huda ..:: عضو مميز ::..

1السلام عليكم ورحمة الله وبركاته
نقلت لكم طريقة خواتي في الكويت تمدحها وحدة من البنات وتقول انها مجربتها وهاذي معكم تحكي قصتها لكم .....الله يجزيها كل خير بس انا مجررررربه الخلطه وطلعت فظيييييييييييييعه وتستاهل اني اكتبها وانقلها لكم مثل مااستفدت من الخلطه ابغي افيد خوااااااتي وحبيباااتي الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بالصــور

تحية طيبه وبعد,,,

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها


1-صابونه الكركم -وحدة فقط------------------------ ( تبييض+ نظافة+ تشيل الحبوب الدهنيه بالجسم )
2-صابونه الغار-وحدة فقط-------------------------- ( تبييض + نظافة وتشيل الحبوب وتصفي)
3-صابونه البابايا -وحدة فقط-------------------------( تبييض + تشيل الحبوب وتوحد اللون)
4-ماي ورد غرشه كامله------------------- ( ترطيب نعومه تبييض)
5-ربع ملعقه كبيره كركم جسم ------------------------( تبييض)
6-ملعقة كبيره ملح خشن -------------------( تطهر الخلطة + نظافة)
7-1صابونة الجلسرين اواي نوع من الجلسرين ( مرطب ومبيض + منظف)
8-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندج كميه من الصابون المبشور


نخليهم ونروح نأخذ قدر ضيق اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم مال الجسم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه كنها عصيدة <<< طاااع التشبيه المهم


أي والله صدق بيذوب وتتكون عندك الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه االنشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونتركها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدك وفركي فيها جسمك كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمك دهني جسمك في أي كريم مرطب للجسم عشان تزيد النعومه وترطبين الجسم بعد الصابون أنصحكم بستخدام كريم منيرفا المبيض للدهان مرة فعال معة



أنا حور الجنان 1 خواتي قلتلكم الموضوع لأني شفت أقبال علية واتمنى اني أفدتكم ياغالين ومجربينها بنات من الكويت والسعودية ويعدون نتيجتها
وانا بعدى ماجربتها بس ناويه انشاءالله وحبيت افيدكم يلا ادعولى بالصحه والستر بس خواتي الي تدخل الموضوع وحابة تجربها بأمانة تقول نتيجتها للبنات ولا تطنشنا ررررررررررررررررجاء خاص مني يالغالين قولو تجربتكم للبنات

توقيع
الاوركيدا1 ..:: عضو مميز ::..

السلام عليكم ورحمة الله وبركاته


]



]



اختك الاوركيدا

توقيع


[glow=000066] مشتاقة اضمك و ابوسك و اسمع كلمة ماما منك[/glow][glow=000066]
:sa7l. (166):ربي لا تذرني فردا و انت خير الوارثين [/glow]
عطاشا ...::: عضو مميز :::...

يسلمو هدى على الموضوع ... اما اذا كنتي مجربه شيء حلو
اممممممم بس عني ما اقدر اخاطر بتجميع مركبات كميائيه دون استشارة طبيب جلديه
عموما شكررررررا لك ... ومع اطيب تحيه

ريحانه - 2009 ..:: مشطوب العضوية ::..

بسم الله الرحمن الرحيم
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

نسـ الورد ـايم ..:: جديد ::..

يسلمو اختي على الخلطه ويعطيك العا فيه

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية