رعـــــــــــود****واسمع كل بشر صوتي عجبته ولا زعلتــــــــه
وردد لكل من حولي اذا حبيت حب بحـــــــــــدود****انا حبيت دون حدود وشوف الي انا تكبدتــــه
ثلاث سنين انا ابني وجت صوره بكل بــــــــرود****خذت مني شقى عمريوحلم قلت حققتـــــــــــه
ثلاث سنين انا اخطط لهذا اليوم يابو سعــــــــود****وتوافق من كلام اخته وصوره اربعه فستـــــه