وين انت ياللي لك مكانه من العام..؟
مكانةٍ يا كبرها من مكانه

اهديت لك قلبي..! وغيرك..! بالاحلام

ماله وجود بدنيتي لو ميانه
تزود ما تنقص على مر الايام
ويزود حبي يا دفاه وحنانه
لو الغلا صدقه مثل كذب الاوهام..!
ما سال دمع وضاق خلقي عشانه
ولولا الجفا ما سالت دموع واقلام
من ناكر العشره وعايش زمانه
كانت امانه حفظها حطم ارقام
والحين صارت عكس خاين امانه ..؟
درب المحبه طيش وسهامها سام
تجرح وتجرح ليش ..! نرضى الإهانه..؟
وياللي رفعت اعلام وتنكّس اعلام
وشعاركم لا لا ولا للخيانه
الحب كافر م/ اعتنق دين الاسلام
تويّ عرفت اليوم ماله ديانه