وقت الساعه حسب توقيت الأحباب المحلي
ياخفوق(ن) مايهاب البحر ضيقه وتساعه
ويانجوم الليل لا غاب السهر بالعين طلي
لين نور الصبح باكر يسطع بوجهي شعاعه
وياقريحة شاعرا فكره من اللهفه مولي
علمي حسادي إن الشعر أبداع وبراعه
وزعيني في قلوب الناس وأنا في محلي
يكفي إني فرد واحد وتأخذ بقولي جماعه
صادق الأحساس لو أنه ورى ضلعاً معلي
ياصل الجمهوره الواعي بلا صحف وأذاعه
والزعل بين الحبايب مثل لحظات التجلي
فرصة التفكير ياللوصل ولا للقطاعه
والليالي من سنين العمر تاخذ ماتخلي
من نشر فيها شراعه لازم يطوي شراعه
واللقى مثل القناعه كل مازاد التغلي
والفقير إن مات عذره مات من كثر القناعه
والمفارق مثل طاري الموت ماعنه تخلي
مؤمن به حق إيماني ولاداني سماعه
ياصحيبي لا تلوم أنسان من طبعه يزلي
ماخلقه الله رسول ولا جعل عنده شفاعه
بالزعل أرفق علينا بالدلال وبالتغلي
وإن سمحت العفو عند المقدره والإستطاعه
وإن بغيت البعد قلت البعد قال إشفيك قلي
قلت إيش أقول ماعندي على الفرقى مناعه
قال شكلك تبغي الدعوى مسرات وتسلي
وأنثني ماعاد له في شوفتي شف وطماعه
قلت له ياكامل الأوصاف أنا طالبك باللي
ملكك روح الضعيف وعلمك سمعا وطاعه
دامك أخترت الفراق ودست في بعضي وكلي
خذ عيوني وخذ خفوقي وخذ معك قلبي وداعه
قال ليت وقلت عيني لجل دمعاتي تهلي
يمكن إن أغرقك دمعي يحزنك كثر إندفاعه
وهاك عقلي لجل تدري كيف منك مايملي
كيف طيفك في خياله كل وقت وكل ساعه
كان لا هذا ولا هذا ولا هذا حصلي
الفقير إن مات عذره مات من كثر القناعه
وقت الساعه حسب توقيت الأحباب المحلي
ياخفوق(ن) مايهاب البحر ضيقه وإتساعه!!
العرض العادي
