مرحبا اخوي

اولا الله يوفقك .. وييسر امورك ويجمع بينك وبين زوجتك بالخير

ثانيا انا بحاول افيدك باللي عندي

اول سؤال .. اذا كانت خطوبتكم اكثر من شهرين .. يعني انا مثلا كانت 4 شهور

اول شي ممكن تتكلمون فيه هو التعبري عن فرحتك بها وانك محظوظ وتفاجئت كثير لما شفتها وان اهلك ظلموها بالوصف يعني قالوا انها حلوة وتجنن بس انت ما دريت انها قمر 14 !!! وعلى فكرة البنات يحبون المبالغة في البداية
واهم شي تكون نغمة صوتك جادة عشان تصدق وما تحس انك تلعب عليها من الاول
ونصيحة مني لا تتكلم في اهلك كثير وانك تحبهم وما تستغني عنهم والوالدة والاخوات .... لاااااااااااااااااا ركز عليها عي كأن ما فيه في الدنيا غيرها ..
يعني تقريبا هذي اول مكالمة او اول مكالمتين
بعدين ابدا اسالها عن دراستها وضعها الحين في البيت اذا كانت متخرجة مثلا او موظفة تتعبين في العمل والا طفشانة من البيت وقعدته .. وانتي اذا جيتي عندي بوديك واطلعك وامشيك وبننبسط مع بعض كثييييييييييييييييير والحق هالكلام بعبارة : انتي متى تجين بس .. مع تنهيدة بعدها ضحكة خفيفة كأنك تضحك على نفسك وانك ما تقدر تصبر ..
المهم وانت تسألها عن نفسها وحياتها لا تدقق كثير في اهلها وتسال عنهم ممكن تحط في بالها انك ملقوف وتبي تعرف اسرار بيتهم .. او ممكن هي تكون تتكلم لاحد من خواتها او امها وتعلمهم تفاصيل مكالمتكم وبعدين يكبرون المواضيع في راسها .. وهذا شي لازم تعرفه من اسلوبها .. يبين على البنت العاقلة او اللي هاه لك عليها شوي .. اذا حسيت انها ممكن تعلم احد لازم تنبهها بطريقة لطيفة وغير مباشرة انه ما تقول لاحد .. وانتبه ان كانت تقول لاحد لا تتكلم معها كلام جريء من البداية ..

بعدين تقدر تتكلم انت عن وظيفتك .. وضعك يعني متى تنام متى تصحى متى تروح للاستراحة .. واذا كنت في الاستراحة كلمها كل شوي وقول لها ودي اطلع من عندهم عشان اكلمك .. ومن شوي شافوني الشباب اهوجس وقاموا يضحكون علي .. وقالوا اكدي خذت عقلك عشان تنبسط هي وتحس نفسها فوووووووووووق ..

بعدين اذا بتتناقشون في امور الزواج يعني التجهيزات ةالبيت والاثاث وكل شي ..

بعدها بتلقى المواضيع تجي من نفسها وبكل سهولة لانك بتعرف طبعها وهي بعد وبتعرفون في ايش تتكلمون


ادري طولت .. بس قلت افيدك ... خخخخخخخخخخخخخخخخخ

السؤال الثاني .. الهدية باللون الاحمر رووووووووووووووووووعة وبالعكس مهم

السؤال الثالث .. مفهوم الحب .......................... يطول شرحه

بس المختصر المفيد .. الحب مو منطقي دائما .. يعني مو كل شي في الحب يمشي حسب العادة واللي يسوونه الناس لازم تسويه .. بعدين الحب مو وحدة اجيبها عندي في البيت اول شهرين انبسط معها وبعدين تتحول الى خدامه .. والحب مو بس انك تقول كلام حلو وتسوي اشيااااااء حلوة وبس .. الحب لهفة وشوق وخوف على الطرف الثاني حتى لو قرصته بعوضة
والحب مو كل الناس يتدخلون فيه الام والخوات والاخوان والشباب اللي في الاستراحة واللي تعرفهم من ايام المدرسة واللي معك بالدوام .. الحب شي خاااااااااااااااااااااااااااااااااااااااااااا ااااااااص جدا لا تسمحون لاخد يدخل بينكم مهما كانت الاسباب

