لاحول ولاقوة الابالله
اختي المشكله فيك وانتي معترفه بهذا الشي .. مافي شي اغلي من الولد والزوج والوظيفة وانتي جالسة تخسرينهم وتفرطي فيهم كلهم بالتأكيد انتي محاسبة عليهم ومسئوله عنهم ولازم تأدي رسالة الأمومة والزوجة بمايرضي الله ويرضي ضميرك فلاتهدمي حياتك ولاتجعلي الشيطان يتكمن منك وتصبحي بمافعلتي نادمة
عليك بذكر الله وتقواه وان تبدأي بصفحة جديدة مع في حياتك مع زوجك وبيتك كي تعيدي لها نجاحها وابتسامتها
والله يعينك علي نفسك يا اختي

أختي العزيزة مافي شي أهم في الحياة بعد الله سبحانة وتعالى والوالدين غير الزوج والعيال وبيت الحرمة

يالغلا الحل مو كيف تتعلمين التطنيش الحل المهم جدآ هو كيف تحاولين تصلحين بينك وبين زوجك وابنك والبيبي اللي في بطنك وتعيشين حياتك براحة

المفروض تجلسين مع زوجك وتفهميه وضعك وظروفك ونفسيتك خلال فترة الحمل

اللي انتي مارة فيها حتى يتفهم زعلك وغضبك ويقدر الوضع اللي انتي فيه

ان جلستي على هذا الحال وهذي العصبية راح تخسرين كل شي

حاااولي تتحكمين في اعصابك وتتسرعين بالغضب وتحسبين الف حساااب قبل

لاتتصرفين ولاتنطقين بأي كلمة ..يعني بالله سهلة عليك لو زوجك كرهك أو لاقدرالله صار انفصال بينكم أو يمكن ولاتستبعديها ابدآ بأن يتزوج عليك

حطي كل هذي الأحتمالات براسك واجلسي فكري بهدوء لو حصل شي من هذي الأشياء

كيف راح تكون حياتك وبيتك وعيالك

وغير كذا البيبي اللي في بطنك حرااام كل هذي العصبية ونفسيتك التعبانة

راح تأثر عليه وعلى ابنك اللي عندك

اجلسي يالغلا وفكري كيف تغيرين وضعك للأحسن وكيف ترجعين وتكسبين زوجك

وولدك وتريحين البيبي اللي حاملتة

إلجأي لله سبحانة وتعالى وإقرأي القرأن واستغفري وادعي ربك وتظرعي له

لأن يالغلا اذا ماقدرتي تمسكين الأمور وتعرفين كيف تتصرفين

راح تنهار حياتك

وياااارب ربي يهون عليك ويوفقك ويصلح بينك وبين زوجك

وطمنينا عنك كيف تكون أمورك

تعوذي من الشيطان وروقي يا بنت الحلال

ما حد ماخذ منها حاااجه

اختي الغاليه كل اللي تكلمتي عنها شغلات دنيويه بتخسرك الآخره لو ما غيرتي من نفسك

وراح تخسرين دنياك قبل آخرتك لا قدر الله

كلنا فينا العصبيه لكن اللي يعرف انها احد عيوبه يقدر يعود نفسه على تركها

ما حد خالي صدقيني لكن ..!!

انتي مسؤوله عن كل اللي يصير

ولو خسرتي احد الأشخاص اللي بموضوعك راح تعصبين أكثر على نفسك

شوفي بقولك على الحل من وجهة نظري

بداية انتي مقتنعه انك مخطئه وهذي بحد ذاتها خطوه كبيره تخليك على بداية الحل وهو الاعتراف

ثانيا من اول ما تقومين من نومك ابتسمي واشكري ربك انه انعم عليك بيوم جديد تعدلين فيه اخطاء الأمس
وتوضئي بمويه بارده تبرد اعصابك وادعي ربي بأذكار الصباح روحي بوسي ولدك واحضنيه واشعري بحنية هالضمه وتخيلي نفسك محرومه منها بعيد الشر عنك واحمدي ربك على هالنعمه وفكري كم شخص تعرفينه محرووووم ويتمناها

سوي فطورك وانتي تستغفرين والبسي وتعطري وروحي لزوجك وصحيه برواااقه لا تحرمين نفسك هاللحظات والله انها اروع ما يكون فكري قبل تصحينه قد ايش تحملك

وفكري انك المسؤوله عن غلطاته عليك

هذا اختارك من بين الحريم زووجه له وام لعياله اعتذري منه واوعديه بايام حلوه جديده تعوضينه ايام الوحم وضيقة الخلق ورجعيه لعشك قبل لا يطير طيرك ويدور غيرك

نكتي معه وسولفي واضحكي واستمتعي بهاللحظات وعوضي نفسك اللي فااات ترى حتى الضغط والسكر والشيخوخه المبكره والله ما تعرف طريقك وانتي مروووووقه وبتعيشين شباب على طول

فكري كم وحده تتمنى زوجك تتمنى اي احد يسولف معاها ويسمع منها ويوديها ويجيبها ويشاركها غريزتها

بالمدرسه فكري فاللي قدامك كلهم اطفااال بكلمه بتجيبينهم

جيبيهم بالتشجيع واذا وحده ذضايقتك لا تكثرين صرااااخ بيكرهونك وماعاد راح يفهمون عليك لو تشرحين لبكره

انتي عارفه المعلمات العصبيات اكيد مرو عليك بفترة دراستك

اكسبيهم بالحب واللين والضحك الحياه مدرسه الاخلاق قبل المناهج وانتي الحين عندك عذرك كونك وحام بس بعد كذا بينتهي الوحم لكن ما راح ينسون عصبيتك وضيقتك عليهم

قبل تعصبين فكري كم شخص ممكن تخسرين واهميتهم بحياتك واهمهم انتي

ياكرهين نفسك وبتملين وبتصفين وحيده

اختي الغاليه ما ودي تزعلين مني بس كل شيء بالهدوء واللين بتجيبينه

انا بعد عصبيه بس حاولتوقدرت اتحكم في شغلات اكثر وانا هاديه اكثر منها وانا معصبه

خلي عندك اذاعة القرآن شغاله بالمطبخ وبغرفتك بتحسين بالهدوء والسكينه ولا تتركين الاستغفار بيعودك الهدوء وراحة البال

واكثري السجود حتى من دون صلاه

كل ما عدى يوم وانتي متحكمه بنفسك اسجدي شكر لله واكثري فيه الدعاء

عودي نفسك على التبسم حتى بدون سبب اعتبريها صدقه ما تكلفك الا كم عضله بالوجه وشوفي التكشيره والصراخ قد ايش تتعبك

بقولك تمرين حلو وقفي قدام المرايه وعصبي وركزي بتعابير وجهك وابتسمي وبرضه ركزي

قارني بين التعابير وانتي بنفسك احكمي على ردة فعل اللي حواليك

كثرت كلام بس المقصد اساعدك بكل الحلول

الله يفرج همك وييسر امرك ويرزقك الطمأنينه وراحة الباااااااااال

أختك اللي تتمنى لك الخير

الله يسعدك غنووو دااايم ردودك تبرد القلب


تحياتي