وغيره كثير

السؤال الرابع .. يا اخي بعض الرجال ما يتخيلون مجرد الخيال فترة الخطوبة هذي وش تسوي في البنت والا الكلام وش تأثيره والا الافعال وش تأثيرها لدرجة ان حضرتك تسأل البنت تحس في خطيبها والا لا .. وهذا دليل على انك شخص رومنسي .. عشان كذا خايف لا انك تنصدم وتلقى قدامك جبل ما يهزه ريح .. بس بقول لك بعض البنات نسبة احساسهم منخفضة مو ماعندهم احساس بس فيه اسباب تمنعهم يحسون مضبوط .. لكن الرجال يقدر يعودها على طبعه في كل شي


عموما اخوي ادري ممكن تستجد احداث .. وتبي تسأل عنها .. وانا اقول لك لا تترد ابدا

انا موجودة واحب افيد في هالاشياء عشان اخذ اجر في الناس المتورطين

خخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخ

وعموما الله يوفقكم يا رب
ويسعدكم

ورجاء اذا استفدت من كلامي او اي احد غيرك ابيك تدعيلي ان الله يرزقني اطفال انا وزوجي باسرع وقت ممكن

............................................. ............................................. .................................

ماقصرت أختي جديدة وفت وكفت الله يعافيها،وأنت الله يوفقك أخي ويسعدك.

الاخت جديده كفت ووفت

السلام عليكم ورحمة الله وبركاته

جديده سباقه في الخير عساها على القوة

بما ان جديدة افاضت في اجوبت الاسئله اللاوليه راح اجاوبك على

السؤال الثالث : الحب ما هو مفهومه

الحب كلمة كبيره في مهناها ...............

الحب هي علاقه قويه تغلب عليها طابع الطهاره والقدسيه والعفه والصدق والوفاء والأخلاص ............

الكثير منا سمع قصص القدماء امثال قيس وليلى وجميل وبثينه ............

اسماء خالده بذاكره التاريخ ولها من الكتب ما يشهد على هذا الحب العفيف ....

ولكن هنا نسأل هل مازال هذا الحب موجودا بهذا الزمن ....

ام غلبت عليها المصلحه والماديات والخيانه والنكران والجحود ..... ............

فالحب الحقيقي يأتي بمعاشره الشخص بالسراء والضراء وغالبا ما يأتي تدريجيا .... وهو شعور وأحاسيس

ترتبط بين أثنين وتجعلها قوة تقف بوجه كل عواقب الحياة سواء السعيده منها او الحزينه .....

والحب الحقيقي هو تفاهم بين العقول قبل القلوب ..... ان وجد التواصل بين العقول 00فكل انواع التواصل ستتبعه تلقائيا00 ستتواصل القلوب والارواح ..............
ام القلوب فانها خادعة 00 فكثير من قصص الحب تفشل رغم تدفق المشاعروصدقها0

ان لم نجد عقل يفهمنا 00 عقل يستوعبنا 00 عقل يدرك حاجاتنا النفسيه قبل حاجاتنا الجسديه 00عقل نتخاطب معه دون كلمات 00

فالحب سيموت ان لم يحتضنه عقل مدرك محب....


ويبقى السؤال ما هي نظره الفرد لكلمة الحب ؟؟ وهل انت /ي قادر على فهمها جيدا دون النظر الى حرفيها المتواضعين ؟؟؟

اعرف ذاتك بذاتك وتحقق من مكنون حياتك بكلمة احبك هل هي نابعه من قلبك ووجدانك ام هي كلمة

عابرة تقولها لمجرد انها خفيفه وسهله ؟؟؟